|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
23-05-2011, 06:44 AM
|
||||
|
||||
شعبولا عاوز يبقي وزير ثقافة؟
يعتبره "مدينًا" له في صنع نجوميته.. "شعبولا" يطلب من "حبيبه" عمرو موسى اختياره وزيرًا للثقافة إذا تم انتخابه رئيسًا لمصر كتب حسين البربري (المصريون): | 23-05-2011 01:56 سيكون عمرو موسى الأمين العام السابق لجامعة الدول العربية، المرشح المحتمل لانتخابات الرئاسة القادمة في حال وصوله إلى سدة الرئاسة، "مدينًا" للمطرب الشعبي شعبان عبد الرحيم الذي كان أول من غنى له قبل سنوات، ويرى أنه ساهم في صنع شهرته، عبر أغنيته الشهيرة: "أنا بكره إسرائيل"، التي امتدح فيها رأس الدبلوماسية المصرية آنذاك ".. بحب عمرو موسى.. وبكره إسرائيل".
فهو يعتبر أن تلك الأغنية التي اكتسبت شهرة واسعة في مصر قبل أكثر من عشر سنوات كانت "وش السعد" على موسى، مضيفًا: "بعد أن قلت "بحب عمرو موسى"، ردد هذا المقطع ملايين المصريين والعرب، وزادت شعبيته مما دفع الرئيس السابق حسنى مبارك إلى إبعاده من وزارة الخارجية ووضعه في جامعة الدول العربية، لأنه شعر بالغيرة منه، بعد هذه الأغنية"، حسب قوله. ولا يزال "شعبولا"، الذي اشتهر بأغانيه الشعبية ذات الطابع السياسي بعد كل هذه السنوات مؤمنًا بأن موسى شخصية محترمة "وجدع وابن بلد"، ويرى أنه الأحق بالوصول إلى مقعد الرئاسة في الانتخابات المقررة قبل نهاية العام. لكنه يقول بأسلوبه الساخر لـ "المصريون": "إذا فاز موسى بمنصب الرئاسة، فانا سأطلب منه اختياري وزيرًا للثقافة، لأن البلد اليومين ثقافتها على قدها وغالبية الناس إللي بيختاروهم وزراء للثقافة مبيعرفوش غير في الموسيقى (الأفرنجى) والرسومات بتاعة المشاهير الكبار لكن ما فيس حد منهم يعرف الثقافة بتاعة ولاد البلد". لم يغفل "شعبولا" رغم تأييده لموسى عن الإشادة بالدكتور محمد البرادعي، المرشح المحتمل لانتخابات الرئاسة والذي وصفه بأنه "راجل تمام، وكفاية أنه وقف في وش السبع من غير ميخاف أو يكش، وأنا كنت هاعمله أغنية لكن "أمن الدولة" هددوني وقالولى: "هانسحلك" لو فكرت في كده". وأبدى تعاطفه مع البرادعي في مواجهة حملات الهجوم التي يتعرض لها، "الراجل اليومين دول محطوط عليه جامد أوي من ناس جوه وبره، وأنا بصراحة مش فاهم هم حاطينه في دماغهم ليه.. مش بيقولوا ديمقراطية يبقى كل واحد يقول إللي في نفسه ولا هانرجع لزمن اللي يتكلم يتقطع لسانه". ولم يخف أيضا إعجابه بحمدين صباحي البرلماني السابق، وأحد المرشحين المحتملين للرئاسة، بسبب هجومه اللاذعة على إسرائيل في تصريحاته ".. هو كمان راجل بيتكلم جامد ومبيخفش وزى حلاتى بيكره إسرائيل"، لكنه قال "أكتر من كده معرفش مين تانى نازل الانتخابات". أما الدكتور عصام شرف رئيس الوزراء فيقول عنه "كان الله في عونه.. لأنه طالع عينيه ومش عارف يلاحق.. شوية يطلعوا يعملوا مظاهرات يروحلهم يقلهم معلش حقكم عليا.. وناس تخرج تعتصم يقولهم: خلاص هاعمل إللى انتوا عاوزينه.. دا غير السفر هنا وهناك علشان يعرف يمشي حال البلد.. والله الراجل ده له الجنة"، بحسب تعبيره. وفي ظل هذه الظروف التي تعيشها مصر ومع غياب مظاهر الأمن من الشارع المصري يؤكد "شعبولا" أن المجلس الأعلى للقوات المسلحة الذي يضع على كاهله إدارة شئون البلاد هو "إللي حامى البلد ولولا الجيش مصر كانت راحت فطيس وهم بردو مش عارفين يلاحقوا