هل يحق للمعلم المساعد استلام عهدة

[الزمرانى]

استاذ شريف او ذوى الخبرة هل للمعلم المساعد ان يستلم عهدة
الرجاد الرد لاهمية

[الزمرانى]

الرجاء الرد لاهمية

[eidedd]

والله على حد علمى مفيش مانع انا معلم تعاقد اجر وكانت مستلم عهده انت ورحتك
ومعنا عامل ليس بعقد من اصله واستلم عهدة المدرسة بالكامل
فانت ورحتك تستلم ام لا
ولكن على حد علمى لا يفرض الا على المعين

[مس منه]

انا معلمه متعاقده ومعايا عهده
عااااااادى مفيهاش حاجه بالعكس ده بيخليك مرتبط بالمدرسه اكتر وبيبقى صعب انتدابك لاى مدرسه تانيه

[أ-عماد]

تمام مس منة

[الزمرانى]

اصل انااستلمت عهدة من غير جرد لما جردها وجد عجز كتير

[مس منه]

المشاركة الأصلية كتبت بواسطة الزمرانى

اصل انااستلمت عهدة من غير جرد لما جردها وجد عجز كتير

وازاى تستلمها من غير جرد ؟
المفروض كنت مضيت على اللى هتستلمه بس
مش على كل اللى موجود اللى مش موجود كمان
دا لو موجود حاجه وممكن تتكهن متمضيش عليها ومش من حقهم يعترضوا
الحاجات بس السليمه والقابله للاستخدام هى اللى بيتمضى عليها

[الزمرانى]

هى جد كدة وهى عهدة مكتبة وجد 624 كتاب مفقودين مش عارف اعمل اية

[عمر المنياوى]

المشاركة الأصلية كتبت بواسطة الزمرانى

الرجاء الرد لاهمية

حضرتك لم توضح الوظيفة ..يعنى لو معلم مساعد تطوير لازم يستلم عهدة
ولم توضح هل يوجد من هو اقدم منك بالمدسة فى تلك الحالة فهو الاحق بالعهدة

[MR : ABO BATTA]

العهدة يا حضرات أنواع
1- في عهدة خاصة بالعمال وهي الأثاث المدرسي وأدوات النظافة وغيرها
2- في عهدة خاصة بالمعامل سواء العلوم أو الكمبيوتر أو التطوير أو المناهل وغيرها من المعامل إن وجدت والمسئول عنها أخصائي هذا المعمل
3- في عهدة خاصة بالمكتبة وطبعا المسئول عنها اخصائي أو أمين المكتبة
بالنسبة للأخ السائل لو حضرتك أخصائي أو مسئول عن هذه الأشياء المذكورة سابقا ولا يوجد غيرك فواجب عليك استلامها
اما لو كنت معلماً فلا يجب عليك ان تستلم اي عهدة إلا اذا كنت معلما لأحد المجالات " صناعي - زراعي - تجاري - تربية فنية - اقتصاد منزلي " لأن هذه العهدة مسئولة من المعلم نفسه وليس لها أخصائي مسئول عنها
هذا رأيي واجتهاد مني

[me_do6000]

بما ن حضرتك امين مكتبة
كان عليك قبل الاستلام:
تشكيل لجنه لجرد المكتبة قبل الاستلام
وان تمضي علي محضر تسليم وتسلم العهده بالموجود داخل المكتبة
اذا كانت هناك اخطاء جسيمة في دفتر اليومية علك مخاطبة التوجيه المكتبات لتجديد الدفتر ثم موافقة التوجية المالي والاداري
ثم تجديد دفتر اليومية والتأكد من عدم تكرار كتب او شطب كتب او فقد او تلفد كتب
ثم تمضي علي محضر التسليم والتسلم واي مدرس لا يستطيع ان يغادر المدرسة دون توقيع حضرتك علي اوراقة بعدم وجووود اي كتب لدية
لا تسلتم من الموظف الموجود قبل محضر الجرد والتسليم والتسلم
ومرفق طيه ما يتوجب عليك فعله

عبدالحميد
لا نرجووو الا دعوة بالشفاء

[الزمرانى]

شكرا وجزاك الله خيرا

[eidedd]

والله على حد علمى مفيش مانع انا معلم تعاقد اجر وكانت مستلم عهده انت ورحتك
ومعنا عامل ليس بعقد من اصله واستلم عهدة المدرسة بالكامل
فانت ورحتك تستلم ام لا
ولكن على حد علمى لا يفرض الا على المعين

[الزمرانى]

جزاك الله خيرا

[أ-عماد]

الله على المجهود الرائع