طلب مساعده

[a7med bondok]

السلام عليكم في النصوص وانا اذاكر ارى دائما في التعليق مظاهر التجديد والقديم ولاحظت انها متشابهة للغاية في جميع النصوص فهل مظاهؤ التجديد في جميع النصوص وكذلك القديم ام انها مختلفة وان كانت كذلك فارجو كتابتها لجميع النصوص وايضا دائما ما انسى التعليق على النص فارجو مساعدتي في هذا الامر وكيفية التعامل معها

[محمـد ناجح]

بالنسبة للتعليق , فحاول تقراه قراءة متأنية فى الأول لاستخلاص الأفكار منه كأنك بتقرا على النت أو من منتدى أو بوست على الفيس أو من جريدة , و هتلاقى المعلومات ثبتت زى ما بنقرا على النت و المعلومات بتثبت فى عقلنا , لأننا بنكون بنقرا باهتمام للشئ اللى بنقراه , مش زى الدراسة , بنكون بنذاكر تحت ضغط و مستصعبين المادة , فبنكون بنمر على الموضوع أثناء قراءته و نحس ان مفيش حاجة دخلت عقلنا ,,

حاول تتخلق من القلق و الهموم , و استعن بالله و توكل عليه قبل كل شئ , و حافظ على الصلاة و العبادات و ابعد عن الذنوب قد المستطاع و حافط على الأذكار , و ربنا ان شاء الله هيباركلك فى حفظك و فهمك و يذهب عنك ما أصابك من نسيان ,

و حاول تربط بين التعليق بعد ما تقراه , و بين النص و الموجود فى النص , من صور و محسنات و ألفاظ , يعنى هيكون النص بيتكلم عن أسلوب الكاتب أو الشاعر , حاول تخمن انت خصائص أسلوب الشاعر أو الكاتب بعد دراستك للنص و مذاكرته كويس ,,,

يعنى مثلا أقول (يتميز أسلوبه بالبيانية , الاطناب , التأثر بالقرآن و التراث , تغلب عليه نزعة دينية , الميل إلى الاطناب و التوكيد وووووو كثرة المحسنات وووووو )

حاول تعمل كده فى كل نص , و هتلاقى كل نص , بتعليقه بقى منفصل عن أى نص آخر , باذن الله ..

و المقال و القصة القصيرة (الصغيران , نظرة .. ) اربطهم بالأدب بتاعهم برضو .

حاولت أفيد قدر استطاعتى , و ربنا يقدرك ان شاء الله و يعينك على المذاكرة و يوفق جميع طلاب المسلمين و يكتب لنا الخير حيث كان و يوفقنا إليه .. الحمد لله على كل شئ ..

[أ.محمد عاشور]

أنصحك بمراجعة النصوص من منتدانا على طريقة الصحوة فهى سهلة العرض ووافية بفضل الله عندك مثلا :
قصة نظرة :
http://www.thanwya.com/vb/showthread.php?t=503336

الشاعر وصورة الكمال :

http://www.thanwya.com/vb/showthread.php?t=506344

[a7med bondok]

بارك الله فيك اخي وبارك الله فيك استاذي نفعكم الله ونفع بكم دائما

[أبوبسملة ياسر خليفة الطحاوى]

أخى الحبيب

مظاهر الجديد فى نصوص الشعر تتمثل فى الاتى

1- الموضوع الجديد

2- تحقي الوحدة العضوية

3- الاهتمام بالصورة الكلية

4- وضع عنوان للقيصدة

5- استعمال اللغة الحية

6- التجربة الذاية ( ما عدا كم تشتكى فهى تجربة عامة ) وكذلك غربة وحنين فهى تجربة ذاتيه تحولت إلى عامة



أما مظاهر القديم

1 - المحافظة على وحد الوزن والقافية ( ما عدا النسور طبعا)

2- استخدام الألفاظ التراثية لأنها قوية الايحاء

3- استخدام بعض صور الخيال القديم

4- التأثر بالقرأن الكريم


لكن لاحظ فى نص غربة وحنين ( حاول شوقى تحقيق الوحده العضوية ) لكنها لم تتحقق لتعدد الاغراض

[a7med bondok]

المشاركة الأصلية كتبت بواسطة أبوبسملة ياسر خليفة الطحاوى

أخى الحبيب

مظاهر الجديد فى نصوص الشعر تتمثل فى الاتى

1- الموضوع الجديد

2- تحقي الوحدة العضوية

3- الاهتمام بالصورة الكلية

4- وضع عنوان للقيصدة

5- استعمال اللغة الحية

6- التجربة الذاية ( ما عدا كم تشتكى فهى تجربة عامة ) وكذلك غربة وحنين فهى تجربة ذاتيه تحولت إلى عامة



أما مظاهر القديم

1 - المحافظة على وحد الوزن والقافية ( ما عدا النسور طبعا)

2- استخدام الألفاظ التراثية لأنها قوية الايحاء

3- استخدام بعض صور الخيال القديم

4- التأثر بالقرأن الكريم


لكن لاحظ فى نص غربة وحنين ( حاول شوقى تحقيق الوحده العضوية ) لكنها لم تتحقق لتعدد الاغراض

بارك الله فيك استاذي وابي دائما ما تساعدني واحتاجك في اموري فاجدك دائما جانبي اسال الله ان يبارك فيك وان ينفعك وينفع بك دائما تحياتي لك

[أبوبسملة ياسر خليفة الطحاوى]

المشاركة الأصلية كتبت بواسطة طالب المستقبل

بارك الله فيك استاذي وابي دائما ما تساعدني واحتاجك في اموري فاجدك دائما جانبي اسال الله ان يبارك فيك وان ينفعك وينفع بك دائما تحياتي لك

بالتوفيق لك اخى الكريم

وربنا يحقق لك ماتريد

دمت بكل الخير