|
#1
04-10-2012, 04:53 PM
|
||||
|
||||
معلمى القليوبية والمجتازين كادر ابريل الماضى أين أنتم
صدر قرار المديرية 750 بتعيين وتسكين كل من اجتاز كادر ابريل الماضى بناءا على القرار الوزارى 280 ، جاء فاكس من الاكاديمية بإيقاف اجراءات التعيين ، ثم تلاه فاكس اخر من المديرية بكيفية التنفيذ وانطباق القرار 750 على كل من كان تعاقد (معلم مساعد) مميز قبل التثبيت على القرار 515 وخاض اختبارات الاكاديمية على شروط خوض الاختبار التي حددتها الاكاديمة ونجح
وايقاق تعيين وتسكين كل من يثبت عدم استيفاؤه اى شرط من شروط خوض الاختبار على أن يتم التأكد من ذلك من خلال الملف الخاص بكل معلم فى ادارته وعلى مسؤؤلية قسم الملفات وشئون العاملين ويتم اخطار الاكاديمية بهذه الاسماء لكي تقوم بحجب نتائجهم وايقاف تعيينهم وبالفعل قامت ادارة قليوب التعليمية قسم شئون العاملين - ملفات بتنفيذ الفاكس الوارد من المديرية ، واقرت النتيجة والتسكين على معلم برقم القرار 750فى الملف الورقي الخاص بكل معلم كما ان المرتبات هى الاخرى قد اقرت ذلك . ولكن يبدوا ان الاكاديمية المهنية للمعلمين مازالت تمارس دورها الغبي فى اثارة الفوضى والبلبلة فى وزارة التربية والتعليم ، حيث أن السيد رمضان مدير الاكاديمية المهنية مُصر على عدم اقرار النتيجة بل وحجبها بدعوي أننا مثبتين بالقرار 515 ويجب ان ننتظر عامين على الدرجة ( بمعني اصح ) يجب أن ننتظر عامين على وظيفة معلم مساعد لكى يتم احتساب النتيجة لنا او خوض الاختبار مرة اخرى أو التأهيل من خلال الدورات لو تم الغاء الامتحان ايهما اقرب ، وبهذا فالاكاديمية تتعامل معنا وكأن بداية تعاقدنا او عملنا كمعلم مساعد اعتباراً من تاريخ القرار 515 وهو 1/7/2011 والغاء كل سنوات التعاقد التى عملنا بها منذ عام 2009 وفينا من هم 2008 وخاضوا اختبار ابريل الماضى الرجاء من كل معلمى القليوبية والذين يشملهم القرار 750 وعددهم 4157 والمتضررين من موقف الاكاديمية سرعة التحرك ، اتمنى من كل معلم يقرأ كلامى ابلاغ زملائه ممن يعرفهم وفى نفس موقفنا لكى يكون هناك تحرك جماعي منا والا سيكون ضررنا مضاعف من حيث ضياع سنوات العقد وايضا خوض الاختبارات مرة اخرى وهذا سيؤثر على المستقبل الوظيفى بشدة .... ملحوظة: جميع المحافظات نفذت الان القرار 280 ماعدا محافظة القليوبية وأنا نفذت القرار فى ادارة قليوب فى ملفي الشخصى والمرتبات ،، ولكن قسم الاحصاء يرفض تسكينى فى صحيفة الاحوال على وظيفة معلم بسبب تعليمات الاكاديمية فقمت بالاتصال بمكتب د/ رمضان مدير الاكاديمية وردت سكرتيرته الشخصية ، وقلت لها الامر وان موقفنا القانونى سليم واننا خضنا الاختبار على شروطكم وملفنا سليم وعندما لم تجد ما هو قانونى لكى ترد به بعد أن اثبت لها ان المشكلة كلها منهم فى الاكاديمية بسبب خطئهم سواء لانهم لم يراجعوا ملفات المعلمين ولم يستبعدوا من هم لا ينطبق عليهم الشروط أو حتى السماح لنا بخوض الاختبار وهم يعلمون أننا على 515 او لا يعرفوا ... فقالت بالحرف .. احنا هنعمل ((اللى يعجبنا))) ولو مش عجبكم عندكم القانون خليه ينفعكم فذهبت للمديرية للوقوف على موقفنا القانونى وموقف شئون العاملين من موقفنا فقاللوا احنا نفذنا قرار الوزير 280 وانتوا كنتوا تعاقد ودخلتوا الاختبار بناءا على شروط الاكاديمية مش