جميع المعلومات الخاصه بكليه فنون تطبيقيه

[مكعبات]

توجد هنا جميع المعلومات الخاصه بكليه فنون تطبيقيه
كلية الفنون التطبيقية هي إحدى كليات جامعة حلوان المصرية بمدينة القاهرة. و الكلية بها 14 قسماً.و تقع كلية الفنون التطبيقية في منطقة الأورمان حي الدقي بجوار جامعة القاهرة


مده الدراسه بالكليه 5 سنوات اول سنه بتبقى سنه اعداديه و دى بتتعرف فيها على اقسام الكليه
و بعدين الاربع سنين اللى بعد كده دول بتوع التخصص اللى انت اخترته

الكليه بتقبل طلاب العلمى
علوم ورياضه
فى ناس بتقول انها بتقبل من رياضه بس
بس دى معلومه غلط خالص

كمان فنون تطبيقيه ملهاش علاقه بأختبار القدرات بتاع الثانويه العامه

الأختبار ده بتاع كليه فنون جميله بس
الاختبار بتاع فنون تطبيقيه بيكون موجود ف مقر الكليه نفسها و بيبقى بعد امتحانات الثانويه العامه و بعد ظهور النتيجه

اما عن تنسيق الكليه فالتنسيق بيتغير كل سنه على حسب تنسيق السنه نفسها
لكن هى عمرها ماخدت اقل من 91%

اقسام الكليه 14 قسم
1-الفوتوغرافيا و السينما و التلفزيون
2-الطباعه و النشر و التغليف
3- الاعلان
4- التصميم الداخلى و الاثاث(الديكور)
5-الخزف
6-الزجاج
7- الزخرفه
8-التصميم الصناعى
9-الاثاثات و الانشائات النعدنيه و الحديديه
10-المنتجات المعدنيه و الحلى
11-الغزل و النسيج و التريكو
12-طباعه و صباغه المنسوجات
13- نحت و تشكيل معمارى


اما عن اختبارات الكليه فتبقى ف 3 حاجات
1 منظور هندسى
2 منظور حر او فنى
3 تصميم ابتكارى

المنظور الهندسى
هنا هيطلب منك رسم منظور لاحدى الادوات او الوحدات اللى فى الحياه
زى مثلا منضده او ثلاجه او غساله

المنظور الحر
هنا هيطلب منك انك ترسم تكوين من اشكال هندسيه زى اسطوانه-دائره-مكعب-مستطيل وهكذا
و تستخدم الظل و النور و زوايا الاضاءه

التصميم الابتكارى
و هنا هيطلب منك تصميم غلاف كتاب او بطاقه تهنئه
و كتابه كلمه خاصه بالموضوع بطريقه معينه عن طريق الزخرفه و استخدام الوان متناسقه

الاختبارات دى مش بتبقى صعبه و اللى بيسقطوا 3% بس
ارجوكم اى حد عنده معلومه جديده يضفها
و اللى عنده استفسار يضيفه

[خالة ميزو]

هل فنون تطبيقية تقبل خريجى الازهر بعد المعادلة

[مكعبات]

نعم هى بتقبل فعلا

[elham_hamdy]

هل فنون تطبيقية او فنون جميلة تقبل علمى علوم

[مكعبات]

بصى يا ستى فنون تطبيقيه بتقبل من علمى علوم و علمى رياضه الاتنين
فنون جميله بقى بتقبل من علمى علوم و رياضه و ادبى كمان
بس قسم العماره ف فنون جميله مش بياخد غير علمى رياضه فقط

[youstina93]

عاوزه اعرف ايه الفرق بين فنون تطبيقيه و جميله فى الشغل و كمان ايه الجامعات التانيه اللى فيها فنون تطبيقيه سواء خاصه او حكومه

[مكعبات]

بصى فى فنون تطبيقيه ف جامعه 6 اكتوبر و فى دمياط
فنون تطبيقيه احسن ف الشغل لان اقسامها كتير و متعدده اما فنون جميله فمفيهاش غير قسم رسم و نحت و ديكور
و كمان قسم ديكور مش بيقبل غير من علمى رياضه
اما فنون تطبيقيه فهى بتساعد على الشغل
فيها اقسام كتيير هتساعدك اوى
ممكن تشتغلى ف الديكور او مصممه ازياء
حاجات كتير اوى

[رحاب ريرى]

هى فنون جميله تنسقه بيكون ف حدود كام ف ال% لانى مش عرف اكمل علمى ولا احول ادبى نفسى ادخل اى حاجه فيها ديكور افيدونى

[shadow2009]

هل يوجد كلية فنون تطبيقية الخاصه

[abdo_pikt]

المشاركة الأصلية كتبت بواسطة shadow2009

هل يوجد كلية فنون تطبيقية الخاصه

نعم يوجد كليات و معاهد عالية خاصة لفنون التطبيقة فى 6 اكتوبر وامكان تانيه كتير

[مكعبات]

بص يا سيدى فنون جميله عمرها ما بتعلى عن التسعين و لا بتقل عن 82
بس قسم الديكور مبيقبلش غير من علمى رياضه

[abdo_pikt]

السلام عليكم
كان عندى استفسار بنسبة لخريج المعهد المساحة السنتين شعبة طباعة عرفت ان شرط اساسى تكون جيب تقدير جيد جدا 75%
علشان اعرف ادخل اختبار فنون تطبيقية ...السوال هنا لو نجحت فى الاختبار بيبقى فى تنسيق تانى لقبول فى الكلية ولا لاء طلما نجحت فى الاختبار وجيب التقدير الذى سماح بدخولى الاختبار يبقى خلاص
وعندى طلب اخر لينك قسم الخاص باستفسارت الفنون التطبيقية والجميلة الذى يشرف عليه ياسر المزين