تأثير هدايا شفيق للأقباط

[abomokhtar]

البعض وأنا منهم اعتبر إعلان الفريق أحمد شفيق عن هداياه التى سيقدمها للأقباط فور تنصيبه رئيسًا، تهورًا وعدم قياس للأضرار التى ستلحقه على الطرف الآخر.
فبدلاً من أن يتحدث لوسائل إعلام غير طائفية، خصص حواره الأول فى حملته الجديدة لقناة فضائية مسيحية معلنًا عن أول هدية ثمينة وهى تحقيق أمنية المتعصبين الأقباط بحذف الآيات القرآنية أو إضافة الإنجيل إلى مناهج اللغة العربية، وحتى الآيات كما قال أحد المعلقين، لم يقلها بل وصفها بفقرات مقابل توصيفه لما سيضيفه من الإنجيل بالسطور.. يعنى فقرات القرآن وسطور الإنجيل!
ثم أعلن هدية أخرى تتعلق بحرية إطلاق الكنائس بلا حدود أو مسافات وذلك خلال لقاء جمعه بقيادات كنسية رفيعة المستوى، وتعيين وزير للكنائس فى مقابل وزارة الأوقاف، والعمل بقوة على إلغاء المادة الثانية وتغيير التعريف الذى لحق بكل الدساتير التى عرفتها مصر منذ عصر محمد على، وهى أن مصر دولة دينها الرسمى الإسلام، إلى أنها دولة يدين أكثرية شعبها بالإسلام، وهو التعريف الذى وضعه له الدكتور رفعت السعيد.. وسوء هذا التعريف أنه يبنى الدستور على أساس طائفى من البداية.
وتعهد لهم بإدخال الإخوان والسلفيين وبقية الجماعات الإسلامية إلى "الجحور".. يقصد "المعتقلات" التى كانوا فيها فى عهد مبارك.
وفى لقاء مع بعض رجال الأعمال هدد بذبح الثوار فى حال ثورتهم عليه واستمرار المليونيات التى يتخوف منها البزنس.
ونقلت مجلة "نيوزويك" الأمريكية بعض التصريحات النارية التهديدية المتعجرفة التى أدلى بها شفيق فى هذا اللقاء، ويبدو أن الرجل بلغ حدًا من الغرور جعله واثقًا بأن ورقة نجاحه فى يد الأقباط وحدهم ولهذا يجاهر بما يعتقده المحللون انتحارًا لأن القوى الأخرى لن تقف مكتوفة الأيدى وستسعى لإثبات أن أصواتها مؤثرة.. مثل السلفيين وحتى المسلمين المتدينين الذين قد يضطرهم غرور شفيق المستند على الجبهة المسيحية، وإذعان المسيحيين لهذه الطائفية الشفيقية إلى رد فعل انتخابى قوى ودعوات تنطلق من المساجد للتصويت ضد تهديداته قلقًا من المستقبل.
شفيق أقلق المسلمين عندما أفصح عن هداياه للمسيحيين التى جعلت القس متياس نصر يقول إن صوت الكنيسة محجوز له، وقد أصبح يعتمد على كتلة دينية لوصوله إلى الحكم متجاهلاً سائر سكان مصر من المسلمين.
ولعل أروع فيديو يشاهد الآن على "اليوتيوب" ذلك الذى يصور الذاهبين إلى المساجد بعد توليه للحكم، إذ يقف ضباط وجنود الشرطة على باب أحد المساجد يفحصون هوية القادمين لصلاة الجمعة، فإذا بالضابط يقول لأحدهم: أنت صليت الجمعة قبل أسبوعين فقط!.. أى لا يحق له الصلاة الآن!
وفى المسجد عندما يدخل أحدهم لا يجد سوى الإمام الذى سعد به وصافحه بحرارة، فأخيرًا جاء شخص ليصلى، وصعد الإمام المنبر ليخطب ويتحدث للمصلين مما جعل المصلى ينظر يمينه ويساره مندهشًا لأنه لا يوجد غيره!
لا أعرف نتائج ما يفعله شفيق فى حملته الحالية.. لكن يبدو أنه يتحدث وفق خطة ممنهجة لأن عضوًا بارزًا فى الحملة قال لى: إن ما يفعله هو عين الصواب لأن الأقباط أثبتوا فى الجولة الأولى أنهم مؤثرون للغاية ويمكنهم حسم شخصية الرئيس المقبل!


