أنا عشان علمي علوم فهقدر أتكلم شوية فيه لكن بصراحة مش عارف علمي رياضة ايه اللي هيحصل فيه:
بصوا يا جماعة الحد الأدني للطب السنة اللي فاتت كان 406.5 صح؟ أنا بقي كان في واحد صاحبي جايب 406.5 بالظبط و كان ترتيبه كام عالجمهورية ..... كان 12ألف و شوية. فلما دخلت دلوقتي علي درجات زمايلي لقيت اللي جايب 97.8 ترتيبه الــ12 ألف وشوية برده يعني ممكن فعلا طب تاخد من 97.8 أو أكتر حاجة بسيطة بتاع درجة ولا اتنين بالكتير أوي يعني
بس في ملحوظتين: السنة اللي فاتت كان عدد المقبولين في طب بشري 8500 تقريبا لكن السنادي 6500 عشان كده بقول احتمال يرفع درجة ولا اتنين عن (97.8) اللي هي 401 و يبقي 403 بالكتير أوي.
الملحوظة التانية: مش متأكد منها الصراحة ... بس الناس بيقولوا ان مجاميع علمي رياضة كويسة شوية عن علوم السنادي عشان كده ممكن يكون ترتيب بتوع رياضة مرتفع شوية عالجمهورية و تنسيق طب بشري ينزل عن 97.8 (مش عارف دي بقي بصراحة يعني)
و الله أعــلي و أعــلم ..... و ربنا يوفق الجميع ان شاء الله.
و يا ريت لو حد علمي رياضة يحاول يعمل اللي عملته كده و يستفسر و يشوف.
و كمان حاجة دي مجرد توقعات و اجتهادات فمحدش يتعلق بيها أوي و سيبوها علي ربنا.
18-07-2013, 09:27 AM
توقعي للتنسيق: ده بقي الخلاصة!
العرض الشجري
