:: بحبها .. وفي قلبي ساكن حبها ::

[حياتى وقف لله]

الحمد لله والصلاة والسلام على رسول الله صلى الله عليه وسلم ..

بحبها ... بحبه ..
صاحبي .. صاحبتي ..
نبقى أصحاب وبس .. خلاص هنبقى أصحاب وبس !!
بحكيله همومي .. بحس معاها إنها فاهماني !!
بيعوضني الحنان والأمان .. بحس معاها بوجودي !!
انت عمري .. انتي حياتي !!
.
.
.
.
.
.
.
.
.
.
.
.
وهكذا
.
.
.
.
.
.
تستمر العلاقة .. في تطور من حال إلى حال ..
.
.
.
.
.
ويسعدني إني أستضيف أحد عمالقة الحب والغرام وأسأله ..

انت عرفتها ازاي ؟؟
اتفضل الميك مع حضرتك




في البداية ...
أحب أقول إن أنا كنت ضايع وملقتش الامان إلا وأنا معاها ..
أنا مكنش ليا هدف في الحياه وهي خلتني أحس بوجودي ..
أنا لفيت كتير مقابلتش بنت زيها ..

أول مره شوفتها عجبني فيها أدبها وأخلاقها وإنها مش بتكلم ولاد .. ولو كلمت حد بيبقى على أد المصلحه !!

طيب وانت اتعرفت عليها ازاي وهي بالمواصفات دي ؟

والله أنا كنت متردد جدا قبل ما أكلمها .. لكن دعيت ربنا من كل قلبي !! إنه يساعدني أتكلم معاها وأقرب منها يمكن تكون هي فتاة أحلامي اللي بحلم بيها تركب ورايا الحمار الأبيض !!

قربت منها وقولت لها ..
هاااااااي
قالت لي
أهلا وسهلا ..
اتعرفنا واتكلمنا في الجامعة .. قربت منها أكتر حكيت لها همومي ومشاكلي وبدأنا نحلها سوا ..
حسيت إن حياتي أصبح ليها معنى وهدف ..
حبيت النجاح والتفوق بسببها !!



أنا مش عارف أتكلم ازاي ..
مش قادر أوصف لكم مشاعري ..


وشدينا الميك من صاحبنا ..
وقابلنااااااااااه بعد سنيــــــــــــن ..
واديناله الميك من تاني !!



ازيك عامل إيه .. أخبارك إيه ؟؟

أنا !!..
أقول لكم إيه ؟
أنا ضايع .. ومشتت .. ومش عارف أعمل إيه !!
كل أحلامي ضاعت !!
مبقاش ليا هدف في الحياة !!
أنا عاوز أنتحر ..
عاوز أخلص من الدنيا دي !!

ليه يا حبوب كده .. إيه اللي جرى ؟؟

أنا خلصت الجامعه بعد ما عشت قصة حب رهيبة ..
البنت اللي كلمتكم عنها فاكرينها ..

طبعا يا حبوب .. وهل يخفى القمر .. انتوا ما اتجوزتوش ولا إيه؟؟

لا ما اتجوزناش !
اتخرجنا وبدأت المشاكل .. هتتقدم لي إمتى ؟؟
وأنا طبعا على ما دخلت الجيش .. وخرجت أدور على شغل ... وزي ما انت شايف الدنيا صعبة خاااااالص ..
ملقتش شغل .. حاولت أتقدم لها .. رفضوني أهلها ..
وهي استسلمت للوضع .. وفكرت بعقل وحكمه .. وقالت لقلبها ..
معلش اركن على جنب المرادي !!

وصحيت على الصدمة .. بعد سنين من الأحلام ..
وفوقت من الغفلة بعد معارك مع الأوهام ..


وانتهى الحوار اللي دار في خيالي .. لكنه كتير في الواقع .. وبيقابل شباااااااااب وبناااااااااااااات كتيييييييييييير


أشوفها .. عجبني أدبها وأخلاقها .. طبعا شوشو ( إبليس الخبيث ) بطل حكايتنا بس مستخبي ورا الكواليس !!

