قررنا نحن معلمى جمهورية مصر العربية "قرارا ضمنيا" داخل كل منا ما يلى :-

[العركاوي]

قررنا نحن معلمى جمهورية مصر العربية "قرارا ضمنيا" داخل كل منا ما يلى :-

مادة 1 - مضاعفة سعر الدروس الخصوصية "ضعفين أو تلاتة" واللى مش عاجبه من أولياء الأمور "يروح ياخد درس عند حد تانى يكون قنوع وبياخد حد أدنى للأجر" .. زى فراش المدرسة مثلا "مع التبجيل للجميع" ...

مادة 2- قرر معلمى مراحل النقل المختلفة جعل نتيجة المدارس بامتحانات النقل المختلفة لا تزيد عن "50%" لضمان انه ما يتحققشى معانا قانونيا ... وكمان وكمان نشتغل فى الصيف .... ولا ايه ... ناكل عيالنا يعنى .!!!!

مادة 3- نصيحة لكل معلم لم يكن محظوظا فى مادته "يعنى ما ينفعشى يدى دروس خصوصية" ...ومش عارف يشتغل شغلانة تانية... روح سجل اسمك بجمعيات "كفالة المعلم اليتيم" -

مادة 4 - على كل معلم لديه الحافز للعمل بشغلانة بعد الضهر أو قبله "مش هاتفرق كتير" .... يروح يطلع رخصة درجة تالتة ويشوفله تاكسى يركبه "أو يشيله" ... أو يشتغل "شيال" فى سوبر ماركت "وأهو بالمرة هياخد أى جبنة وحلاوة وفينو وخلافه وهو مروح ... صدقة أو سرقة طبعاً".

مادة 5 - مراعاة أن تبدأ الدروس الخصوصية "الساعة 8صباحا" ... أيوه فى وقت المدرسة ... وحتى بزوغ فجر اليوم التالى ..

مادة 6 - كل ولى أمر "لا يعمل" أو شغال مدرس "يعنى لا يعمل برده" .. :-
- يظل فى بيته حتى يأكله الدود "يقابل وجه كريم يعنى" ...

مادة 7 - ينشر القرار "بالضمائر" الرسمية للمعلمين ... ويتم العمل به من صباح اليوم التالى للنشر ..

000 والله الموفق والمستعان 000 شكر الله سعيكم في وفاة المعلم0000
منقولا عن معا لمضاعفة الدروس الخصوصية...طالما الدوله مش ساءلة فيا

[على محمد مفتاح]

كلام فارع واية زنب الطلبة

[ابوجنا2]

والله كثرة التريقة هى اللى هتودينا فى داهية
ويا ريت بدل ما نكتب تعليقات وبس ان نشارك بأيجابية لتحقيق اهدافنا للحصول على حقوقنا

[awsam]

هل الأخ من قرية العركي من فرشوط ؟؟؟؟

[ميدان التحرير]

سخرية مريرة افهمها جيدا ولا يقصد الاخ الكلام حرفيا
هذا هو الواقع المرير الذى نعيشه

[tomjerry741]

المشاركة الأصلية كتبت بواسطة على محمد مفتاح

كلام فارع واية زنب الطلبة

اية ذنب الطلبة ؟

عشان انتو والوزراء اصبحتم مثل الوباء على قلوبنا يا بنى

[naser012]

هو احنا شاطرين الا فى كده

[ayman asyoty]

عشان انتو والوزراء اصبحتم مثل الوباء على قلوبنا يا بنى

[Super Teacher]

المشاركة الأصلية كتبت بواسطة العركاوي

قررنا نحن معلمى جمهورية مصر العربية "قرارا ضمنيا" داخل كل منا ما يلى :-

مادة 1 - مضاعفة سعر الدروس الخصوصية "ضعفين أو تلاتة" واللى مش عاجبه من أولياء الأمور "يروح ياخد درس عند حد تانى يكون قنوع وبياخد حد أدنى للأجر" .. زى فراش المدرسة مثلا "مع التبجيل للجميع" ...

مادة 2- قرر معلمى مراحل النقل المختلفة جعل نتيجة المدارس بامتحانات النقل المختلفة لا تزيد عن "50%" لضمان انه ما يتحققشى معانا قانونيا ... وكمان وكمان نشتغل فى الصيف .... ولا ايه ... ناكل عيالنا يعنى .!!!!

مادة 3- نصيحة لكل معلم لم يكن محظوظا فى مادته "يعنى ما ينفعشى يدى دروس خصوصية" ...ومش عارف يشتغل شغلانة تانية... روح سجل اسمك بجمعيات "كفالة المعلم اليتيم" -

مادة 4 - على كل معلم لديه الحافز للعمل بشغلانة بعد الضهر أو قبله "مش هاتفرق كتير" .... يروح يطلع رخصة درجة تالتة ويشوفله تاكسى يركبه "أو يشيله" ... أو يشتغل "شيال" فى سوبر ماركت "وأهو بالمرة هياخد أى جبنة وحلاوة وفينو وخلافه وهو مروح ... صدقة أو سرقة طبعاً".

مادة 5 - مراعاة أن تبدأ الدروس الخصوصية "الساعة 8صباحا" ... أيوه فى وقت المدرسة ... وحتى بزوغ فجر اليوم التالى ..

مادة 6 - كل ولى أمر "لا يعمل" أو شغال مدرس "يعنى لا يعمل برده" .. :-
- يظل فى بيته حتى يأكله الدود "يقابل وجه كريم يعنى" ...

مادة 7 - ينشر القرار "بالضمائر" الرسمية للمعلمين ... ويتم العمل به من صباح اليوم التالى للنشر ..

000 والله الموفق والمستعان 000 شكر الله سعيكم في وفاة المعلم0000
منقولا عن معا لمضاعفة الدروس الخصوصية...طالما الدوله مش ساءلة فيا

عُلم وينفذ
مستر مهند

[Mr. Sami]

يظهر مفيش حل غير كدة

[mos3d]

حتى السخرية من أحوالنا مستخسرينها فى صاحب الموضوع ؟؟

تحية لصاحب الموضوع على إحساسه بأوضاعنا و سخريته مما يحدث

[عبده الحلو]

ان شاء الله هيحصل طول ما وزير التعليم قاعد

[مجرد حلم]

والله ده الحل خلى الاهالى اللى بيهاجموا فى المدرسين يتربوا لانهم ناقصين تربية والحكومة تبقى تعمل حد اقصى للاجور شويه لصوص

[osamaelshamy]

ياناس حرام عليكم السخرية دى هى السبب فى اهدار كرامة المعلم يعنى بدل ما نتحد ونوجد كلمتنا ونطالب بحقنا نقعد ونندب حظنا ؟؟؟؟؟؟؟؟؟؟؟؟؟؟؟؟؟

[Minamira]

اوافق و بجد