شروطنا احنا،ونجحتم وجتلنا اسمائكم من الوزارة واحنا دورنا ننفذ قرار التعيين ونفذنا وبعتنا للادارات تنفذ القرار على اللى كانوا تعاقد لاننا كنا فاصلين المعلمين المتعاقدين تعاقد مميز عن اللى كانوا بالاجر لما نفذنا القرار 515 لانوا كان يخص الاجر مش المتعاقدين ... واتصلنا بالاكاديمية وفهمناهم كدة لكن رمضان مدير الاكاديمية بيقول لاء هحجب عن الكل أنا اسف للاطالة ولكن انا حاسس ان الناس نايمة مش فاهم ليه وكأنى انا لوحدي اللى امتحنت ابريل الماضى ومتضرر ،، يا جماعة الموضوع محتاج وقفة بجد لو قدرنا نجمع نفسنا يوم فى المديرية عن وكيل الوزارة للاتصال برمضان ده قدمنا ويقولوا ان الناس متجمهرة ولازم قرار وقتى او حتى نروح الاكاديمية لرمضان للضغط عليه .. وارجوا من كل واحد معاه كشف النجاح اللى فى اسمة يقرأ فى اخر الكشف على يمين مكتوب 3 ملحوظات هيعرف ان تصرف المديرية صح وقانونى لان اجراءات التعيين بتم على مسؤلية المديريات والادارات مش على مسؤلية الاكاديمية لان الاكاديمية دورها انتهى بعد صدور النتيجة ووقت تنفيذ التعيين لو ثبت وجود اى خطأ فى ملف المعلم بتقوم الادارة بإخطار المديرية اللى بدورها بتخطر الاكاديمية رمسى علشان يتم ايقاف تعيينة او دراسة الخطأ ارجوا التحرك الفورى والسريع ........... وشكراً
__________________
الساجد لله 
|
|
#2
04-10-2012, 07:57 PM
|
|||
|
|||
|
يا استاذ ابو الفاروق
حضرتك قولت امبارح انهم هيستنوا سنتين ع المعلم المساعد وبعد كدا هيتم تفعيل النتيجة والنهاردة بتقول انهم ممكن يلغوا الموضوع ده ونمتحن تاني بصراحة انا مش فاهم حاجه وما معنى يجب أن ننتظر عامين على وظيفة معلم مساعد لكى يتم احتساب النتيجة لنا او خوض الاختبار مرة اخرى أو التأهيل من خلال الدورات لو تم الغاء الامتحان ايهما اقرب ، ما معنى ايهما اقرب واستاذ
|
|
#3
04-10-2012, 07:58 PM
|
|||
|
|||
|
وحضرتك اتصلت بالاكاديمية امتى وردت عليك السكرتيرة امتى يا ريت توضح
علشان الموضوع فعلا مهم ولازم اتخاذ خطوات جادة يا ريت بجد توضح حضرتك
|
|
#4
05-10-2012, 08:33 AM
|
|||
|
|||
|
هو مش مليون مرة الاكاديمية تقول احنا مش جهة تعيين ودورنا بينتهي عند اعلان النتيجة؟
وبعدين الحكاية مش لعب عيال ده قرار وزاري وقرار محافظ واتنفذ بالفعل مالها الاكاديمية بقى بعد كده؟ لو القرار ده اتوقف يبقى تهريج ولازم يبقى لنا وقفة فعلا لان ده محصلش لعب العيال حتى
|
|
#5
05-10-2012, 12:34 PM
|
||||
|
||||
|
اقتباس:
هل القرار اتنفذ فى ادارتك يا أ/ ريم ول نفذتى ، نفذتى ازاى لان فى ادارة قليوب نفذنا فى الملف الورق والمرتبات علشان يحطولنا الكادر لكن الاحصاء بعد ما كانوا هينفذوا فى صحيفة الاحوال ويسكنونا على معلم رجعوا قاللوا لاء ياريت تقوللى نفذتى ازاى ... تحياتي
__________________
الساجد لله
|
|
#6
05-10-2012, 01:51 PM
|
|||
|
|||
|
اقتباس:
وبعد كده قالوا ان التغيير حيتم في الاحصاء لو جبتلهم صورة مختومة طبق الاصل من العقد واقرار قيام بالعمل في وظيفة معلم وصورة الكشف اللي فيه اسمي ومعلقين ورقة في الادارة بكده انه لن يتم التغيير الا بعد ما اجيب الاوراق دي ما اعتقدش يا استاذ ابو الفاروق ان الاكاديمية تقدر تحجب نتيجة بعد ما طلعتها بالفعل ومن اكتر من شهر ونص متوزعة على المديريات ده غير ان الاكاديمية مالهاش سلطة تعيين او الغاء تعيين حد ودورها كان ممكن يبقى له تاثير لو فعلا حجبت النتيجة بس من الاول مش من دلوقت خالص دي حتى اسامينا راحت التنظيم والادارة ده غير اننا عملنا اقرار قيام بالعمل في وظيفة معلم تحياتي لحضرتك وان شاء الله خير
