كلام الناس ((نسبية ادراك العقل البشرى 3))

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

#نسبية_ادراك_العقل_البشرى
#الموضوع_الجامع
#الجزء_الثالث

-كان الهدف من الجزئين الى فاتوا انك تعرف و تآمن بوحدانية و عظمة الله و بعدين يبقى عند ثقة فى قدراتك تعرف عظمة القدرات الى خلقها ربنا للانسان و انك ممكن تقول كلام سلبى و انت فاهم غلط دى الامكانيات و دى ممكن تحققها انما مش القدرات انت خليفة الله فى الارض انت افضل مخلوق انت الى ربنا خلقك فى احسن تقويم ... زى ما قلنا ان فى انواع للبشر نوع عنده كل حاجة تخليه ينجح لكن مشكلته الاساسية هى ((الناس و كلامهم المحبط)) الشخص دا عنده هدف و حدد الطرق الى هيحقق بيها هدفه واثق فى ربنا و قدراته لكن كلام الناس بيرجع يهز ثقته فى نفسه و بيأثر على نفسيته عشان كدا لازم نتخلص من كلام الناس المحبط و دا اهم حاجة فى الجزء دا ...
دول الجزئين الى فاتوا الى عايز يقرأهم
http://www.thanwya.com/vb/showthread.php?p=5963787#post5963787
http://www.thanwya.com/vb/showthread.php?t=613369

و هنا انواع البشر و هنتكلم بعد كدا فى #الجزء_الرابع ازاى اكون النوع الاخير دا
http://www.thanwya.com/vb/showthread.php?t=612868

#الجزئية_الرابعة: كلام الناس المحبط ؟!
لما انت بتيجى و تقول انا عايز انجح انا عايز ابقى حاجة كبيرة انا عايز اتخرج و اكون مميز انا عايز احقق هدفى انا هدفى مثلا انى اكون دكتور مشهور و ناجح و هحقق هدفى بالقراءة و الاطلاع و التدريب و انا واثق فى ربنا انه هيكرمنى ... كل دا جميل و رائع و صدقنى لو عملت كدا هتنجح هل دا كلامى ؟! لو كان كلامى كنت هقولك ملوش لزمة انما دا كلام ربنا ربنا مش بيضيع تعب حد عشان كدا افتكر دائما دى و اوعى تروح من دماغك ((ان الله لا يضيع اجر من احسن عملا)) واثق فى كلام ربنا ولا ايه جاوب ؟! انا بقولك يالى بتقرأ الموضوع واثق ؟! طيب لما انت واثق و بتعمل الى عليك شاكك ليه بتتأثر بكلام الناس ليه ؟! يبقى عيد التفكير تانى

-الناس بتقول ايه > : يا راجل عمرك ما هتحقق كل دا يا راجل بلا خيبة كان غيرك اشطر بص على الى حواليك كلهم احسن منك ؟! فى ناس حريفة فى الاحباط و لو سمعت كلامهم اضمنلك من تانى يوم هتتعب نفسيا و تقعد فى بيتك مكتئب .... حتى الأهل هما من الخوف عليك مش كره ليك طبعا مثلا تقول انا بحب كلية تجارة مثلا و هدخل و ابقى راجل اعمال كبير و هعمل مشاريع و هحقق نفسى ؟! رد الأهل بيكون ايه فى بعض الاحيان ؟! والدك او والدتك يقولك كلام هو مش قاصده ؟! ههههههههه فيقولك ادى دقنى اهى لو فلحت و لو دخلت تجارة مثلا معلش متزعلوش منه دا ضارب و والدك مثلا يقولك لما تروح تتقدم لواحدة هتقول ايه ؟! لما يسألوك يسألوك بتشتغل ايه يا حبيبى تقول مثلا ؟! انا فى كلية تجارة و هبقى و هبقى هتلاقى يا بنى مطرود من البيت فى سعتها ؟! ... تعالى بقى لو انت نجحت و حققت نفسك فعلا هههههههههه الاهل بقى شوف ابنى رجل الاعمال الشهير او الدكتور الناجح طول عمرى بقول على ابنى عبقرى دا تربيتى ...

