اللى محولش يتفضل هنا معايا و انا اقوله يعمل ايه بالظبط

[Black memory]

بصو يا جماعه انا زيي زيكم محولتش فى دردشه بينى و بين قريبتى قالت لى ان التحويل الالكترونى ده اقل حاجه بيقبلها نص درجه او درجه بالكتير جدا فرق بينك و بين الجامعه التانيه اكتر من كده بيكون تقريبا مستحيل قلت لها ليه مستحيل قالت لى علشان تروحى الجامعه و تحولى بفلوس
حكايه التحويل اللى بفلوس دى ايه بالظبط
انا جت الزقازيق و عايزه احول المنصورة هعمل ايه
هروح المنصورة و اشوف التحويل الورقى ده بيبدا امته و بيعقد قد ايه هسحب من هناك ملف ب150 او 200 جنيه و بعدين بدفع للجامعه من 2000 الى 3000 جنيه او اكتر شويه علشان التحويل بتاعى يتم و التحويل ده بيبقى مضمون ميه الميه علشان فيه فلوس انما التحويل الاكترونى ده للى فرق بينهم و بين الجامعه نص درجه او درجه بكتيره

بصو الكلام ده لو صحيح روحو الجامعه بكره و اسالو و كل دقيقه و ثانيه تابعو فى الجامعه و ربنا يوفقكو كلكو و يوفقنى انا كمان
ده كل اللى اعرفه بالظبط حتى انا اتصلت بيها حالا افهم منها و ده اللى قالته ليه من الاخر اللى تحويله متقبلش يعمل حسابه ع 5000 جنيه علشان يقدر يحول و ربنا يسهل لينا جميعا و يوفقنا كلنا

[malk sami]

قالوا ألف قلنا ماشي انما 5000 دي كتير
ده غير التصريح اللي قال ان الورقي اتلغى خالص.

[issac-newton]

ما هو المشكلة في ام التصريح
على العموم شكرا بلاك ميموري ,
و ادينا بايتين معاهم للصبح .
لحد ما هنلاقي نفسنا في الشارع

[Black memory]

المشاركة الأصلية كتبت بواسطة issac-newton

ما هو المشكلة في ام التصريح
على العموم شكرا بلاك ميموري ,
و ادينا بايتين معاهم للصبح .
لحد ما هنلاقي نفسنا في الشارع

التصريح ده تقريبا المقصود بيه اللى هو بدل الالكترونى انك تحول ورقى ببلاش ده هيخسرهم يا ابنى لما كل النسبه دى تحول ببلاش و بعدين هما قالو ان النسبه اللى هتحول الكترونى 10% يعنى 90% هيترفضوا
انما الورقى اللى انا بتكلم عليه ده دايما موجود و عمره ما هيتلغى
اتمنى اكون فدتكم و ربنا يوفقكم

[Black memory]

لا الورقى اللى اتلغى ده اللى هو زي الاكترونى و بعدين لو اتلغى هيرجعه علشان يلم فلوس
انا بقول 5000 كحد اقصى الله اعلم بقى روح الجامعه و اسال و ربنا يسهل

[ميدو ميد]

حرام5 الف جنية لية يعنى وارجوكم خليكوا هنا معانا لاغيت ما نشوف هنعمل اية

[Black memory]

يا جمااااااااااااااااااااااعه اقسم ليكم ان 5 الف جنيه ده مش شرط كلهم بس بقول تحسبا لاى زياده عن السنه اللى فاتت يعنى اعمل حسابك ع المبلغ ده

[tota forta]

منورررررررررررررين
انا كمان زيكو بالظبط جات لى المنيا وانا من اسكندرية
هنعمل ايه بس؟
بس بردو الحمد لله

[Black memory]

ايووووووووووووووووووووووووووووه عليكى نور الحمد لله

[ميدو ميد]

انت سئلت فى انهى جامعة ي اللى بتقول 5 الف جنية ؟؟؟؟؟ّ!!
وجامعة اية الى هتسئلوة عليها

[ميدو ميد]

سئلت فى جامعة اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ningooooo]

طيب انا جالي الزقازيق و عاوز احول المنصورة

نروح الزقازيق و لا المنصورة

و انا كلمت واحد في مكتب التنسيق قالي تعالي بكرة

[Black memory]

يا استاذ ميدو انا مسالتش فى جامعه انا سالت قريبتى كانت صاحبتها محوله قبل كده بالورقى ده مش الالكترونى جامعه اسكندريه قالت لها دفعت 150 جنيه للملف و 3000 جنيه للجامعه الله اعلم السنه دى نفس الاسعار و لا هتغلى اصلها طماطم ممكن تغلى و صدقنى مبهزرش ف كلامى فبقولكم احتياطى لو انت مش عاجبك الكلام ده اسال انت فى الجامعه و قولنا يمكن غيرو النظام ^^

[Black memory]

لو عايزه تحولى المنصورة اسالى فى المنصورة و انزلى المنصورة مش الزقازيق

يعنى بالمعنى الاصح اسالى فى الجامعه اللى انتى عايزه تحولى ليها مش منها

[highlight]

المشاركة الأصلية كتبت بواسطة black memory

لو عايزه تحولى المنصورة اسالى فى المنصورة و انزلى المنصورة مش الزقازيق

يعنى بالمعنى الاصح اسالى فى الجامعه اللى انتى عايزه تحولى ليها مش منها

يعنى انا من اسكندرية
وجاتلى المنيا و عايزة احول لاسكنرية
اروح اللى هنا فى اليكس مش انزل اتمرمط فى الطريق لحد المنيا صح كده و لا انا فهمت غلط؟؟