|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
20-07-2014, 06:47 PM
|
||||
|
||||
نصايح للدفعة الجديدة
السلام عليكم ورحمة الله وبركاته
الحمد لله حمدا كثيرا طيبا مباركا فيه والصلاة والسلام علي محمد خير البشر صلي الله عليه وسلم وبعد : هذه نصائح أقدمها للدفعة الجديدة بناء علي تجربتي في الثانوية العامة والأخطاء اللى وقعت فيها والله المستعان أولا : الثانية العامة توفيق من عند الله عز وجل فالمطلوب أنكوا تصححوا نيتكم فيها وتحتسبوا نيات تأخدوا بيها أجر عشان متكونوش بتشتغلوا من غير أجر ومنها طبعا أنها لله كما ينبغي أن يكون كل أمر في حياتك و أيضا برا للوالدين وإدخال السرور علي قلب أهلك وده من أحب الأعمال إلي الله وغيرها ثانيا اتعبوا بجد وإن شاء الله هتلاقوا , ابذلوا أكبر مجهود واستعينوا بالله متستهتروش وتفكروا أنكوا هتلاقوا الموضوع بسيط . الموضوع محتاج تعب فاتعبوا الوقتي عشان تجيبوا مجموع مرتاح يخرجك بره قصة القلق والأرق وضغط الأعصاب ويا تري هألحق أيام انتظار النتيجة أيام مش سهلة وبعدها خبر يمين وخبر شمال توقعات التنسيق وممكن تبقي حالتكم النفسية أصعب من أيام الامتحانات نفسها فالتعب المقسم عالايام وتلاقي نتيجتك نتيجة مبهرة فوق 99 مثلا هتخلص عندك قصص تانية تؤدي للاكتئاب وأقاربه ثالثا قواعد - لا تؤجل عمل اليوم إلي الغد حرفيا . يومك يومك خدت دروس حتي لو ستة في يوم واحد اتفضل ذاكر مش تروح تاني يوم دروس ولسه مخلصتش - مذاكرة شفوي من غير حل وتدريب لا تعطيك أفضل نتيجة - الدرس ممكن أول مرة وأنت بتذاكره ميثبتش وهنا تكمن أهمية المراجعة مع كل مرة يرسخ أكتر - هام للغاية إتقان كل جزئية علي حدة مهما كان صغرها خاصة أي كلمة لها مفهوم والرسومات - الفهم الدقيق لما بين يديك وإن شاء الله نتكلم بالتفصيل - لو احتجت في المادة أكتر من درس خد وكذلك لو خاص إن أمكن - مع الأخذ في الاعتبار أنه مهما كان درسك لازم أنت اللي تذاكر لان الحقيقة حتي لو انت فضلت مدرس عن غيره بتلاقي الاتنين عندهم درجات عالية - مواد ممكن تحتاج فيها درسين الفيزياء والانجليزي وربما العربي والكيميا - ومش شرط الدرسين يبقوا من أول السنة مع بعض ممكن الكلام ده يكون لمدة شهر أو اتنين علي حسب القصور اللي عندك لكن أحياء وجولوجيا وفرنساوي مفيش درسين فيهم مطلقا - لو ظهر مشاكل عندك متنتناش عليها لازم تعالجها - مش شرط تتشعب أوي في الكتب المهم تستوعب المادة وتحل بفهم - اعمل في صمت ووفر عبء المقارنة والحزازيات بينك وبين زمايلك لا تقول لا بذاكر كتير ولا قليل قول الحمد لله ممكن الي قلتله أنت بتذاكر قليل همته تبطئ أو ممكن لو قلتلة كتير بالتفصيل يحبطك أو الله أعلم أكيد مش كله وحش لكن أحسن الظن بالناس وحب لهم الخير وانصحهم فعلا ومتهتمش بغيرك بيذاكروا كام أو كده ومتغلش من حد مطلقا أو تكذب عليه ممكن يقابلك حد عاوز بعرف تفاصيل كل مذاكرتك وهكذا فقوله الحمد لله ربنا يعينك ومتبخلش بمساعدة حد مش فاهم حاجة واحتسب رابعا تفاصيل عن المواد (علمي علوم) - العربي : حفظ كتير والفهم مطلوب خاصة النحو والبلاغة وأسئلة ممكن تكون في أي