هايحموا البلد من جوه ولا من بره". ومن أجل تجاوز هذه الظروف التي تمثل عنق الزجاجة لمصر، يدعو "حبايبي وأخواتي المصريين يخفوا شويه من المظاهرات"، لأن "البلد هاتقع ومحدش حاسس بحد"، وكأنه بذلك يتحدث بلسان الحكومة التي دعت مرارًا إلى وقف المظاهرات الفئوية بالشارع المصري وإعادة دوران عجلة الإنتاج. أما "الإخوان المسلمين" فهو يراهم "ناس بتوع ربنا ولو مسكوا مجلس الشعب هايخلوا البلد تمام.. بس ميحبكوهاش أوي لأن الناس مش واخده على التحبيك"، على حد تعبيره. وكشف "شعبولا" الذي كان وزير المالية السابق بطرس غالي يستعين به في حملته الانتخابية أنه يدرس ترشيح نفسه إلى مجلس الشعب "طالما الناس إللي كانوا بيمنعونى من النزول علشان خايفين من شعبيتي في السجن". صنع نجوميته.. "شعبولا" يطلب من "حبيبه" عمرو موسى اختياره وزيرًا للثقافة إذا تم انتخابه رئيسًا لمصر
__________________
|
|
#2
23-05-2011, 06:47 AM
|
||||
|
||||
|
__________________
|
|
#4
23-05-2011, 07:35 AM
|
||||
|
||||
|
اقتباس:
هي دي عنوان اغنيته الجديدة والا ايه؟
__________________
|
|
#5
23-05-2011, 08:34 AM
|
|||
|
|||
|
هههه وماله
امبارح كانت سمية لرئاسة الجمهورية والنهاردة شعبولا وزير ثقافة ربنا معاكِ يامصر شكرا عالخبر |
|
#6
23-05-2011, 09:37 AM
|
|||
|
|||
|
طيب ممكن يتنازل شوية ويقبل يبقى وزيرتربية وتعليم ؟؟؟؟؟؟؟؟
|
|
#8
23-05-2011, 10:50 AM
|
|||
|
|||
|
هو ممكن يبقى وزير تعليم
بس لما ياخد الاعدادية الاول بلد مقرفة .. بلد شهادات
__________________
لا للفلول - لا للبلطجية - لا لقتلة الشهداء - لا للحزن الوثنى لا إله إلا أنت سبحانك إنى كنت من الظالمين أ/توفيق عزت عبدالعزيز
|
|
#9
23-05-2011, 10:56 AM
|
|||
|
|||
|
احنا نخلص من عبدالهادى يجلنا عبد الرحيم
|
|
#10
23-05-2011, 10:57 AM
|
|||
|
|||
|
الناس دى بتختصر وتاخد الابتدائية وخلاص
|
|
#12
23-05-2011, 12:13 PM
|
||||
|
||||
|
لا بصراحة بقيت حاجة مملة ..
ايه الناس الغريبة دي ؟؟ كل ده علشان تلمعلها يومين فى الاعلام و الناس تحكي عنهم يومين ؟؟ طيب عندا بقى ولا كأنى سمعت الخبر  و ياريت يا جماعة اللى يسمع الاخبار دي ولا يديهم اى اهتمام خاصة من الاعلام .. بجد حاجة تخنق
__________________
حيـــاتك مليئة بالحجـــارة , فلا تتعثــر بها . بل أجمعهـــا و ابني بهــا سلمــا تصعد به للنجــــاح ..
|
|
#13
23-05-2011, 01:02 PM
|
||||
|
||||
|
شعار عمرو موسى فى الانتخابات القادمة
وإيييييييييييييييييييييييييييييييه
__________________
يا رب
|
|
#14
23-05-2011, 01:11 PM
|
||||
|
||||
|
اقتباس:
الله عليك يا شعبولا ما تسيبك بقا من موسى وخليك مع رئيس مصر القادم البـــــــــــرادعى 
__________________
يا رب
|
|
#15
23-05-2011, 01:11 PM
|
||||
|
||||
|
الراجل دا بيحسبها صح ، ارسل برقيات شكر لكل المرسحين المحتملين لرئاسة الجمهورية علشان يضمن ليه كرسى فى الوزارة
بس الغريبة أنه ما شكرشى فى سمية الخشاب يمكن علشان متأكد انها لو مسكت الرئاسة هو حيبقى رئيس وزراء و بعدين وايه يعنى مش بيعرف يقرا ولا يكتب ، بلاش نحبكها عليه أوى ، أكيد حيلاقى حد فى ا لوزارة يبقى يقراله مشكور على الخبر أستاذى الفاضل بلد شهادات صحيح |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 11:51 PM.