فراج إسماعيل

[AHMED 00]

انا اولا مش مع شفيق
ثانيا موضوع الايات القرانية على ما اعتقد انه كان مقصود بيه الايات فى اللغة العربية
ثالثا هل المفروض اننا نجبر المسيحين على حفظ الايات القرانية ؟؟ هل هذا من الاسلام ؟؟
ياريت احد من الاخوة يرد عليا
وياريت كلامى يكون واضح انا بتكلم فى النقطة ديه بس مش بتكلم على شفيق لانى اصلا ارى ان دخوله من الاول كان خطا

؟؟؟؟؟؟؟؟؟؟؟؟؟؟؟؟؟؟؟

[mark magdy]

بص حضرتك بكل الاحترام (بالرغم ان اسلوبك في الكلام علينا كمسيحيين مفيهوش اي احترام)
وهفند الكلام اللي حضرتك قلتة نقطة نقطة ودة هيكون اخر رد ليا عليك ومش هتناقش معاك و ياريت تحاول تقرا وتفهم و الناس المحترمة اللي زي حضرتك هي اللي بتقلقنا من التيار الاسلامي لان التجني علينا بالشكل دة فية نوع من الكراهية لا من التعصب:

1-في بداية الامر انا عاوز اوضح ان مش كل الللي ادي شفيق مسيحيين انما اللي اداة اصوات ايضا مسلمين لان اللي حضرتك مش واخد بالك منة ان شفيق مش نازل باسم الاقباط شفيق نازل باسم النظام اللي فات اللي فية ناس كتير ومنهم بعض المسيحيين(كفصيل من الشعب)شايفين انة هو اللي هيرجع الامان للبلد و هيعرف يظبطها

2-في كل كلامك ملاحظ تلميح لننوع معين من الصفقة و اقل مايوصف بة هذا الكلم علي المستوي الاخلاقي انة اهانة لناس(الاباء الكههنة اللي حضرتك جايب سيرتهم عمال علي بطال)يمكن(او اكيد) حضرتك لا بتحترمهم ولا حاجة حتي وان ادعيت العكس لكن علي الاقل راعي انهم يمثلوا قامة عظيمة بالنسبة لنا و لا يجوز تتحدث عنهم بهذا التاكيد انهم بيعملوا صفقة

3-ازاي حضرتك بكل احترام(والمعني في بطن الشاعر)تتهمنا بصفقة لم تسمع منها كلمة لكاهن داخل كنيسة عن توجية لاختيار احد وان هذا الامر هو الموافق للدين علي العكس من التيارات الاسلامية اللي مرشحينها مدعومين( من وجهة نظركم)من القران والسنة وان انتخابهم لة اجر عظيم و هو فعل للخير فهذا هو الذي يجعل الانتخابات طائفية

4-اما عن الصفقة التي لا تلبث دائما تتحدث عنها فلنتحدث عن الصفقة يا محترم

1-اولا:صفقتك تتحدث اولا عن الغاء الايات القرانية______من منهج اللغة العربية__________
ببساطة شديدة حضرتك تري ان فرنسا مثلا من حقها تدرس نصوص من الانجيل في خضم اللغة الانجليزية
ولا دة مينفعش ولو مينفعش مينفعش لية هل بريطانيا فيها اغلبية مسلمة مثلا ولا ممكن يكون عدد المسلمين فيها زي عدد المسيحيين في مصر مثلا عددهم اقل بكثير هذا بالاضافة ان معظمهم مهاجرين يعني هو اللي رايحلهم بنفسة

