ممكن الافاده

[Mans10]

السلام عليكم ورحمه الله وبركاته

انا محتار فالمستوى الرفيع

اخد مستوى رفيع عربى ولا جغرافيا

ياريت تفيدونى
وجزاكم الله كل خير

[midoadel2010]

انا شايف انك تاخد عربي ومتقلقش منو انو كتير ولا حاجة .. بالعكس دا انتوا هتحل فيه اكتر ما هتحل فى اى حاجة .. بس لو علمى خدي عربي .. لو ادبى خد فلسفة .. وامشي مع الماشي ومتبقاش لوحدك . عشان عالاقل تلاقي حد يساعدك فى سؤال ..

[Mo7amed_S3d]

مع ان ده مش المكان الصحيح للتوبيك بس انا رأيى فلسفه ولو مستواك كويس فى الانجليش يبقى تاخد انجلش وانت مغمض انا ذاكرته والله قبلها بيوم وصحيت من الساعة 6 يوم الامتحان وكملته وجبت فيه 9.5 بس ده طبعا علشان انا بحب الانجلش ولو انت كويس فيه خده
وبالتوفييييق

[اسلام اسو]

بس لو ادبى اكيد جغرافيا اسهل حاجة انما العربى انا خدته السنة دى وكلوا رغى وكلام كتير وجبت فيه 8.5 بالعافية وهو حوالى 30 صفحة انما الجغرافيا صحابى كلهم مقفلينها وبالنسبة للانجليزى دا لو بتحبه بس منصحكش عشان صعب وقليل اللى بيعدى 9

[momo_2010]

نصيحة منى لو انت ادبى خد عربى او فلسفة , والفلسفة حتكون احسنلك بس

[dalia_x]

انجليزى او جغرافيا

[bondosh]

لو ادبى خد جغرافيا او فلسفة
اما لو علمى يبقى عربى افضل

[أمورة بس مش مغرورة]

أولا لو محتار صلى إستخارة وإن شاء الله هتلاقى كل شئ ميسر

ثانيا أسهل حاجة إن شاء الله بتكون يا إما جعرافيا أو فلسفة

أنا أختى أخذت جغرافيا السنة دى وكانت سهلة بس بما إنها كانت بتنسى بسرعة فحلت وحش فى الإمتحان لكن الحمد لله تصحيح الجغرافيا كويس فهى نقصت نص بس وأنا عن نفشى لو كنت أدبى كنت هاخذ جغرافيا وكنت أتمنى تكون موجودة فى علمى لإنها بجد سهل

وبالنسبة للفلسفة بيقولوا عليها سهلة وفى نسبة كبيرة جايبيين درجات حلوة لكن ده هيرجع لحضرتك لو كنت حاببها فى أولى ثانوى ممكن تتوكل على الله وتاخد فلسفة

وربنا يوفقك إن شاء الله

[Bent el pope]

انا عند خال وانا داخله ادبى وقلى خدى فلسفه وعلى ضمانتى دى ساهله خااالص خااااااااااااااااااااااالص وانا عن نفسى فى سنه اولى مقفله الفلسفه ومذكرتهاش اساسا طول السنه غير فى ليله الامتحان وصدقنى الماده دى انا مرتفعه فيها بدرجه كبيره وهى النهائيه طبعا ومش بعرف حصل ده ازاى واناكنت بخرف كلام كتير اساسا فى الامتحان لان الاستاذ اللى كان بيدينى فى المدرسه كان بيقولنا انا مش بقرا بس اهم حاجه الاقى الصفح بتاعه اجابه الامتحان كلها مليانه وده اللى حصل معايا لحد اخر صفحه يعنى فلسفه اسهل ماده واسهل من الجغرافيا على فك ره دى وحشه الماده دى اوى

سورى للاطاله

[الععو]

ممكن معلومات معاهد الدرسات النوعية شعب نظم المعلومات الادارية

[Eng/ Hamada obey]

عن نفسى انا كنت واخد عربى وكان عادى خالص مش فية مشاكل ولا صعوبة
المستوى العربى انت ممكن تزاكرة فى الاجازة مش غير اى دروس ولا اى حاجة

[Mechanical Flower]

انت لو أدبي يبئا أحسن حاجه فلسفه
أغلب الأدبي عندنا كان آخد فلسفه مستوى رفيع وناس كتير اوووى بتقفلها كمان
اما لو كنت علمي او مينفعش تاخد فلسفه يعني فممكن تاخد عربي او انجليزي
العربي زمايلي كانو آخدينو وحلو فيه كويس وانا كنت آخده انجلش مكانش صعب ولا حاجه
كان كويس وامتحانه كان كويس كمان ..
بس لو مش بتحب الانجلش يبئا أفضل حاجه ليك بئا العربي ( بس لو كنت أدبي يبئا أحسن فلسفه )

وبالتوفيق ان شاء الله