|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
04-01-2012, 09:37 PM
|
|||
|
|||
وعد العيون أصدق وعود الحب...!
 وعد العيون اصدق وعود الحب..  وعنيه قالولي كلام كتير من القلب..  انا لما شفت عنيه ملانى هواه..  واخترته يبقى حبيبى وابقى معاه..  ايه الكلام الكبير ده يا واد؟؟  انت بقيت تحب على نفسك ولا ايه يا عم !!  يا عم متلاحقش عليا ..اصبر على رزقك..   انهارده موضوعنا مختلف حبتين ..او يمكن 3 حبات..  بس الصراحه موضوع استراتيجى جدا وبيمس كتير مننا ..علشان كده عايزك تركز فى الكلمتين ..  كتير من الناس بيسـأل وخصوصا الشباب: هو فيه حاجة اسمها حب من اول نظره؟؟  وفيه ناس تقول : انا مش مقتنع باول نظره دى..واسعه شويه  ..احنا ممكن نقول هو فيه حب بلغة العيون؟؟  يعنى ايه يا عم الحبيب؟؟  يعنى تبقى قاعد فى المدرج وعمال مشغل الرادار وعينيك بتلف هنا وهناك ..تقوم عينيك واقعه فى عين احد الانسات الفضليات  ..تقول : بس .. يا سلام.. اخيرا لقيت حب عمرى..!  وهى تقول الواد ده شكله بيحبنى  ..شكله ايه بس..ده هيموت عليا ..  انا ملاحظه نظراته .. بقاله سنه كامله بيبحلق فيا  (وهى نظرة يتيمه بس هنقول ايه؟!  )وتستمر الحدوته وتقعد تحلم بيه وهو يحلم بيها فى كل وقت وحين  وطبعا الحوار ده منه كتيييييييييييير.. جالى فى يوم واحد زميلي بيقولى خلى بالك من فلانه هتلاقيها بتبص عليا  ..ومره تضحكله وهو يضحكلها..المهم..قعدوا سنتين هى تبصله وهو يبصلها وعايشين الدور.. وهى اتخطبت بعد كده  وهو قعد يغنى ظلموه!! والواحد الصارحه من اللى بيقراه ع النت ويشوفه فى الموضوع ده بلاااااااااااوى.. كنت قريت فى مره على احد المنتديات بنت بتقول انها قابلت احد الشباب فى مره فى جمعية عمل خيرى ومن اول نظره شافته وهى اتعلقت بيه وقلبها ياعيني بيفرفر  ..قصدى يرفرف ..كل ما تفتكره ..وعماله تستغيث الحقونى ..نفسى اوصله..نفسى اكلمه ..نفسى اعرفه انى بحبه !!الله المستعان.. نتكلم جد شويه بقى..  كل اللى بيحصل ده يا شباب ويا بنات اسمه انجذاب فطرى.. مفيش حاجه اسمها حب من اول نظره ولا تانى نظره ولا عاشر نظره..!! وطبعا انا عارف ان الكلام مش هيعجب ناس كتير .. وهتلاقى واحد ولا واحده بيرد (فى اعماقه طبعا) ويقول: اصلك مجربتش ..واللى ايده فى الميه مش زى اللى ايده فى النار..ده الحب من اول نظره ده حاجه كده متتوصفش !! مسمعتش تيمورى وهو بيقول : عمرها حصلتلك دي تبقي لسه شايف حد وانت لسه متعرفوش ..ايوة متعرفوش..!! بس نفسك تجري عليه تحضنه وتنام في عنيه وانت لسه متعرفوش.. ايوة متعرفوش!!  ومسمعتش عمورى وهو بيقول : ضحكت ..يعنى قلبها مال..وخلاص الفرق ما بينا اتشال!  يا حبيب قلبى ..يا اختى .. هو كلام الاغانى كلام مقدس..؟؟ ده هو ده اللى مضيعنا ومضيع اخلاقنا وحياءنا ومودينا فى داهيه!! كفايه بقى...عايزين نبطل نضحك على نفسنا شويه..!  زى ما قولنا ..ده اسمه انجذاب فطرى بين الرجل والمرأه..هو ربنا خالقنا كده..  مثال بسيط..  لو اعتبرنا الولاد قطب موجب + والبنات قطب سالب - لازم يحصل تجازب  ..ايا كان مين الولد وايا كانت مين البنت!! علشان كده الدين حطلنا ضوابط علشان يمنع الفتنه دى.. فامرنا بغض البصر وامر البنات بعدم الخضوع بالقول وعدم الاختلاط اللى ملهوش لازمه وهكذا... فبلاش تعيش نفسك الوهم  وتفضل تعلى تعلى تعلى لغاية ما تنزل على جدور رقبتك مره واحده !! هيرد شاب محترم او بنت محترمه وهيقول : ده مش وهم..