تجربتى

[Dr.abo ali]

السلام عليكم ورحمة الله وبركاته


معلش انا هحكى لكم تجربتى مع الطب البيطرى علشان كثرت الاراء عن الطب البيطرى وعن الناس اللى داخله الكليه ومش حباها وكمان الناس اللى بتشتم فى كليتنا


فمعلش استحملونى شوية يمكن افيد حد فيكم او اغير فكرة اى حد عن الكلية فياريت فعلا الناس تقرا الموضوع كله

انا زى معظم طلاب الثانوية كنت عايز طب بس الفرق ان انا فعلا كنت عايز ادخله مش زيهم وخلاص وده لعدة اسباب منها : 1- انى بحب مجال الطب جدا يعنى دا ميولى الشخصى
2- امنية والدى انه يكون حد من اولاده فى طب بشرى
3- انى انا ولد وحيد وعندى ما شاء الله 6 اخوات بنات ونفسى احقق امنية والدى والعيلة واكون دكتور بشرى
4- انى بحب اخدم الناس وشايف انى اخفف الامهم تكون حاجةجميلة جدا
5- انا بلدنا (قريتى ) مفيهاش دكاتره كويسين وانا كان عندى طموح انى اتميز فى المجال دا

فالمهم عرفت النتيجة وعرفت انى مش هدخل طب طبعا كل امالى اتحطمت بس فى طريق تانى وهو طب خاص قدمت فعلا طب خاص وكمان عملت تظلم علشان انا كنت عارف انى مظلوم فى التصحيح ففى النهاية بعد الاستخارة وسؤال الناس عن طب خاص وبيطرى ففى ناس كتير رجحت بيطرى بس انا نسيت اقولكم ان عمى دكتور بيطرى فى السويد وهو شجعنى على طب خاص ليه ؟ علشان مجال البيطرى فى مصر مش كويس

بعد كدا طلعت نتيجة التظلم ومطلعليش درجات وبعدها طلعت نتيجة طب خاص وكانت النتيجة ان انا متقبلتش ليه ؟ علشان الجامعة عملت تنسيق داخلى واخدت من 97,3% ساعتها عرفت ان ربنا كتبلى بيطرى وكنت من قبل النتيجة بعد الاستخارة قلت يا رب انا راضى باللى انت هتختارهولى
فى حالجة لازم تعرفوها ان بعد ما طلعت النتيجة واحد صحبى جاب 90% عرض عليا ان نروح لواحد يدخلن بالواسطة وانا قلتله ( لأ ) ليه لانى رضيت بقدر وعرفت ان دا اختيار ربنا ومردتش ادخل وعلى فكرة صاحبى ده دخل دلوقتى الجامعة طب

بعد كدا لما قريت عن مجالات الكلية اتذهلت فعلا ولقيت ان الكلية فعلا اقسامها رائعة وشغلها هيكون اروع فى حاجات كتير زى معامل البحوث والطب الشرعى وحاجات تانية كتير وحسيت دلوقتى فعلا ان هى دى الكلية اللى انا كنت عايزها على الرغم انى لسه مدخلتش الكلية بس انا الحمد لله داخل وحابب الكلية ليه ؟ علشان راضى بقدر ربنا وكمان علشان مجالات الكلية الرائعة

وبقول للناس اللى كانت عايزه تدخل صيدلة فرصتك مضعتش ممكن تفتح صيدلة من طب بيطرى يكون فيها 30% ادوية بيطرية والباقى بشرى وممكن تفتح معمل تحاليل يعنى مجالات عملك كتيرة جدا

فبقولكم ياريت تبص للكلية بنظرة تفاؤل وياريت الناس تقرا عن مجالات الكلية فعلا هتحب الكلية

حاجة اخيرة اى حد يتكلم معاك و يقولك دى كلية ................. اتكلم معاه عن مجالات الكلية قله دا انا ممكن افتح صيدلية واو افتح معمل تحاليل او اشتغل فى القوات المسلحة او اشتغل فى الطب الشرعى او اشتغل فى الموانى او المزارع او الحجر الصحى وانت هتلاقيه اتسمر ومقدرش يتكلم معاك


اسف فعلا على الاطالة بس فعلا عايز افيد الناس

[aia ahmed]

