إغماءات تصيب طلاب الثانوية الأزهرية لصعوبة "الهندسة الفراغية"

[البرهان الرياضى]

انتقل البكاء والصراخ من طلبة الثانوية العامة اليوم إلى طلبة الثانوية الأزهرية بعد أدائهم امتحان الجبر والهندسة الفراغية لطلبة القسم العلمى اليوم السبت.

أكد الطلاب وهم فى حالة انهيار أن صعوبة مادة الجبر والهندسة اليوم قضت عليهم بعد أن سبقتها صعوبة مادتى الكيمياء والأحياء، مؤكدين أن الامتحان خصص له وقت زمنى مدته ساعتان فقط، فى حين أن الامتحان يحتاج إلى ضعف الوقت المخصص، نظرا للصعوبة والغموض الذى كان السمة الغالبة على الامتحان، مطالبين شيخ الأزهر بالنظر إليهم ومراعاة الكم الهائل من المواد التى يدرسونها التى يبلغ عددها 16 مادة.

أما طلاب القسم الأدبى فقد أكدوا أن امتحان اللغة الفرنسية التى أدوا امتحانها اليوم جاءت فى منتهى الصعوبة، على حد قولهم، مشيرين إلى أن السؤالين السابع والثامن يحتاج إلى ما يقرب من ساعة ونصف.

من ناحية أخرى أدى طلاب الشهادة الإعدادية امتحانا اليوم فى مادة التوحيد والسيرة، معربين عن سهولة الامتحان، وأنه فى مستوى الطالب المتوسط.

[متلمس الطريق]

تسلم ايدك ع الخبر

بس ممكن لو سمحت ورقه الامتحان

نشوفها لو سمحت

[الاستاذ عوض على]

المشاركة الأصلية كتبت بواسطة متلمس الطريق

تسلم ايدك ع الخبر

بس ممكن لو سمحت ورقه الامتحان

نشوفها لو سمحت

تفضل حضرتك
الرابط
http://www.thanwya.com/vb/showthread.php?t=217699

[الاستاذ عوض على]

ألف شكر لحضرتك على الخبر وننتظر المزيد

والطالبات فى اللجنة عندى لم يحدث لهم ذلك وكانوا راضين عن الامتحان

[سارة الازهرية]

لا الامتحان كان صعب شوية بس الحمد لله عندنا الطالبات كلهم حلوا الامتحان

[البرهان الرياضى]

شكرا على المرور والمتابعه

[masterdark]

صراحة امتحان الجبر النهاردة كان كويس بس بجد كان محتاج وقت اكثر من ساعتين لو نص ساعة زيادة كانت فرقت معايا جامد

[قطوف دانيه]

حسبنا الخالق من المخلوقين وحسبنا الرب من المربوبين

[خالة ميزو]

اللامتحان فعلا كانت افكاره جديدة جدا ، وعايزة وقت طويل ، سؤال التباديل والتوافيق لوحده بياخد نص ساعة ، لان فى معادلة مساعدة ، ولازم الواحد يوظفها فى نهاية المسأله مش من بدايتها ، بس بشكل عام رغم صعوبة الجبر الا انه كان اسهل من التفاضل بكتير ، وعلى فكرة امتحانتنا متشابهة مع امتحانات الثانوية العامة ، وده معناه ان واضع الامتحان واحد ، لذا انصحكم بحل امتحان الميكانيكا بتاعهم لان اكيد ممكن ييجى منه حاجة ، المشكلة ان الازهرية موادهم كتير وبيحبو الحاجة تكون شبه اللى اتشرحلهم بالظبط ، ومبيحبوش الافكار وده بشكل عام طبعا ، ( بصمجية يعنى )

[البرهان الرياضى]

المشاركة الأصلية كتبت بواسطة خالة ميزو;2279734 [i

، المشكلة ان الازهرية موادهم كتير وبيحبو الحاجة تكون شبه اللى اتشرحلهم بالظبط ، ومبيحبوش الافكار وده بشكل عام طبعا ، ( بصمجية يعنى )[/i]

***************
إتق الله فى تعبيراتك وألفاظك
أقل طالب فى الأزهر أفضل من أعلى
شخص فى التعليم العام لأنه يدرس
قال الله وقال رسوله

[محمداحمد 2010]

أنا الطالبات اللى كنت براقب عليهم لم يشتكوا من شىء لكن كان فى بكاء وعدم رضا فى لجان أخرى فى نفس المعهد.
بالتوفيق لطلاب وطالبات الأزهر لأنهم الصراحة مظلومين إعلامياً.