حاسين بالظلم

[enason]

انا هاعرض عليكي المشكلة و عارفة و شبه متأكدة ان الحل مش عندك
ولكن انا طالبة المشورة فقط
انا ام لثلاثة اطفال اكبرهم بنتي ثالثة ابتدائي ومسافرين في الخارج ( السعودية)
وطبعا مسجلة بنتي هنا في مدرسة ابتدائية مش لهدف التعليم في حد ذاته وانما للترفيه و حتى تصبح لها علاقات اجتماعية لأن الغربة صعبة والبعد صعب على العيال
المهم اننا هنا نعاني من معاملة المدرسات السعوديات لبناتنا طبعا مش كلهم ولكن غالبيتهم مش بيحبونا و لو رحت المدرسة عشان اشوف المعلمة ليه بتعامل بنتي كده او ليه اديتها درجة مش كويسة وهي شاطرة تهب فيا وتتعند بنتي وتعاملها معاملة وحشة
بنتي شاطرة شاطرة وان متاكدة من مستواها ولكن المعلمة دي دايما تخذلها وتكسفها عشان بس رحت لها مرة وسألتها ليه لم تعطيها درجة كويسة والله قلبي بيتقطع
ومهما لو بنتي جاوبت تقولها لا انا كنت مثلا عايزة نقطتين بس وانت جاوبتي ثلاث نقط
وفي مرة بنتي كانت من خمس طالبات جاوبوا اجابات صحيحة كافأت كل البنات وبنتي لا
من الاخر متعنداها
والله حرام حرام حرام
انا عايزة اصرخ اصرخ ليه التعند ده
السعوديين والله والله كانهم يهود معانا وده مش من موقف المعلمة دي بس لا هم كده في اماكن كثيرة
يعني في شغل زوجي في المحلات بل وحتي سلئقين التاكسيات
المهم انا مش عايزة اخوض في مشكلة مجتمع بحاله
ربنا يحاسبه
ولكن انا عايزة اعرف انا اعمل ايه يعني ازاي اسكت انا مش قادرة اتحمل والله كأن انا اللي باروح المدرسة مش بنتي
وبعدين مثلا السنة دي و هتعدي اكيد ربنا ارحم بينا ولكن انا عايلة هم البنات في السنة القادمة والقادمة
ايه الابلة دي هتعقد كل سنة كام عيل
مفيش مكان انت تعرفيه مثلا من خلال معلوماتك اتقدم فيه لشكوى يمكن يكون فيه احد يسمع وينقذ الاولاد من تحت اديها ويد اللي زيها
للعلم نحن الاجانب كما يسمونا هنا نمثل 90 بالمائة من طالبات المدارس
يعني فصل بنتي و ما شابهه يحوي 30 طالبة منهم 3 او 4 سعوديات وطبعا محببات
شكرا لك واسفة على الاطالة
ام ابنتي