هما الشباب بيعكسونا ليه؟. .!!!

[,, أَمـــَـة الله ,,]

السلام عليكم و رحمة الله ,


من أكثر الحاجات اللي بتغيظني ,
و بترفع ضغطي - و بالتالي درجة حرارة غلياني - ,

لما تلاقي واحدة طالعة مثلا في التلفزيون ,
لابسة : بادي , أو بنطلون , أو حتى بلوزة و جيبة , و ( الكل أُس "ضَيِّق" )
سواء كانت ( مغطية شعرها ) أو مش مغطياه ,
-و طبعا اللي مغطية شعرها تفرق كتير عن المحجبة
المهم , لما تلاقي واحدة بالشكل ده سواء مستضيفينها في برنامج ,
أو بياخدوا رأيها في الشارع ,

و تلاقيها بتسأل بكل ( براءة ) - و إن شئت فقل بكل ( استهبال ) - و تقول :
أنا مش عارفة هي الأخلاق انحدرت ليه كده عند الشباب ؟؟
ليه ظاهرة المعاكسات و التحرش زادت كده ؟؟

و كأن ( جناب البريئة ) ترتدي زِيَّ أمهات المؤمنين !!

و مش شايفة إن طريقة لبسها زي ما بيقول الرافعي - من أكثر من 70 سنة - :

" تجعل ثيابها تعبيرًا دقيقًا عن أعضائها،
و بدلاً من أن تُلبس جسمها ثوبًا يكسوه ،
تُلبسه الثوب الذي يكسوه و يزينه و يُظهره و يُحركه في وقت معًا،
حتى ليكاد الثوب يقول للناظر:
هذا الموضع اسمه... وهذا الموضع اسمه... وانظر هنا وانظر ههنا...


" [وحي القلم - فلسفة الطائشة]



حفظكم الله