فرع محتاجة فهم القصة : مش محتاجة مجهود كبير . تتذاكر عادي جدا المطلوب تستوعب نفسية طه حسين في كل فصل وتقرأ بفهم وتحط نفسك مكانه وأيام الامتحانات هتثبت إن شاء الله القراءة حفظ الدرس كلمة كلمة بالترتيب مع ملاحظة أن درس زي العلم في الإسلام إجابة حاجات جزئيات مش جنب يعض مع مراعاة أن في الامتحان اكتب كل اللي شايفة ينفع إجابة للسؤال من الدرس ولو هتضيف رأيك الشخصي أو تدعم بأمثلة كمان النصوص حفظ النص المطلوب حفظه هام وجه السنة دي بدرجتين وفهم النص وشرحه وتعليق كتاب المدرسة ثم الكتب الخارجية الادب لازم تتعب فيه وفهم وتحفظ كويس جدا خاصة الحاجات اللي فيها نقط وحاجات بسيطة اللي مش هيتركز عليها في الحفظ لكن رجاء بلاش الاعتماد علي مذكرة مختصرة وبس النحو والبلاغة فهم وتركيز وممارسة التعبير الوظيفي لابد من اتقانه وغالبا ما المدرسين بيسيبوه لقبل الامتحان والإبداعي تنظيم واستشهادات وكثرة وعلامات ترقيم - الإنجليزي كمنهج لازم تتقنه والحل الكتير وهنا اشتغل مع حد بيحل كتير جدا جدا عشان تكتسب ثقافة الأماكن والشخصيات تتقنها وتفهم الترجمة ممارسة وحفظ كلمات كتير ولازم تبدا من أول السنة حفظ وهي إن شاء الله سهلة موضوع التعبير حتي لو هتاخد خاص عشانه لازم حد يصحح لك مواضيع كتير وتشوف أخطاء كتابتك والمادة مطلوب فيها تركيز وفهم - الفرنساوي من المهم عدم الاستهتار به او تركه مدة دون فتح والموضوع بسيط لو نص ساعة يوميا والمهم التركيز في الوثيقة وحفظ القواعد - الفيزياء مطلوب اتقان النظري وتاخده في الاعتبار من أول سنة مش كلها مسائل وفيه مواضيع بتطير بسرعة محتاجة مراجعة دورية المسائل ودي حل أكبر قدر ممكن وافهموا المادة كويس وركزا اثناء الحل كلمة تفرق لو ضاعت في مسألة درجاتك في خطر المسالة عليها 4 درجات كلمة واحدة ممكن تأثر الكيمياء فهم وحفظ ومراجعة مستمرة عشان تثبت وهنا تكمن أهمية المستر اللي بيعطي امتحانات كتير الأحياء حفظ جدا مطلوب مع فهم أولا خاصة مسائل الوراثة وفيه ناس بتعطي حاجات صعبة فيها الجولوجيا لو مش حافظ خلاص ضاعت والفهم طبعا مطلوب والرسومات تركيز عليها ملحوظة يا ريت يكون معاك شوية حاجات - كشكول بتابع نفسك فيه وجدولك وأهدافك وطموحاتك وبتتكلم معاها وبتحدد المشاكل وعلاجها والمعدل بتاع مذاكرتك ولو عملت رسم بياني لمعدلك هتكون دقيق في الحكم علي نفسك واتخاذ قرار - أقلام تحديد وأنت بتحل السؤال الصعب تحدده عشان قبل الامتحانات عارف هتبص علي ايه - ورق بتلخص فيه أشياء وخرائط ذهنية زي الأدب مثلا أو أي حاجة محتاج تركز دايما عليها وتبقي أقرب ليك ملحوظة ممكن تختصر أمور في كلام زي مثلا ترتيب عناصر القشرة الأرضية من حيث الوفرة أسلح كصبغ أ أكسجين س سيليكات ل ألومنيوم ح حديد وخكذا وده بيفيد في سرعة الاستدعاء للاستخدامات في الكيمياء أو حاجات كتير فيها عناصر كمان ممكن تعملها قصة وتستخدم خيالك مثلا في الانجليزي أفعال بدل بنائها للمجهول تأخذ get وعندك أفعال كتير فممكن تجمع شوية في قصة وهكذا وكمان وصف DNA وهكذا تستخدم طاقاتك المختلفة لسهولة المذاكرة وتحقيق متعتها وبلاش تقول أنا قدراتي كويسة ومتذاكرش لأن ممكن في النهاية تندم عالاستهتار ده مش بيعطوك درجات علي اسمك في الامتحان عاوزين إجابة بالتوفيق .. تفاءلوا واجتهدوا واستعينوا بالله سبحانك اللهم وبحمدك أشهد أن لا إله إلا أنت أستغفرك وأتوب إليك