وحضرتك كفاية اساءه للحب الشريف الطاهر  ..انت عمال تغلط واحنا ساكتين !! انا على ايدي دي كذا واحده من صحباتي متجوزين اولاد حبوهم كده ..وانا كمان كذا واحد من اصحابى اتجوز واحده بالطريقه دى! يا حبيب قلبى..يا اختى.. لو فرضنا ان ده بيحصل..هل ده قاعده عامه؟؟ لا طبعا..دى شواذ...كام واحد او واحده بيتجوزا كده؟؟ وهل الجواز بيبقى سعيد بعد كده؟؟معتقدش!!  وخليك فاكر كويس ان واحده بصتلك ..اكيد بصت لغيرك قبل كده او هتبص بعد كده! وخليكى فاكره كويس ان واحد بصلك..اكيد بص لغيرك قبل كده او هيبص بعد كده! هيرد الشاب المحترم تانى ويقول: احنا مش بنبص لبعض..ده انا اول ما عينيا بتيجى فى عينيها بروح منزل عيني وهى كذلك..شوفت بقى ان حبنا حب طاهر ازاى  غير اى حب تانى!نرجع ونقول لو كان ده بيحصل..فده فى الاول بس..بيبقى فيه لسه شوية حياء موجودين..والموضوع بيطور بعد كده زى ما كلنا بنشوف ولا انت مش معايا؟؟!! يبقى اتفقنا ان مفيش حاجه اسمها حب من اول نظره والكلام ده.. الحب الحقيقى بينشأ من الالفه والموده بعد الجواز..  نصيحتى فى اخر الموضوع ..لكل بنت ..حياءك هو زينتك..لو اتشال ..مش هيبقى ليكى لا طعم ولا لون  ..احفظى نفسك ..ومتخافيش على الجواز..الشاب اللى هيتجوزك اسمه مكتوب من يوم ما خلق الله الخليقه بخمسين ألف سنه الدليل قول النبي  :(أول ما خلق الله القلم فقال اكتب قال و ما أكتب يا رب ؟ قال اكتب القدر .. قال فجرى القلم في تلك الساعة بما كان و بما هو كائن إلى الأبد) ..يعني مش نظرتك ليه او حبك ليه هو اللى هيخيله يتجوزك..طهرى قلبك من كل حب حرام..وحطى بداله حب لله ..اعظم حب فى الوجود.. وانت يا عم الشاب  ..مش ناوى تغض بصرك بقى..؟؟اصبر واستعن بالله..  ومن يستعفف يعفه الله..ومن يتصبر يصبره الله.. وخليك حريص فى اختيار زوجتك ام اولادك.. الدين ثم الدين ثم الدين ..والا هتندم طول عمرك.. طهر قلبك من الحب الحرام..وحط بداله حب الله..اعظم حب فى الوجود.. ولو ناوى على جواز بجد  ..ادخل البيت من بابه  وتوكل على الله..** اخوكم..هنعيشها صح .. نقلا من احلى حياة فى طاعة الله |
|
#2
05-01-2012, 10:59 AM
|
|||
|
|||
|
بصراحة توبيك يستاهل تقييم (ممتاااااااااز)
استمر فى التألق واحنا معاك  بجد هو دا الكلام اللى المفروض شباب وبنات اليومين دول يفهموه ويخلوه فى دماغهم على طول ال حب ال ..ههههههههه بلا حب بلا بتاع الحياة كدا نعنااااااااااااع ربنا يحفظك ويحفظهم يارب جعله الله فى ميزان حسناتك وبارك فيك
__________________
♥ لــــن تغرينى عروضك الذهبية ♥
♥ ولـــــــن أكون فى يوم لك ضحية ♥ ♥ فأنـــــــــــــا إمرأة مسلمة شرقية ♥ ♥ أموت من أجـــــــل الكرامة والحرية ♥ |
|
#3
05-01-2012, 11:15 AM
|
|||
|
|||
|
جزاك الله خيرا
استغفر الله الذي لا اله الا هو الحي القيوم واتوب اليه استغفر الله الذي لا اله الا هو الحي القيوم واتوب اليه استغفر الله الذي لا اله الا هو الحي القيوم واتوب اليه استغفر الله الذي لا اله الا هو الحي القيوم واتوب اليه استغفر الله الذي لا اله الا هو الحي القيوم واتوب اليه استغفر الله الذي لا اله الا هو الحي القيوم واتوب اليه
__________________
لا حول ولا قوة إلا بالله العلي العظيم. حسبي الله ونعم الوكيل. ربي لما انزلت الى من فقير .
|
|
#4
15-01-2012, 05:23 PM
|
||||
|
||||
|
موضوع رائع سلمت الانامل
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 03:16 PM.
