هل سيتغير الخطاب الديني!

[**تسابيح**]

السلام عليكم ورحمة الله وبركاته
أصبحت مصر الآن في ثوب فتاة جميلة,تتمتع برونق خاص,فقد انتهي عصر أمن الدولة ومتابعته وخوف المصريين منه,وأصبح الآن الأشخاص أحرار لا يخافون الإ من ربهم .
العجب أنني عرفت مؤخراا ,أن خطباء المساجد معظمهم
لو شخص فيهم تحدث نصف كلمة خارج الإطار ,كان ضباط أمن الدولة يضربونهم .
الآن أصبح الخطيب يتحدث في السياسة ومأمور القسم يجلس أمامه,لم يكن هذا في السابق.
ولكن هذا لا يمنع أننا نريد خطاب ديني ,جديد يواكب متطلبات العصر والبيئة التي نعيش فيها.
وليس فقط يكون الدين مقتصر علي العبادات.
لأني ألاحظ أن بعض المساجد وما بها من خطباء لم يتغيروا!
فهل سيتغير الخطاب الديني بشكل أكثر فعالية مع الحياة العصرية...
أقصد أن يكون العالم لا يخشي الإ الله فقط وكلمة الحق!
<تسابيح النجوم>

[Specialist hossam]

جزاكم الله خيرا

واليكم هذا الموضوع

فهو مهم جدا فى هذه المسألة

بدأت الحلقة الجديدة من برنامج ( الحياة كاجوال )

و كانت الفقرة الأولى مع ( المفكر ) الكبير , ( فلتة الزمان ) , و فقيه البلدان ,
عن موضوع مهم جدا و هو :

تجديد الدين

اعتدلت المذيعة في جلستها ,
محاولةً أن تسحب جيبتها القصيرة قدر المستطاع لتغطي بها ركبتيها احتراما لـ(فَدِيلة) الضيف الكبير

أما فضيلة المفكر الكبير فقد عدّل رابطة عنقه بعد أن ربت على ( ***وكته ) و استعد للكلام ,

و بدأت الفقرة مع بعض الموسيقى ( الإسلامية ) لزوم الخشوع
-طبعا مافيش حاجة اسمها موسيقى إسلامية-

و طبعا بدأت الاسئلة تنهال حول :
حكم الموسيقى و الغناء
و لبس المراة لـ(الاسترتش) إذا كان فضفاضا
- و ما تسألش عن كيفية الجمع بين الاثنين -
و الربا في البنوك
و هل النقاب حرام أم لا يجوز ؟؟
و هل ( الساندويتش الفاضي ) و الماء ( الناشف ) يُبطِل الصيام ؟
و هل موالاة النصارى و غير المسلمين و اتخاذهم اصدقاء و أولياء تجوز أم لا
و غيرها

و طبعا كانت الإجابات ( المريحة )تفيدك بأن كل شيء :
يجوز ... باللوز و الجوز

و الحجة في ذلك هي :

( تجديد الدين )

لأن كل وقت و له أدان
و كل فيل و له ودان ,
و ما صَلُح لغيرنا في العصور القديمة
أيام الخيل و الليل و القرطاس و القلم ,
لا يصلح في عصر الفضائيات و و الفيس بوك و سبيس تون
و .....

و انتهت الحلقة

و الحمد لله كل المشاهدين ( ريحوا ضميرهم ) لأن مافيش حاجة بقى حرام
و الدين اللي ( بيقيدنا ) بتاع زمان خلاص اتعمل له
update
و بقى آخر حلاوة

لكن فيه مشكلة و هي :
إنهم كانوا بيقولوا لنا زمان إن الإسلام صالح لكل زمان و مكان ,
و إلا لما كان الإسلام هو الرسالة الخاتمة ,
و لجاء رسل بعد النبي صلى الله عليه و سلم بشرائع جديدة تناسب الأزمنة و الأمكنة المتغيرة ,

يبقى المفروض إن الدين مش محتاج تغيير ,

لكن في نفس الوقت إزاي الرسول صلى الله عليه و سلم يقول :
(( إن الله تعالى يبعث لهذه الأمة على رأس كل مائة سنة من يجدد لها دينها ))
[ الراوي: أبو هريرة - المحدث: الألباني -
المصدر: صحيح الجامع - الصفحة أو الرقم: 1874
خلاصة حكم المحدث: صحيح]

يعني فيه تجديد في الدين و لا مافيش ,
و إزاي فيه تجديد و المفروض إن الإسلام صالح لكل زمان و مكان ؟؟
الواحد احتار بصراحة !!

