كل شئ زاد سعره إلا البشر!!!!

[روووووز]

بسم الله الرحمن الرحيم


رأيت فقيراً يبكي فقلت ما الخبر ؟

قال :الأسهم تلاشت و ليس لها أثر

وطلبت من الصراف سلفة فاعتذر

وكل شئ زاد سعره إلا البشر


الأغنام والجِمال والدجاج والبقر

والألبان والأجبان والفواكه والخُضر

وابن آدم لايزال ذليلاً ومحتقر

وازداد الفقر بين العوائل والأسر

والراتب ينتهي قبل نصف الشهر

و الدنيا تسير من جرفٍ لمنحدر

فقلت له :إذا ابتليت بالهم والكدر

قم وصلِ لله ركعتين قبل السَحَر

فهو يرزق من دعاه بجناتٍ ونهر

وتأمل في الطبيعة وضوء القمر

واستمتع بشذى الورد ولون الزهر

وأعلم بأن الحياة ليست مستقر



اللهم انا نعوذ بك من الغلااااااااااااء
يا عنى يا جماعة لو تخيلتوا الناس الغلابة والفقراء بعملوا ايه فى الاسعار اللى زى النار دى الصراحة انا كنت الاول مش مهتمة بارتفاع الاسعار خالص بس بعدين فكرت فى الناس اللى مش عارفة تجيب اكل لاولادها وحتى مش عارفة تعالج اطفالها ولو اتكلمت وقولت الحكومة فى حد هيرد ويقول هو عشان واحد مش عارف يعالج ابنه او مش عارف يجيب اكل لاولاده تبقى البلد والحكومة وحشة اصل حصلت معايا قبل كده
بجد كل حاجة سعرها ارتفع تقريبا 5 او 6 اضعاف من بداية رمضان تقريبا ابتدى الموضوع دهوكان الكل بيقول بعد رمضان الاسعار هتنزل... بس للاسف ارتفعت اكتر....والشيء اللي كان سعره مستقر في رمضان غلي هوا كمان بعد رمضان عملا بالمقولة الشهيرة( اشمعنا انا)...ممكن الانسان اللي عايش لوحده ماتفرقش معاه قوي..بس اللي متزوج وبيعول ربنا يكون في عونه بجد
المفارقة الغريبة ان في حاجات مثلا سعرها بقى اعلى من حاجات كانت دايما اغلى يعني مثلا الطماطم بقت اغلى من الخضار .. وبدل ماتعمل خضار بالصلصة... نبقى نعمل صلصة بالخضار.
... كل الاسعار في ارتفاع مستمر وما بتنزلش خالص.. .
الا البني آدميين ....ده اذا كان اصلا ليهم قيمة او سعر!!!!!!
ياريت كل حد يقول ايه الحاجات مثلا اللي استغنى عنها..
او الحاجات اللي كانت اساسيات وبقت رفاهية
او حاجة استغنيت عنها عشات حاجة تانية...
ليه بيحصل معانا كل ده الواحد مش عارف يتمتع بحاجة فى البلد ليه ارتفاع الاسعار الرهيب ده ليه الحكومة مش بتفكر فى الشعب ولا احنا بلد فيها سوق احتكارية يتحكم فيها التجار وكبار رجال الدول وهما دول اللى خربينها وبعدين ياخدوا قروض من البنوك وبعدين بسرعة البرق يهرب بره مصر وشوفنا من ده كتير طبعا كله ولا حديد عز اللى عنده كل حديد مصر ولا الفساد والنهب والسرقة وكمان بيخزنوا السلع عشان يزيد الطلب عليها وبعدين تنزل باسعار مرتفعة هو ايه اللى بيحصل فى البلد ليه كل ده بيحصل لينا كل حاجة فيها نهب وسرقة لان مفيش ضمير اصلا كل واحد يهتم بجمع الفلوس على قلبه وبعدين يهرب بره البلد ومش يهتم بالناس الفقيرة يقول ما يولعوا هو انا من بقية اهلهم
او ان الموضوع عادي ومش فارق معاك اصلا...