طيب متيجي نشوف حاجة تاني احسن هي بتعمممل كدة فعلا ولا لا (((لاااااااا طبعا))) لان هو شايف ان الدين قاصر علي اهلة فقط
طيب يبقي اذن في دولة بها اغلبية مسيحية انت لم تجبر علي دراسة الدين المسيحي
اذا كنت شايف ان الموقف دة كويس اية اعتراضك ان يحصل مع المسيحيين كدة في مصر ولا حضرتك نشيد بة لما يكون هيعطيك حق لكن علينا كمسيحيين لا
و ثانيا:ما هو اعتراضك ان يدرس منهج الدين الاسلامي في مادة الدين الاسلامي فقط هل غير كافي بالنسبة لك ان يدرس المسلمون الدين الاسلامي فتدرسة لغير المسلمين و اعود فاسالك
هل ترضي باي حال من الاحوال ان يدرس ابنائك نصوصا من الدين المسيحي اجباريا في اوروبا؟

2-اطلاق الحرية في بناء الكنائس --------حضرتك بتقولها بطريقة حسستني انة هيسمح ببناء ملاهي ليلية لا سمح اللة او ان هو لما يعمل كدة هتحصل كارثة _____________يعني
ازاااااااااااااااااااااااااااااااااااااي المسيحيين يبنوا كنائسهم براحتهم ازاي نسمحلهم بدة ------اللي عاوز اوصلهولك ان كنائسنا بنبنيها بفلوسنا بناء كنيسة ولا مليون في منطقتك لا اظن انة هياذيك في حاجة حتي لو كانوا زيادة عن حاجتنا و لو اني لا اظن ان الكنيسة عندها فلوس زيادة تبني بيها كنايس زيادة عن احياجنا

3-و دي بقي الذ نكتة سمعتها في حياتي تسليييييح الكشافة
تسليح الكشافة الكشافة هو حضرتك فاكر الكشافة دي كتائب القسام ولا شوية شباب صيع وبلطجية -ولا يعرفوا يمسكوا موس حتي يا ريت كانوا دافعوا عن الكنايس اللي اتهدت واللي اتحرقت وبعدين هيسلح مين يا حضرت دول شباب محترمين و اخرهم يعقدوا حبل يعملوا ترابيزة في ربع ساعة(مسابقات وحاجات غريبة كدة)

ياريت وحياتك الصفقة اللي جاية تبقي اقوي من كدة

وشكرا

[LoOoLy El Treikawya]

الاستاذ مارك مجدي

اغلب كلام حضرتك موجه لعضو معين

انا هكتفي بالرد على نقطة واحدة

وهي ما تسمونه ((إجبار المسيحيين على حفظ الآيات القرآنية))

أولا : قلتها كتير قبل كدا بس زي بعضه هعيدها تاني

القرآن الكريم أساس اللغة العربية .. وتم وضع قواعد اللغة من القرآن الكريم

ولولا القرآن الكريم لانقرضت اللغة العربية مع كثير من اللغات التي انحصر استخدامها كاللاتينية وغيرها

فوجود الآيات القرآنية في منهج اللغة العربية شئ أساسي لا يستغنى عنه ووضحت الاسباب

لكن قوللي حضرتك سبب لوجود سطور من الانجيل في منهج اللغة العربية .. اذا كان كلنا عارفين ان الانجيل اصله مش عربي

وكمان فيه أخطاء نحوية ودة لأنه مترجم .. والاخطاء دي مش موضوعنا لو حضرتك عاوزها شوف في جوجل

لو حضرتك سألت خبير لغة عربية هيقولك ان القرآن الكريم أساس اللغة ولا غنى عنه

يبقى لو النصارى شايفين في علمهم ودراستهم للغة العربية شئ من الاجبار دة موضوع تاني واعتقد انهم مفوض ساعتها يعترضوا ويقولو مش عاوزين ندرس لغة عربية بدل ما يقولو احذفوا الآيات القرآنية ويحطوا المنهج هم احسن

عاوزين يدرسوا الانجيل عندهم الدين المسيحي يضيفوا فيه ما بدا لهم

أتمنى الناس تفهم

[mark magdy]

