بالنسبه للايميل

[gigi1983]

انا ياجماعه معلم مساعد من 1/8/2009
لما دخلت على موقع الوزاره ودخلت بياناتي في الخدمات الالكترونيه
قالي ليس لك صلاحيه الدخول
ده معناه ايه والبريد ده معمول لناس وناس لا ولا ايه الحكايه
ومعلمين المساعدين بالشرقيه كلهم بيحصل معاهم كده ولا انا بس
ياريت ياجماعه تفيدوني

[mmagdy_81]

ممكن تكون الايميلات ده خاصه بالناس اللى اجتازوا الكادر او اللى امتحنوا. والله اعلم

[gigi1983]

لما دخلت بمسمى موظف او مدرس دخل على صفحه بياناتي بس مافيش اميل اتبعت ده معناه ايه ياريت حد من الي عقدهم 2009 واتبعتله اميل يقولي عشان لو كده اتوجه لقسم الاحصاء بإدارتي

[ابن الأكرمين]

المشاركة الأصلية كتبت بواسطة gigi1983

لما دخلت بمسمى موظف او مدرس دخل على صفحه بياناتي بس مافيش اميل اتبعت ده معناه ايه ياريت حد من الي عقدهم 2009 واتبعتله اميل يقولي عشان لو كده اتوجه لقسم الاحصاء بإدارتي

والله أعلم الإيميل ده خاص بمن اختبروا اختبارات الكادر

[خبير التقنيه]

الايميل لكل من يحمل مسمى معلم مساعد امتحن ام لم يمتحن عندى الزملاء بالمدرسة اللى لم يمتحن له ايميل واللى امتحن ايضا له ايميل
عليك بقسم الاحصاء بالادارة على وجة السرعة
اخوك شرقاوى مثلك
بالتوفيق

[pyony]

انا دخلت على صفحتى على الاميل وغيرت بياناتى بس مش عارف افتحى الاميل اللى اتبعتلى

[ticon55]

الايميل لمن امتحن الكادر فى 20/11

[محمد محمد الجمل]

غير المستخدم لمعلم مساعد

[albdralmner]

يا اخى الامربسيط ادخل على موقع الوزارة ثم ادخل على استمارة الموظف ثم غير نوع المستخدم الى معلم مساعد وادخل بيانتك وكلمة السر بعد كدة تنتفل الى صفحة البيانات الخاصة بك وتشوف الاميل بتاعك
طريقة التفعيل الاميل
ادخل على الموقع المعطى ثم ادخل الاميل ورقمك السرى هو الرقم القومى
ثم هيطلب منك تغير كلمة السر (الرقم القومى)بكلمة سر من اختيارك انت وبذلك يفعل الاميل

[albdralmner]

الاميل لجميع المعلمين المساعدين

[بحراوية من دمنهور]

لو سمحتم يا جماعة عايزة افهم منكم حاجة دلوقت فى بيانات الاميل اللى الوزارة بعتته مكتوبلى ان اخر مؤهل هو ليسانس الاداب 2002 وانا حصلت على دبلومة عامة تربوى 2003 فهل ده لازم اغيره من قسم الاحصاء واكتب ان اخر مؤهل هو التربوى ولا اعمل ايه بالظبط وياريت اللى حصل معاه نفس الشئ يوضحلى رايه وهل دى تفرق فى افضلية التعيين والمعلومات الموجودة عندهم ولا لا ارجووووووو الافادة ولكم جزيل الشكر

[albdralmner]

متقلقيش يا أختى الفاضله الموضوع فى منتهى البساطة بس إنتى أذهبى ألى قسم الأحصاء بالإدارة والمسؤل هينزل ليكى أخر مؤهل حصلتى عليه فوراً.

[heemalove]

لو حضرتك اخصائي اجتماعي يبقي ليس لك صلاحيات الدخول

[gigi1983]

الحمد لله ذهبت الى الاداره وتم تعديل بياناتي وتفعيل اميلي وتمت الامور بنجاح شكرا لكم على المساعده
تحياتي للجميع

[esamesamesam]

انا عقد مميز 2009 و دخلت كذا مره عشان اشوف الايميل يقول ليس لك صلاحيه الكلام ده كان الاسبوع الماضي و زهقت مع العلم انب لم ادخل امتحان الكادر او الا سي دي إل بس الحمد لله جربت امبارح و بالفعل فتح فهذا الايميل لكل معلم مساعد بس جرب كل يوم