؟؟؟؟؟؟؟؟؟؟؟ ؟؟؟؟؟؟؟؟؟؟؟ ؟؟؟؟؟؟؟؟؟؟؟

بص يا سيدي ,
الموضوع مافيهوش حيرة إن شاء الله

طبعا الحديث اللي انت ذكرته صحيح

و فيه فعلا في الشرع حاجة اسمها ( تجديد ) الدين , لكن ليس ( تغيير ) الدين

المشكلة إن الناس بتفكر إن ( التجديد ) = ( التغيير )

لا , و 1452 لا

( التغيير ما ينفعش ) في الدين
لأن زي ما حضرتك قلت الإسلام كامل و صالح لكل مكان و زمان ,
أما ( التجديد ) فيختلف عن التغيير ,


فالتجديد : هو جعل القديم جديدًا،
أي : إعادة القديم إلى ما كان عليه أول أمره

و يتضح من الكلام السابق إن التجديد فيه 3 حاجات مهمة لازم نفهمها :

1- كان فيه حاجة قديمة موجودة اصلا , و ماحدش اخترع حاجة من الهواء

2- الحاجة اللي كانت موجودة علاها التراب فأصبحت غير واضحة ,
أو أُضيفت لها أجزاء زائدة , أو انتقصت منها أجزاء أخرى

3- و تجديدها بأن نرفع عنها ما جعلها غير واضحة ,
أو نزيل الحاجات الزيادة اللي عليها , أو نعيد لها الحاجات اللي نقصت منها
لنعيدها إلى حالتها الاصلية


يعني من الآخر إن التجديد مش يعني تغيير الدين و لا إننا نخترع في الدين حاجات جديدة ,
و لا إن حاجات كانت حرام تبقى حلال و لا .... ,
لكن
توضيح ما خفي ,
و إزالة ما زاد ,
و إعادة ما نقص

فـالتجديد هو عودةٌ للأصل
الذي كان عليه الرسول و صحابته من بعده
و ليس اختراع شيء جديد .


و للاستزادة نرجو زيارة الرابط التالي :

لواء الشريعة :: المقالات :: معنى التجديد في الإسلام

فقد استقيت منه الموضوع

و جزاكم الله خيرا على القراءة ,

>>>> و لا تنسونا من دعوة صالحة بظهر الغيب <<<<

منقول من مدونة تظبيط

[usernamo]

بصى يا تسابيح .. انا عندى شيخ جامع مصمم و راسه الف سيف .. السياطين بتبقى موجوده فى رمضان .. عمرى ما سمعته بيتكلم عن حاجة إلا الشيطان .. (( بينه و بين الشيطان عداوة )) ... و جامع اللى ورانا .. بيقول خطبة تيك اواى
... تروح تصلى الجمعه الساعه 12و ربع وتخلص 12 و نص .. و مضمونها .. ان الله موجوده .. و اننا يجب ان نصلى حتى لا تقع علينا لعنة الله ...

اقولك على حاجة .. انا مرة كنت فى محاضرة للشيخ عبد الرحيم الشعراوى شبه والده بالظبط .. و بيقول المحاضرة زى والده .. بعديها بيومين تقريباً .. بنت وزير الاعلام كانت بتتجوز .. ووالدى كان معزوم .. رحنا الفرح فخم و مش عارف .. لقيت .. الشيخ عبد الرحيم هناك .. قلت اكيد يعرف حد من العروسين .. لسه هروح اسلم عليه .. لقيته بيرب سيجارة .. للمرة بعد الخمسين تقريباً خلص علبة .. و عمال يهزر مع البنات بطريقة مقززة ... و من ساعتها انا قلت ده منافق .. و بردو من ساعتها .. انا نادراً لما بسمع خطبة من حد إلا من اليخ محمد حسان او عمرو خالد .. انما الباقى ... بحس انه منافق او عبيط ^^

[Mr. Ali 1]

المشاركة الأصلية كتبت بواسطة usernamo

عمرى ما سمعته بيتكلم عن حاجة إلا الشيطان .. (( بينه و بين الشيطان عداوة ))

ههههههههههههه
امال انت عايز يكون بينه وبين الشيطان صداقة يا أمجد ؟

[سيف العدل البتار]

شكراااا لك
موضوع جميل
سيادتك تقصد تغير الاسلوب الشخصى لشيخ او الامام او الدعية.
و ده شئ المفروض ان يكون و ده لازم.