بكل احترام و ذوق هل انا قلت ان الانجيل توضع منة نصوص في مناهج اللغة العربية
لا طبعا انا لم اذكر ذلك ولو اني لا اري عيبا في ذلك لان فية نصوص من الشعر و النثر مليئة بالاخطاء النحوية و اللغوية
و هل لا يجوز تدريس القواعد النحوية بدون الايات القرانية
من حقك تفخري بدينك بس مش من حقك تقولي ان دراستة واجبة علي كل من يتعلم اللغة العربية
انا في 3ث و ما عندناش اي اية قرانية للحفظ في المنهج و مع ذلك بندرس اللغة العربية عادي جدا و مش حاسس ان فية مشاكل فيها و بغض النظر عن دة كلة
انا كان حديثي من منطلق بسيط و عاوز من حضرتك الاجابة علي السؤال الابسط دة
هل باي حال من الاحوال حضرتك تقبلي تدرسي الانجيل بالاكراة في مناهج اللغة الانجليزية في دولة اوروبية؟؟

[LoOoLy El Treikawya]

المشاركة الأصلية كتبت بواسطة mark magdy

بكل احترام و ذوق هل انا قلت ان الانجيل توضع منة نصوص في مناهج اللغة العربية
لا طبعا انا لم اذكر ذلك ولو اني لا اري عيبا في ذلك لان فية نصوص من الشعر و النثر مليئة بالاخطاء النحوية و اللغوية
و هل لا يجوز تدريس القواعد النحوية بدون الايات القرانية
من حقك تفخري بدينك بس مش من حقك تقولي ان دراستة واجبة علي كل من يتعلم اللغة العربية
انا في 3ث و ما عندناش اي اية قرانية للحفظ في المنهج و مع ذلك بندرس اللغة العربية عادي جدا و مش حاسس ان فية مشاكل فيها و بغض النظر عن دة كلة
انا كان حديثي من منطلق بسيط و عاوز من حضرتك الاجابة علي السؤال الابسط دة
هل باي حال من الاحوال حضرتك تقبلي تدرسي الانجيل بالاكراة في مناهج اللغة الانجليزية في دولة اوروبية؟؟

اولا انا لا اقبل ان افعل شئ مكرهة

لكن مين قال اني هكون مكرهة اصلا

انا عارفة ان واضعين المنهج دول ناس خبراء ومش انا هعدل عليهم دة على العلم ان اللغة الانجليزية مش اللغة الاصلية للانجيل

وانا هخاف من ايه ؟

وبعدين انا اساسا كتير بتصفح من جوجل آيات الانجيل

لاني بكل بساطة احب اعرف كل ما يدور حولي

ومش معنى كدا خلاص انا اتنصرت .. لا بالعكس عادي جدا

اي حد عنده علم في الدين بتلاقيه عارف كل الاديان التانية بتتكلم عن ايه

ودة اللي مفروض يحصل

وانا لو عايشة في بلد تاني وفيها الدراسة دي مش هلاقي عندي اي مشكلة اذا كان انا بجانبها بدرس القرآن براحتي وبتعلم اصول فقه وغيره

ـــــــــــــــ

ثانيا بكررها احنا مش هنعدل على خبراء اللغة العربية .. واذا كان قواعد اللغة واساسها مستنبط من القرآن الكريم لماذا نقصيه؟؟

واذا حضرتك مقولتش نضيف ايات انجيل في اللغة العربية فغيرك قال عشان كدا اتكلمت في النقطة دي

و لو حضرتك هتعتبر الانجيل زي الشعر الذي فيه اخطاء نحوية

فهو ليس كذلك ونحن احتراما ليه لم نعتبره كذلك .. نحن نعتبره كلام تقدسونه وعقيدتكم بها الاعتقاد بأنه كلام الله .. اذن نحن عندما نذكر ابيات شعر بها اخطاء تتعرض للنقد في كل كلمة ومباح لنا النقد حتى لا يكون التعليم خاطئا

هل سترضون ان نذكر ايات انجيل وننقدها؟؟ وهل هذا سيكون احسان للديانة؟.. وبعدين طالما هي مترجمة يبقى دة مش اساسها

