صــــدق او لا تصـــدق,,,,,نقابة الصيادلة تعلن عدم قبول عضوية طلاب كليات الصيدلة الخاص

[babagamil]

أعلن الدكتور سيف الله إمام وكيل النقابة العامة للصيادلة، أن النقابة قررت عدم قبول خريجى الكليات الخاصة بعضويتها من الحاصلين على مجموع أقل من 80% فى المرحلة الثانوية، وذلك من العام الماضى.

وأضاف وكيل نقابة الصيادلة -فى تصريح اليوم السبت- أن النقابة ستطلب من ضمن أوراق قيد الخريجين الجدد لكليات الصيدلة الخاصة، الحصول على مجموع فى الثانوية لا يقل عن 80%، مؤكدا على ضرورة ألا يقل مجموع القبول بالجامعات الخاصة عن 5% مقارنة بالجامعات الحكومية، لوجود صعوبة فى مناهج كليات الصيدلة تحتاج لحد أدنى من التعليم لاستيعابها، لافتا إلى أن قبول طلاب ذات مجاميع متدنية يسهم فى تخريج صيادلة غير مؤهلين مهنيا.

وأوضح إمام، أن قرار النقابة جاء فى إطار حرص النقابة على تقليل أعداد الخريجين، لافتا إلى أنها قامت لأكثر من مرة بمخاطبة وزارة التعليم العالى، وطالبتها بتقليل أعداد طلبة كليات الصيدلة، نظرا لأن هذه الزيادة تمثل خطورة على كليات الصيدلة، ومجالات العمل، لزيادة أعداد المقبولين عن طاقة هذه الكليات، وهو ما أثر بالسلب على كفاءة الكليات ومعاملها، فضلا عن تأثيره على كفاءة الخريجين
http://www2.youm7.com/News.asp?NewsID=737582

[Eso Sam]

كويس جدا ,, مش معقولة هبقا واحد مفحوت ف ثانوية عامة سنتين وف كلية 5 سنين وييجى واحد معملش اى مجهود يذكر ويبقاا صيدلى او دكتور لمجرد ان معاه فلوس للجامعة الخاصة ..

[rana salem]

اصلا الجامعات الخاصة دى المفروض تتلغى
ازاى يستبدلو العلم بالمال

[بقايا قلب]

فيه ناس ناس بتبقى جايبه مجاميع عاليه جدا .. بس عاوزه مكان نضيف تتعلم فيه .. مش هتروح جامعه حكوميه .. فبتدور على الجامعات الخاصه .. هى الجامعات الخاصه كويسه وكل العالم مفيهوش تعليم مجانى .. بس للاسف مصر فيها علشان كده نص الشعب مش فاهم هو بيشتغل ايه ..


الجماعات الخاصه هتبقى افضل لو رفعوا التنسيق اللى فى الجامعات الخاصه ل 90 % لكليات الطب والصيدله

[أم عبدة]

كلام جميل وهوا دا الي المفروض يتعمل الجامعات الخاصة بقت تاخد من مجاميع قليلة جدا ازاي واحد جايب 78 ويدخل صيدلة هي بتلعب والي يغيظ تلاقيه جايب تقدير دا الي جايب فوق التسعين بمراحل في الثانوية في الكلية بيقول يا رب انجح

[ahmedcomment]

احب اقلك ان الجامعة المصرية الروسية بتقبل حد ادني صيدلة ولو مش مصدقاني روحي اسئبي 90 في المية ومصر للعلوم والتكنولوجيا 94 ولا انتو مابتشفوش ولا بتسئلو

[user22]

عداهم العيب .. إزاي يساوي واحد دخل صيدلة بـ 97% بتاني مجموعه ما كملش 80%

المفروض الصيدلة الخاص تأخذ مش أأقل من 90%

[rana salem]

الجامعات الخاصة بتاخد فلوس
بس بتعمل امتحانات قبول

[جهادخالد]

هوة دة التعليم ولا بلاش


صح ولا انا غلطانة

[Mr Ahmed Abdel Hamid]

يا ريت يطبقوها فى مجال التعليم لأن كليه التربيه فى الجامعات الخاصه ب 55% و أزاى اللى هيربى ولادنا واحد كان ناجح بالعافيه

[maxpaine]

كلام صحيح مائة فى المائة

[نفسي انفع]

بس مش لازم نظلم الكل عشان في ناس بتخش الخاص وتذاكر اكتر من العام ...وبالتالي هي فرصة لمن لم يلحق الكلية من الاول وعايز يثبت نفسه فبالتالي ده قرار كويس اوي