لا تعليق

[MohammeD el_SadaT]

الناس كتيرة والمشاعر قلت
ليه الغلط بقى سهل والصح بقى صعب
الحقيقة مرة
الحقيقة صعبة
النفاق مفتاح القلوب
مصادر المعلومات كتيرة لكن الحكمة قلت
الامراض زادت والطب اتقدم
وسائل الترفيه زادت انما وقت الراحة قل
فين الناس ؟؟
فين الحياة؟؟
الشوارع كبرت والزحمة زادت
والضجيج زاد
والحر زاد والبرد زاد
رجالة عمالقة من غير شخصية
بنات زي الرجالة
ممتلكاتنا زادت وقيمتها قلت
بنزعل بسرعة وبنتخنق بسرعة وبنجرح كتير
وبنتكلم كتير وبنعمل قليل
اتعلمنا ازاى نكسب لكن متعلمناش ازاى نعيش
اتعلمنا ازاى نعمل فلوس لكن متعلمناش ازاى نصرفها
الذوق قل والاخلاق قلت والدين قل والضمير بيموت
والعقل غايب والقلب نايم
والسما مليانا غيوم
غيوم الكدب والنفاق والغش والخداع والخيانة
عايزين اللى مش عارفينه
وعايزين اللى مش محتاجينه
وعايزين اللى فى ايد غيرنا
وعايزين اللى مش لينا
الطمع والجشع
صنعنا صواريخ وقتلنا بيها نفسنا
صنعنا المصانع وشمينا عوادهما
ونسينا ريحة الزهور
ونسينا صوت الطيور
ونسينا نور الصبح
ونسينا اشراقة الشمس
وسهرنا كتير
ولعبنا كتير
ومش بنتعلم
حقيقي مش بنتعلم
بندور على اللى فى ايد غيرنا
وبننسي اللى فى ايدنا
ولا بنتجمع على رأي
وكلنا بميت رأي
ومش عارفين احنا ليه
ولا عايزين ايه
مشتتين
ضايعين
مشردين
تايهين
زعلانين وفرحانين فى نفس الوقت
شجعان وخايفين فى نفس الوقت
ياترى العيب فينا ولا فى الزمن ولا فى اللى حوالينا ولا فيه
ولا فى مين بالظبط؟؟؟؟؟؟؟؟؟؟؟
ولا تعليق .....!!!!!