ولماذا انتم تخشون وترون الاكراه أن تحفظوا آيات من القرآن اذا كنتم تعيشون في بلد اسلامية وهي بلدكم ايضا فيجب ان تعرفوا ما يدور حولكم


هذا كره غير مبرر

[mark magdy]

نستكمل نقاشنا ان شاء اللة بعد امتحانات الثانوية العامة

[LoOoLy El Treikawya]

المشاركة الأصلية كتبت بواسطة mark magdy

نستكمل نقاشنا ان شاء اللة بعد امتحانات الثانوية العامة

ماشي وانا بعد امتحانات الكلية

ربنا يوفق حضرتك لما يحبه ويرضاه

[mohamedmoh]

للسادة المسيحيين الأفاضل
اللي باع دينه من أجل كرسي الرئاسة قادر يبيع أي دين
الذي يعتقد أن الأمن بيد أحمد شفيق فهو واهم فمع تعيينه ستفتح أبواب من الفوضى
شفيق مثل النظام السابق كان يخطط وينظم حرق الكنائس من أجل ضرب المسلميين بالمسيحيين ويجد دائما فزاعة لإخافة الجميع حتى لا يفكر أحد في فساده أو تدميره للبلد
من سينتخب أحمد شفيق فقد أضاع دماء المسلمين والمسيحيين معا ممن شاركوا في الثورة
أنتم مع الإخوان أخوة شركاء في الوطن أما مع شفيق فلن يكون للجميع صوت
شفيق يهدد بتطهير ميدان التحرير كما لو كان الشعب المصري في نظره حشرات أو ما شابه
لا لشفيق مهندس معركة الجمل
لا لشفيق مهرب الأموال المصرية للخارج
لا لشفيق الذي ساعد على هروب اللصوص الكبار
لا لشفيق الذي طمس أدلة قتل المتظاهرين

[nancy1984]

انتم لسه مش فاهمين الاخوان لحد دلوقتي دولا بيوهموكم انهم معاكم عشان ياخدوا اصواتكم لمرسي بعد كده سلمولي علي الثوره لما هما اكتر ناس قضوه علي الثوره هما عايزين بتخدوا كل حاجه في البلد البرلمان الخكومه الرئاسه الدستور ده النقابات مش سيبنها فوقوووووووو قبل فوات الاوان ده احنا لو خلعنا مبارك في 30 سنه يبقي عايزين 100 سنه ده اذا قدرنا كمان ربنا يرخمنا

[Mr Ahmed Abdel Hamid]

ليس كل الأقباط سينتخبون شفيق و لكن لما مرسى يكسب أن شاء الله...........الأقباط هيخسروا كل شئ و ده أحنا مش عاوزينه يحصل......... لأنى خايف أن الشعب ينظر للأقباط على أنهم خونه.... وربنا يستر

[فوزى عبده]

السطور المضافة هتبقى من انجيل مين : مرقص -ولا بطرس ولا متى ولا......................
شفيق عايز يعمل فتنة بين اخواننا الاقياط؟؟؟؟؟؟؟؟

[لافانيا]

كل اللي ناوي مينتخبش في الاعادة بيشارك في قتل الثورة

[LoOoLy El Treikawya]

المشاركة الأصلية كتبت بواسطة mr ahmed abdel hamid

ليس كل الأقباط سينتخبون شفيق و لكن لما مرسى يكسب أن شاء الله...........الأقباط هيخسروا كل شئ و ده أحنا مش عاوزينه يحصل......... لأنى خايف أن الشعب ينظر للأقباط على أنهم خونه.... وربنا يستر

للاسف هم مفكروش كدا

وفعلا مش كلهم انتخبوا شفيق بس التأييد الرسمي من الكنيسة لشفيق

ان شاء الله المرسي هيكسب

ربنا يصلح الحال

[مسيو إيهاب]

ربنا يخرب بيت شفيق هيعمل فتنة طائفية
زى اسياده مبارك

اخوانا المسيحين ادركوا بانتخابكم شفيق لن تعيشوا فى أمان ستعيشوا فى أسوأ حال