|
|
#7
05-10-2012, 07:25 PM
|
||||
|
||||
|
اقتباس:
انا كمان نفذت كل الكلام ده بس مطلبوش مننا ملف جديد هو اقرار قيام بالعمل على وظيفة معلم وصورة من قرار التعيين طبق الأصل + صورة الكشف اللى فى اسمي وقسم الاحصاء بردة كان طلب مننا صورة طبق الاصل من العقد للإطلاع او توقيع قسم الملفات على الكشف اللى فى اسمى انى تعاقد معلم مساعد قبل تاريخ 31/3/210 بس تاني يوم رايح اقم واغير فى الصحيفة لوظيفة معلم قاللوا لاء وبناءا عليه غيرت فى الملفات لكن الاحصاء لسة اتتصلت بمدام زينب مديرة قسم الاحصاء فى المديرية قالت : معلش نفذ فى الملفات لكن استني شوية على صحيفة الاحوال لحد ما يجيلنا اشعار اخر من الاكاديمية لتغيير المسمي الوظيفى لمعلم وقالت هنحل المشكلة بس اصبر شوية
__________________
الساجد لله
|
|
#8
05-10-2012, 07:50 PM
|
|||
|
|||
|
اكاديمية دى ولا سلطة الوزارة فى ناخية والاكاديمية فى ناحية تانية الاكاديمية بتعلم الندرسين البلطجة الااديمية الاكاديمية عاوزة تلغى قرار مخافط وقرار وزير مش هى الى دخلتنا الامتحان الوزير بيلغى الامتحانات والوزارة كمان وهى مازالت بتمتحن الناس اية دا دى البعكوكة دى ولا اية الاكاديمية فى منزلة رئيس الجمهورية تلغى قرار وزيلر ومحافظ اية القوة دى
|
|
#9
05-10-2012, 07:51 PM
|
|||
|
|||
|
اقتباس:
يمكن يكون هو ده السبب انهم مارضيوش يغيروا لحضرتك
|
|
#10
08-10-2012, 11:41 PM
|
||||
|
||||
|
تم اليوم نقل وكيل وزارة التربية والتعليم بالقليوبية(الاستاذ محمود العمريتى) الى الفيوم
__________________
الساجد لله
|
|
#11
09-10-2012, 02:34 PM
|
|||
|
|||
|
اقتباس:
ويا ترى حضرتك عملت ايه في اجراءات التعيين
|
|
#12
09-10-2012, 11:26 PM
|
||||
|
||||
|
اقتباس:
ولكن قسم الاحصاء لسة مغيرش صحيفة الاحوال
__________________
الساجد لله
|
|
#13
11-10-2012, 08:08 PM
|
||||
|
||||
|
التسكين على معلم فى صحيفة الاحوال الالكترونية
للقرار 750 فى نهاية الاسبوع القادم حتى يتم تنقية الاسماء التي وردت فى كشوف الناجحين من الذين لم يكن لهم الحق فى خو ض الاختبار طبقا لكلام مديرة قسم الاحصاء فى المديرية أ/ زينب
__________________
الساجد لله
|
|
#14
31-10-2012, 09:03 PM
|
||||
|
||||
|
السلام علــيـكـم ورحمة الله وبركاته
____________ هل تم تسكين أى معلم مساعد من معلمى القليوبية الذين اجتازوا اختبارات ابريل 2012 وصدر لهم القرار المديرية رقــم 750 على وظيفة معلم فى صحيفة الأحوال من قسم الاحصاء التابع له ؟ هل تم صرف بدل الاعتماد لأى منهم بأثر رجعي ابتداء من 1/8/2012 وتم تحرير استمارة المرتب على وظيفة معلم ؟؟ ياريت الاهتمام والرد لأننا فى ادارة قليوب وحتى تاريخة لم يتم تنفيذ القرار 750 إلا فى الملف الورقي فقط (شئون العاملين - ملفات ) ولم يتم تنفيذه فى الاحصاء او مالياً !!
__________________
الساجد لله
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 02:55 PM.