__________________
 قال بعضهم: (التوكل هو علم القلب بكفاية الربِّ للعبد). هل صليت اليوم علي محمد صلي الله عليه وسلم ؟ 
|
|
#2
20-07-2014, 07:51 PM
|
|||
|
|||
شكرا جداً على النصائح الغالية دى بس انا عندى سؤال انا النهاردة رحت علشان أأكد على حجز الدروس فلاقيت الاستاذ بتاع الكيمياء الى كنت هاخد عندة معندوش اى مواعيد خاصة وهو استاذ ممتاز , وقالى نبقى نشوف الخاص بعدين فينفع ابدأ كيمياء اول السنة عام ؟
|
|
#3
20-07-2014, 08:20 PM
|
||||
|
||||
|
موضوع جميل حقيقى
ومن اكتر النقاط اللى احب اشدد عليها هى فكرة تحديد الاسئلة الصعبة او اللى فيها فكرة يعنى انا طول السنة قعدت احل كتير اوى جيت قبل الامتحان بكام يوم عايز الم التكات فى ورقة خاصة معرفتش  لانى حليت كتير ف اكتر من كتاب .. خاصة فى الفيزياء
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا
|
|
#4
20-07-2014, 08:28 PM
|
|||
|
|||
|
ربنا يوفقك ويجازيكي خير بس انا عندي كام نقطه معترض عليها الصراحه المفروض مايخدوش اكتر من درس واحد في الماده اولا مش هيلاقوا وقت للمذاكره هيشتتوا في مواد زي الفيزياء والرياضه ده شرحها بالطريقه دي وده شرحها بالطريقه دي ثاني حاجه مفيش مدرس هيوافق انه يجيلك البيت غير لو دفعتي فلوس كتير اولا حرام ثانيا ماهي بتاخود برا الكلام اللي هيقولوا هنا هيقولوا هنا ولو زود كلام يبقي نصاب واهم حاجه والله ماحد هيحس بيها غير في اخر السنه وانا كنت مضايق في الاول اني باخود مع عدد اولا هيشجعوا بعض ده عمل واجب وده معملش والمدرس بيلم الواجب هيحسوا انهم قصروا الامتحانات الشهريه اهم من الدرس ذات نفسه كل شهر لازم امتحان في بعض المواد زي الرياضه والفيزياء العربي حفظ هياخود درس في البيت لوحده ليه واسف لو الكلام ده ضايقك
__________________
Turn a step_ back into a success
|
|
#5
20-07-2014, 08:42 PM
|
||||
|
||||
|
كلام سليم وموضوع رائح شكرا جدا
بس كنت بطلب من حضرتك نظام لحل مسائل الفيزياء انا الحمد لله بعرف الم النظري كويس بس المسائل هي المشكله في انتظار رد حضرتك =)
|
|
#6
20-07-2014, 09:48 PM
|
||||
|
||||
|
اقتباس:
ممكن عادي مع زيادة الرقابة علي النفس والحل الكثير واللي يقف لو من غير إجابات يتسأل فيه
__________________
قال بعضهم: (التوكل هو علم القلب بكفاية الربِّ للعبد). هل صليت اليوم علي محمد صلي الله عليه وسلم ؟
|
|
#7
20-07-2014, 10:04 PM
|
||||
|
||||
|
اقتباس:
- الدروس الخاصة مش شرط في البيت لو فيه مدرسة بيتاخد فيها دروس بيكون مكان الدروس العام والخاص واحد وممكن ناس بتكون مجموعة 5 مثلا وبتدفع سعر المجموعة أو علي حسب المهم المدرس سعر مجموعته يدفع حتي لو واحد إلا لو حد طالب يروح البيت - مش كله لازم خاص ولا هي قاعدة فيه ناس مش بتاخد خاص وبتجيب مجموع الخاص هو مزيد من الاهتمام ومزيد من المتابعة وبيختلف من مدرس لآخر فيه دروس عامة بيبقي قاعد فيها أعداد رهيبة ممكن ناس تقف مفيش مكان وبالتالي مين اللي هيشوف في الانجليزي مثلا موضوع التعبير ؟ - توفير الوقت مهارة ممكن ناس طالما خرجت من البيت ولو فيه مواصلات سواء الدرس ساعة أو درسين وثلاثة لازم تتعطل قبل وبعد فهو إرهاق لكن اللي يتعب يلاقي - أعرف حد السنة دي معروف أنه بياخد كمية دروس رهيبة وجاب الأول أكتر من 99
__________________
قال بعضهم: (التوكل هو علم القلب بكفاية الربِّ للعبد). هل صليت اليوم علي محمد صلي الله عليه وسلم ؟
|
|
#8
20-07-2014, 10:05 PM
|
||||
|
||||
|
كل واحد أدري بنفسه ويقدر يعرف هو محتاج إيــــــــــه
__________________
قال بعضهم: (التوكل هو علم القلب بكفاية الربِّ للعبد). هل صليت اليوم علي محمد صلي الله عليه وسلم ؟
|
|
#9
20-07-2014, 10:10 PM
|
||||
|
||||
|
اقتباس:
المفترض أن المستر بيعطي أمثلة وبعدين بيعطي واجب فيه صعب قي البيت فالمطلوب عصر الدماغ والمحاولة في حل كل المسائل وكذلك في كتب زي الوسام وبعد كده لو المستر بيسأل إيه اللي وقف ويحله أو ممكن يحل مسألة مطلع نفس الناتج بس بطريقة أسهل وكذلك لو كتاب بتشوف الإجابات أكيد فيه مسائل صعبة بتحددها وبتراجع أفكارها وبيقي من شكل الصفحات بقلم التحديد أن دول التكات ومطلوب مع المراجعة الدورية حل المسائل تاني أكتر من مرة حتي السهلة منها
__________________
قال بعضهم: (التوكل هو علم القلب بكفاية الربِّ للعبد). هل صليت اليوم علي محمد صلي الله عليه وسلم ؟
|
|
#11
20-07-2014, 11:50 PM
|
||||
|
||||
|
شكرااااا على الموضوع
بس انا عايزة اعرف اجيب كتب خارجية اية فى كل المواد ؟؟ و الكتب الخارجية بتنزل امتى المكتبات ؟؟
|
|
#12
21-07-2014, 12:00 AM
|
||||
|
||||
|
بالنسبة للكتب
فالعربي : ممكن الامتحان عشان الأسئلة والرسالة عشان المفردات ولو فيه مذكرة فيها جماليات من المستر مع ملاحظة أن لو فيه اختلاف بين أي حاجة وكتاب المدرسة التزمي بكتاب المدرسة إن لم يكن هناك تعديل رسمي الانجليزي : ممكن جيم و سنيور الفرنساوي : برافو الفيزياء : الامتحان والوسام الكيمياء : الامتحان الأحياء والجولوجيا : الامتحان وأنا كنت بأستخدم في مواد مذكرات الدروس أيضا وكتاب المدرسة مهم وقبل الامتحانات بفترة دليل التقويم بينزل والتوقعات المرئية وكتب المراجعة والله أعلم أما تبئي دروس تابعي المكتبات
__________________
قال بعضهم: (التوكل هو علم القلب بكفاية الربِّ للعبد). هل صليت اليوم علي محمد صلي الله عليه وسلم ؟
|
|
#13
21-07-2014, 12:58 AM
|
||||
|
||||
|
موضوع رائع
شكرا ع النصائح بس علا اهم حاجه ان الفرنساوى الواحد ميهملوش كام اسبوع لأن ده حصل معايا فى سنة تانية و بقت ماده رزله بالنسبالى مع انى كنت بحبها
|
|
#14
21-07-2014, 01:00 AM
|
||||
|
||||
|
اقتباس:
بس مش شرط تلاقيهم كلهم
|
|
#15
21-07-2014, 09:30 AM
|
|||
|
|||
|
نصايح جميلة جدااا
جزاكي الله كل خير
__________________
مليش غيـــر ربــي ~
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 03:23 PM.