مع تحيات الادارة
المدير العام:
mr.ebles khabes

قال له دي مؤدبة .. محترمة .. كلمها ..
هو قال له كلمها لكن يقصد ..
كفاية أدب بئى هتدنها قرفاني وعامله فيها محترمة لحد إمتى !!
شوشو عاوز يوديها ويوديه لسكة اللي يروح ميرجعشي !!

طريق جهنم ....

هي دي حكاية كل الرومانسيين ..

وخدعوك فقالوا ..
الصحوبية مفهاش حاجه ..

تعالوا بينا ننزل لأرض الواقع .. ونتأمل القصة من أولها ...
ونرجع بالصفحة لوراااااااااا

صاحبنا أول ما عرفها عرفها عن طريق نظرة ... صح
يعني مكنش بيغض بصره .. صح
يعني ضربة البداية عاوزه كارت أحمر لأنها مخالفة لكلام حبيبنا .. الله عزوجل . اسمع الآية دي بقلبك وتدبرها ..

قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّـهَ خَبِيرٌ بِمَا يَصْنَعُونَ ﴿٣٠﴾ النور

يبقى ابتدينا الحكاية غلط من الأول .. ابتدت بمخالفة لكلام الملك سبحانه وتعالى ..

أختنا .. المؤدبة .. كانت بتتعامل مع الإخوه المحترمين في حدود الضروريات ..
طيب ده باب فتنة ولا لاء ؟؟

اسمع لحديث النبي صلى الله عليه وسلم

إياكم والدخول على النساء . فقال رجل من الأنصار : يا رسول الله ، أفرأيت الحمو ؟ قال : الحمو الموت الراوي: عقبة بن عامر المحدث: البخاري - المصدر: صحيح البخاري - الصفحة أو الرقم: 5232
خلاصة حكم المحدث: [صحيح]

تحذير من البشير النذير .. من رسول الله صلى الله عليه وسلم

بيقول لك .. خاف من فتنة النساء واحمي أهلك من فتنة النساء .. فأحد الصحابة قال يا رسول الله أرأيت الحمو ( أخويا ) يدخل على زوجتي .. قال له أخوك هو الموت بعينه !!!!!

ليه الأمر الشديد ده ..
لمصلحتنا ..
الأخ يقدر يدخل بيت أخوه من غير ما حد يتكلم .. ولا حد ينكر ..
عشان كده الشرع شدد الحصار عليه .. لمصلحته ولمصلحتك ولمصلحة زوجتك ..

يبقى تاني حاجه أخونا الحبوب غلط فيها .. دخوله عليها والتعرف اللطيف الخفيف الظريف ده ..

نيجي لنقطة تانيه ..
أختنا .. الغالية أوي .. الجوهرة اللي مصانتش نفسها .. وعرضتها للغبار والتلوث والأيادي الممتدة عليها ..

عاوزين نتأمل كده
عمنا صاحب محل الجواهر .. قبل ما بيقفل المحل بيسيب حاجة في البتارين ؟؟
لا طبعا .. بيشيل كل حاجه من البتارين ( اللي هي جوا المحل أصلا ) وبيحطها في الخزنة وبيقفل عليها قفل محكم ..
ليه ده كله
عشان الجواهر غاااااااااااااليه ..

انتي كمان يا اختي كده .. الشرع أمرك تبقى جوا الخزنه .. جوا حجابك وسترك .. مستورة عن عيون الشباب الغلبان اللي الشيطان بيصطادهم بيكي .. وبيصطادك بيهم ..

عاوزين نؤمن بإن ربنا سبحانه وتعالى مش بيضيق علينا .. لا بالعكس

وَاللَّـهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ﴿النساء: ٢٧﴾

هو ده خلاصة الكلام ..

عاوزين نتأمل حال عمونا الحبوب وهو عايش قصة الغراب .. أصدي الغرااام .. وهايم على وجهه .. ومش دريان بالدنيا ..

قول لي كده بالله عليك ..
تقدر تعد تتكلم معاها من غير ما تغض بصرك ؟
بصر إيه يا عم .. في بصر ولمس و....... بلاش نكمل .. ده الواقع للأسف !!

