التعيين بقرار 133 والتثبيت بقرار 134 ما الفرق ؟

[أم هيما]

يا جماعه انا محافظة الدقهلية ادارة تمى الامديد والمحافظ اصدر قراريين واحد ب133 للى اجتازوا امتحان الاكاديمية
والتانى 134 للمر عليهم تلت سنين فأكثر واتثبتنا على معلم مساعد لحين ظهور نتيجة الكادر

على موقع المديرية مكتوب المعيين بقرار 133
والمثبتين بقرار 134

وعلى فكرة احنا عملنا كلنا نفس الملف ونفس الورق وكلنا ملفنا مكتوب عليه القرار
والدرجة التالته التخصصية

يا ترى ايه الفرق بين المعينين والمثبتين اللى على موقع المديرية

ملحوظه مهمه : كل اللى اتعين او اتثبت كلنا مر علينا ثلاث سنوات فأكثر والفرق الوحيد بينا هو نتيجة امتحان الكادر

والمثبتين بقرار 134 امتحنا 1/4 وفى انتظار نتيجة الاختبار

ومعندناش ناس شغاله بالحصة كلنا كنا عقود عمل مميزة

واللى متعينشى امتحن بردو بس لسه ممرش عليه ثلاث سنوات

ياريت تفهمونى
ملحوظة تانية انا سالت وانا بعمل ملف التعيين عن اجازة رعايه الطفل قالوا لى من بكرة لو عايزة تعالى اعملى اجازة انا قرار 134

[سلمى5]

وما حدش رد علية لية

[نورالحبيب]

انا من محافظة الدقهلية و سألت في الادارة ايه الفرق بين التعيين و التثبيت قالوا لي الاتنين واحد بس الفرق ان المعيين ما بيكنش اشتغل في العمل ده قبل كده أما المثبت اللي كان شغال بعقد و بعدين مر عليه ثلاث سنوات فأكثر فاتثبت

[ahmed_2040]

عروستي
احنا المعملين المساعدين بتوع 2008 تبع اية من دول

[رضا عبد الحميد عبد الرازق]

يا جماعة بتفرق والله أعلم فى اللى خلص امتحان واللى مخلصش بس هو ده الفرق

[رائحه الورد]

انا اعتقد ان القرار 133 يعن تعيين على درجه معلم اما 134 ده تثبيت على درجه معلم مساعد كما هو ويترقى لدرجه معلم لما يجتاز امتحان الكادر المهم ان حضرتك ينفع تعملى اجازه من بكره دى اجمل م ا فى الموضوع ياترى عملتيها

[أم هيما]

لا فى انتظار بعض الترتيبات الاخرى وبعدين اقدم على الاجازة ان شاء الله
وشكرا على ردكم عليا

ويا ترى ان شاء الله لما امتحان الكادر نتيجته تظهر كدة هبقى معينين على طول ولا هنتظر فترة