فرصة جامدة لمعلمى الغربية اوعو تضيعوها

[حنين عبدالنبى]

اعزائى واخواتى معلمى الغربية المعينين بتاريخ 1/3 اصدقائى فى الكفاح ورحلة العقود المميزة ومحو الامية والفسخ فى اجازة الصيف وشهادات الخبرة الى متسواش اى حاجة فى سوق العمل ليا عندكم رجاء بالله عليكم تهون عليكم سنوات العقد قبل تعين تضيع علينا داحنا لو ضميناها سنة واحدة نبقى معلمين اوائل غير حوافزكم وعلاوتكم يرضيك تتساوى فى درجة بزميلك الى لسة جى امبارح لازم نتجمع كلنا الاربع الساعة 12 حتى لو طلعت الساعة 2 من شغلك وهتوصل عند المحافظة 4 تعالى بس اضمنلك تروح بقرار ضم المدة السابقة من تاريخ اول عقد زائد علاواتك المحافظ عايز طلبتنا فردية ودى دعوة للوساطة والمحسوبية عايزين قرار بامر تنفيذى لنا كلنا زى قرار تعينا كلنا يجمع ابن الغفير وابن الوزير بدل ماتروح لوحدك تضور على حقك ومحدش يعبرك ولاتقوم محامى وتصرف مرتبك تعالى معانا هنبقى ياما صوتى وصوتك واصوتنا كلنا سلمية سلمية ونجيب حقنا

[حنين عبدالنبى]

شكرا لاخواتى الى من سمنود والسنطة الى حضرو معانا الاسبوع الماضى ولو ان عددهم قليل بس انا واثقة ان سمنود وسنطة وجميع معلمى الغربية كلك هيكونو معانا كل مرة بنجيب قرار ومبيعجبناش بس كفاية ان فعلنا ضم الخدمة فى المحافظة والقرار الاخير الى مش عجبنا بيقول ينظر فى طلبات الفردية بس الاربع هنجيب باذن الله اخر قرار بامر تنفيذى بالضم

[حنين عبدالنبى]

المرة دى انا مش هطلع عند المحافظ وهنرفض التفاوض بالنسبة لصديقتى الى بعتتلى رساله خاصة بتسالنى عن المسمى الوظيفى انا خلاص عملتة نقل ليا ولزملائى وبامر تنفيذى بس لسة المذكرة هتروح تانى للمحافظ للعرض عشان هى نقل ودى فضل ربنا ثم مجموعة كفر زيات المحترمين لو رسالتى دى وصلتك ردى عليا

[mr_math_10]

معاكو باذن الله اداره سمنود وربنا معانا

[flower scent*]

ربنا معانا ويكون بكرة يوم الحصول على القرار

[رهوفه]

الله عليكى يا حنين
,باذن الله هنكون اكتر بكييير بجد فى ناس محترمة وخايفة على حقها من الضياع من سمنود و بتشارك معانا ومن السنطة والمحلة و.....وربنا يوفقنا للخير

[flower scent*]

الى زملائى بالغربية حديثى التعيين الراغبين فى ضم المدة السابقة احب ان اعرفكم ببعض مستحقاتنا المسروقة
مستحاقاتنا هى كالتالى :
1-بدل الاعتماد(الكادر ) من شهر 11/2009 وحتى شهر فبراير 2011 يعنى 16 شهرا مستحقة لنا
2-التامينات المستحقة لنا هى من 16/10/2005 وحتى 31/3/2008 يعنى 18 شهرا
3-...بالاضافة الى الخصم فى المرتبات والذى نزل بالاساسى من 219 الى 48 كمن يعمل لاول مرة والذى تم وقفه مؤقتا
4-فروق مرتباتنا مع المعلمين المماثلين لنا فى المحافظات الاخرى تتعدى 100 جنيه
5-مستبعدين من الحد الادنى

ميعادنا غدا الاربعاء الساعة 12 امام مبنى المحافظه للحصول على قرار ضم المدة السابقة

[OMAR10010077]

با رب الكل يشارك غدا امام محافظة الغربية ويارب اللي مشاركش المره اللي فاتت يشارك المره دي ونطلع بقرار يكون في صالحنا وبلاش مرمته فينا دي احنا الدفعة اللي طالع عين ابوه من يوم ما اشتغلت وحسبي الله ونعم الوكيل