- #خلى_بالك: لو اقتنعت بكلام الناس و عقلك ادرك دا هتبقى دى فعلا حقيقة هتبقى اعتقاد ذاتى لو قالوا عنك فاشل و انت صدقت هتفشل و لو قالوا عنك عصبى و صدقت هتبقى عصبى حتى لو مكنتش كدا دا راجع لادراك خاطىء من المخ انت مش كدا ؟!

- #تخيل :/ لو اى واحد من الناجحين دول رجع بالزمن ايام ما كان طالب و صغير و قالك انا هبقى كذا فى المستقبل ؟! انت ممكن كنت تقابل الكلام بتأليس و تقلل من قدراته و تضحك ؟! بس هل معنى دا انه محققش حاجة لالالا طبعا ...

- يبقى دلوقت انا ممكن اسألك سؤل -) مش فى ناس نجحت ليه لأ متنجحش انت كمان ليه لأ ميبقاش عندك هدف كبير ليه لأ متعش كل لحظة فى حياتك سعيد و مبسوط و تكون مميز ؟!
1- ربنا موجود و مش هيضيع تعب حد حتى لو مكافئة ربنا ليك مش لحظية مش حالا اصبر و ربنا هيكافئك و مش لازم تكون المكافئة دى مادية ممكن تكون سعادة ممكن تكون الصحة ممكن تكون القناعة ممكن تكون ابن صالح و زوجة صالحة و اظن الحاجات دى اغلى بكتير من مجرد حاجات مادية بتروح و تيجى ؟!
2- قدراتك الى ربنا خلقك بيها قدرات عظيمة زى ما قلنا و امكانياتك حتى الذكاء و الذاكرة انت ممكن تطورها ابحث و طور و اشتغل ايه المانع ؟!
3- كلام الناس بيتغير تعرف هو ممكن يقول انك فاشل اتحداه و خد من كلامه تحدى و دفعة انك هتحقق نفسك و مش عايز اقولك بعد ما توصل ان شاء الله لأن ربنا مش هيضيع تعبك ... هتلاقى الى كان بيقول عليك مش هتقدر دا اول واحد بيمجد فيك هتستفيد ايه من الناس ؟!

- يبقى #الصح =D انى باخد كلام الناس و ادوره فى دماغى لو كلام محبط مش هقولك ارميه لكن خد الكلام دا تحدى و دافع انك تحقق و تثبت نفسك طيب فى خطوات انت ممكن تمشى عليها عشان تحقق دا ايه هى ؟!
اولا انا مش عايزك تقول ان فى كلمة ((مستحيل فى القاموس بتاعك))
Impossible
I ,m possible انا ممكن اعمل اى حاجة دا مش غرور دا ثقة بالنفس و بالله انك هتتعب و تتوكل و ربنا مش هيضيع تعبك ...

عايز #تفتكر ان فى نوعين للنجاح و تكون متقين من كدا فى :-
1- نجاح كاذب: دا لو انت فكرت ان قدراتك و امكانياتك هى الى هتنجحك و فى الحالة دى اضمنلك انك هتقع حتى لو نجحت هترجع تانى و تقع
2- نجاح حقيقى : و هو انك تبقى عارف انك بتعمل الى عليك يعنى بتأخذ بالاسباب و تتوكل على الله و هو الى هيرزقك هو دا ((التوكل))

-#مثال : فالنتخيل ان نقطة ماء من بحر او محيط قالت انا هطلع من البحر دا و هعمل الى انا عايزه فى لحظة هتتبخر بسبب الشمس انما لو هى فى المحيط مش هتتبخر و انت نفس الكلام لو فكرت ان النجاح بسبب قدراتك او امكانياتك هتقع انت قوى بالله و مع الله فقط سبحانه و تعالى و تأخذ بالاسباب و تتوكل ....

الخطوات الى تعملها بالتفصيل عشان تنجح من اول ما تصحى من النوم لحد ما تنهى يومك هنقولها تفصيل فى #الجزء_الرابع ان شاء الله و السلام عليكم

[DPT-Blue Phoenix]

دا رابط الجزء الأول
http://www.thanwya.com/vb/showthread...02#post5964702
و دا رابط الجزء الثانى
http://www.thanwya.com/vb/showthread.php?t=613369