جزاك الله خيرا علي الافاده وربنا يكرمك ان شاء الله
والصراحه الواحد لو مشي ورا كلام الناس مش حيخلص لدرجه اني بعد ما اقتنعت بالكليه خلاص ورضيت بيها الناس جات تكرهنى فيها بس الحمدالله ماعرفوش ياثروا فيا
وربنا يكرمنا كلنا ان شاء الله

[النانو تكنولوجى]

شكرا جدا لحضرتك

[Dr\memo]

بص يا دكتور عايزك تكون متاكد مليون فى المية ان ربنا اختارلك افضل شىء لانك مقصرتش فى حاجة وعملت اللى عليك ويمكن اكتر والحكاية اللى حضرتك قلتها تشبه جدا حكايتى مع الكلية ويمكن ده سناريو ناس كتير دخلت الكلية وربنا كرمها اخر كرم وبعد ماكانوا مش مقتنعين بالكلية بقوا بيعشقوها وحضرتك ان شاء الله هتكون واحد من الناس دى وافتكر كلامى ده كويس

[Dr.abo ali]

المشاركة الأصلية كتبت بواسطة aia ahmed

جزاك الله خيرا علي الافاده وربنا يكرمك ان شاء الله
والصراحه الواحد لو مشي ورا كلام الناس مش حيخلص لدرجه اني بعد ما اقتنعت بالكليه خلاص ورضيت بيها الناس جات تكرهنى فيها بس الحمدالله ماعرفوش ياثروا فيا
وربنا يكرمنا كلنا ان شاء الله

جزانا واياكى كل خير ويارب يوفقك ويكرمك فى الكلية يا رب

فعلا احنا لازم ناخد حذرنا من النقطة دى لان كلام الناس كتير وكل واحد عايز مصلحته وبس والمشكلة تلاقى اللى بيتكلم معاك ويشتم فى الكلية داخل تجارة اواداب او كليات اقل من كليتنا يعنى هو بيتكلم ومش طايل الكلية اصلا وده بيكون حقد فربنا يرحمنا ويهدينا للحق يا رب

[Dr.abo ali]

المشاركة الأصلية كتبت بواسطة النانو تكنولوجى

شكرا جدا لحضرتك

العفو لا شكر على واجب دا واجب عليا انى افيد الناس باللى اعرفه حتى وان كان قليل

شكرا على مرورك

[Dr.abo ali]

المشاركة الأصلية كتبت بواسطة dr\memo

بص يا دكتور عايزك تكون متاكد مليون فى المية ان ربنا اختارلك افضل شىء لانك مقصرتش فى حاجة وعملت اللى عليك ويمكن اكتر والحكاية اللى حضرتك قلتها تشبه جدا حكايتى مع الكلية ويمكن ده سناريو ناس كتير دخلت الكلية وربنا كرمها اخر كرم وبعد ماكانوا مش مقتنعين بالكلية بقوا بيعشقوها وحضرتك ان شاء الله هتكون واحد من الناس دى وافتكر كلامى ده كويس

الحمد لله انا راضى جدا بقدر ربنا والمرحلة دى الحمد لله عديتها من زمان وانا مقتنع تماما ان ربنا اختار لى الافضل وجزاك الله كل خير على مرورك

ووفقنا الله واياك لما يحبه ويرضاه

[nono younis]

انا شخصيا لما حد بيستفزنى بالكلام زى دكتورة ........ و كلام من دا بتعامل معاه بمنطق :
و ان كلمك السفيه فلا تجبه فخير من اجابته السكوت
فان كلمته فرجت عنه و ان خليته كمدا يموت
و بعدين انا مقتنعه بالكليه جدا جدا يبقى مايهمنيش كلام حد
happy to be vet

[نتعي ابراهيم]

[قصة تحكي واقعا ملموسا تدل علي الرضا بماقسمه الله واضيف ابنتي حصلت علي مجموع 95.7% وكان نصيبها في الطب البيطري دخلت وكانت أدني درجات تفكيرها هو الطب البيطري لايمنع أن هذا سبب لها بعض المتاعب في بداية الأمر وهي في الفرقة الأولي الآن هي ليست مقتنعة سوي بالطب البيطري ولم تشعر للحظة واحدة أنها ظلمت وتسعي جاهدة لبذل أقصي ماعندها من أجل حصد أعلي الدرجات دعواتي القلبية لها بالتوفيق