تدخل الجامعه تلاقيها آعده جمبه وهو لازق فيها .. وماسك إيديها .. وماسكه إيديه .. وامبارح شوفته بيحسس على وشها( في المترو مش في الجامعه ) .. أوباااااااااا

ده اللي احنا شايفينه .. وده اللي بيحصل ادامنا ..

ياترى يا حبيبي يا ترى ..
انت شايف إنك كده خلتها في نظر الناس البنت المحترمة ؟؟
مش هي كانت الأول المحترمة المؤدبة ..
دلوقتي لما مشيت معاك بقت في نظر غيرك محترمة ؟؟

فكر بواقعيه شوية .. وخلي أختك مكانها .. أيوه خليك منصف شويه ..

لو أختك هي اللي في الوضع بتاع حبيبتك ده .. هتقبل تشوفها على الحال ده وانت ماشي مع أصحابك وتقول لهم بكل هدوء .. حبيب أختي

يا حلاوتك ..
طبعا مترضاش على أختك كده ..
طيب يا كبير رضيته على زوجتك المستهبليه ليه؟؟
رضيته على بنات المسلمين ليه ؟؟

أنا بقولهالك بكل ثقة انت مبتحبهاش !!
وأقسم لك بالله إنت مبتحبهاش ..
انت بتفرغ شهوتك معاها ..

ومتزعقش وفكر بعقلك كويس ..
واقرأ الكام سطر اللي فوق دول تاني بهدووووووء ..

سؤال كمان .. معلش تعبتك معايا خد دي هدي أعصابك



هديت ..
طيب أحرق دمك شويه بئى

لما بتسمع الأذان وانت معاها .. بتقوموا تصلوا ؟؟
ولا بتقول
لما نروح مالجامعه نبقى نصلي الظهر والعصر والمغرب والعشا ..
يلا ربنا غفور رحيم !! الحمد لله إننا بنصلي يعم

تمام ..
نيجي لنقطة مهمة ..
انت بتحبها كده أكتر من ربنا سبحانه وتعالى .. صح ..

طبعا صاحبنا عاوز يتخانق ..
انت بتتكلم ازاي .. مين اللي قال كده

هقول له أفعالك ..
اللي بيحب حد بيلبي نداؤه بأسرع ما يمكن .. ومبيتأخرش عنه ..
انت فين من الكلام ده مع نداء الملك سبحانه وتعالى ؟؟

بتبقى فين وقت نزوله سبحانه وتعالى ونداؤه وقت السحر هل من تائب .. هل من مستغفر .. هل من سائل ..
بتبقى نايم
لالالالالالا
بتبقى بتحب في التلفون ..

يبقى بتحب مين أكتر ..



وهرجع وأقول لك .. وانتي كمان هقولك لك ..

انتوا ماشيين عكس السير ..
وآخر الطريق اللي انتوا فيه حيطة وسد ..
لكن لو ملحقتوش نفسكم وتراجعتم قبل فوات الأوان .. الطريق هيقفل عليكم .. ومش هتشوفوا ترجعوا ..

وخليكوا فاكرين ... ربنا مطلع على القلوب ويعلم السرائر ..

وخليكوا فاكرين إننا أكيد هنموت

فكروا كتير في المصير المحتووووم

الــــمـــــــــوت



قبل ما تقفلوا الموضوع بفكركم
أنا عشت الفترة دي زيكم ..
ولكن ..
كل الشباب لما بيعدي المرحلة دي بيقووووووووووول

ربنا أراد يفوقني .. وأنا كنت بضيع سمعتها .. وكنت بضيع مستقبلها .. وفعلا لو كنت بحبها كنت هخاف عليها من ألسن الناس .. كنت لجأت لربنا وقولت له يارب هسيبها عشانك على امل تجمع بيننا في الحلال ..

لو بتحبها سبها

واقرأ الموضوع ده
سبته .. سبتها .. بجد تعبان ومش عارف أعمل إيه !!
وده كمان ..
انا خلاااااااااااص تعبت من الحب!!!


ياريت بجد لو في أي أسئلة .. او مناقشات متبخلوش علينا بيها
بارك الله فيكم