ممكن حد يدلنى

[جمــ الروح ـال]

السلام عليكم ورحمة الله

انا معاكم هنا من زمان بس نظرا لظروف خاصه مبقتش بدل ودلوقتى جايه ومحتاجه مساعده من اى حد ممكن يقدر يساعدنى

قبل ما اطلب مساعده هقولكم ايه مشكلتى

انا طالبه فى ثالثه ثانوى الحمد لله فى تانيه جبت 97.7 وفى ثالثه كل حاجه كانت تمام خالص

جيت يوم امتحان الانجليزى نظارتى اتكسرت وأنا مش بشوف من غيرها كلمت اهلى وبعتوا لى نظاره تانيه كان فات ساعه ونص وانا محلتش حاجه خالص وكانت صدمتى ان النظاره التانيه مشفتش بها

جالى انهيار عصبى فى اللجنه وتشنجات والدكتور اللى مع اللجنه فوقنى واعطانى مهدئات
بس الورقه بتاعتى كانت فاضيه خالص عليها الاسم بس

ولما خرجت توقعت انى هدخل دور تانى لكن اكتشفت انهم خلوا زميله لى حلت لى سؤالين فى الورقة

زعلت ولما سالت موجهين وناس كتير قالوا معتش ينفع تعمل اى حاجه لان لكى ورقه باسمك محلول فيها

وقالو ان ذنبى فى رقبة المراقبين لان الاجراء القانونى انهم يبلغوا الاسعاف وبكدا هيتاجلى الامتحان
ودى راحت عليا

المهم

النتيجه ظهرت زى ما انتم عارفين

ولقيت درجتى فيه 11 من 25 يعنى نجحت بالعافيه

ومجموعى الكلى 94.5 %

مع العلم انه لوحده نزلنى 3.5%

وانا كمستوى كويسه الحمد لله

قليت فى العربى زياده عن ما توقعت بس مش مهم انا لو كنت جبت فى الانجلش 20 كنت وصلت لل 97

انا والله راضيه بس انتوا عارفين التنسيق وانا كان لى حلم وضاع حتى احتمالاتى الاقل راحت عليا
انا علمى علوم وبكدا مفيش قدامى حاجه


الاهم من كل ده ان مدرس لى قالى قدمى تظلم
واطعنى فى الورقه وقولى انها مش بتاعتك وسهل تثبتى لانهم هيقارنوا الخط وهيتاكدوا لانها فعلا مش خطى

وبكدا أضمن انى ادخل دور تانى لجنة خاصه او يشوفوا لى حل
بسدل ما اضيع طبعا متخيلين صدمة زى دى عليا وعلى اهلى
اللى بطلبه منكم اى مدرس هنا او اى حد عنده فكره عن الموضوع ده يدلنى

اعمل كدا ولا ارضى بقدرى واسكت وخلاص
وهل ده هينفع وهستفيد ولا تضييع وقت

ولو ينفع ازاى اعمل تظلم واروح فين علشان اعمله
وامتى اعمله امتى بيبتدى تقديم التظلمات دى



ارجوكم انا محتاجه فعلا اى كلمة تطمن قلبى وقلب اهلى


واكون شاكره لكم لو حد فادنى بحاجه


وجزاكم الله خيرا

[Hager Adel]

يارب حد يفيدك

[مريم السباعى.]

اولا يا حبيبتى اوعى تزعلى ابدا اسمعى كلامى دة قدر الله وقضائه وبكرة تقولى مريم قالت والله العظيم ربناحيكرمك اخر كرم وان شاء اله حيكتبلك الخير بس فى رئى اطعنى فى الورقة وادخلى دور تانى لو تقدرى انتى اولى بكل نصف درجة مش درجة وممكن تكتبى الموضوع فى كذا قسم تانى برضه لو مدرس شافو ان شاء الله يجاوبو وان حدور على الموضوع ان شاء الله لووصلت لحاجة حبلغك

[جمــ الروح ـال]

ربنا يخليكى يا مريم

حاضر هكتبه فى قسم تانى

[جمــ الروح ـال]

ياريت اى حد يكون عنده خبره فى الموضوع ده يرد عليا لانى فعلا تعبانه