إعلان للمرحلة الخامسة من مراحل تجميع شهادات الـ icdl

[mikeadam]

كنت فى الاكاديمية اليوم 19/7/2010 ومكتوب اعلان
تم تمديد المدة اللازمة لاستلام ال icdl او افادة او شهادة حتى 29/7/2010
موضوعال icdl ارسلت به عدة اشارات وطلب منذ اكثر من عام ونصف ولا ادرى لماذا التهاون فيه فالحالات كالتالى

1- الذين انتظروا المنحة باماكنها المختلفة
2- الذين اخذوها على حسابهم private وانا منهم
3- الذين بعد طول انتظار اضطروا لاخذها على حسابهم
4- المعطلين حتى الان بسبب عدم وجود مراكز والبعض منهم هم من تسببوا لانفسهم فى هذا التأخير واعرف منهم اصدقاء لى لكنهم قليلون
5- المتكاسلين حتى الان وايضا هؤلاء موجودين
فأرجو ان يوفقنا الله جميعا

[miss math2010]

إعلان للمرحلة الخامسة من مراحل تجميع شهادات الـ ICDL
بدأت المرحلة الخامسة من مراحل تجميع شهادات الـ ICDL في يوم الأحد 18 / 7 / 2010 وحتى الخميس 29/7/2010.
والأكاديمية المهنية للمعلمين تهيب بالمعلمين المساعدين الذي اجتازوا امتحانات 20/11/2009 سرعة التقدم بهذه الشهادات بمجرد الحصول عليها ، كل حسب فرع الأكاديمية التابع له.
وإذا كانت الأكاديمية تؤكد على وجود مراحل أخرى تالية لتجميع هذه الشهادات ، إلا أنها تؤكد أيضاً على أهمية الإسراع في الحصول على هذه الشهادة ؛ لأن التعيين في وظيفة معلم سيكون على أكثر من مرحلة في ضوء استكمال الملفات.
http://academy.moe.gov.eg/

السؤال هنا بقا لازم الشهادة ولا الافادة تنفع؟؟؟؟؟

[أ/محمد على عاشور]

تمام الموضوع بقي رسمى الاعلان على الموقع مكتوب تعيين
مكتوب تانى من خلال فهمى الن موضوع التقديم مفتوح جداااا
الشهادات 3 انواع
افادة ب اربعة
افادة ب 7
الشهادة الاصلية
التثبيت على مراحل على حسب استكمال الاوراق
يعنى التثبيت دفعة دفعة ......................

[مستر طه أبوسمرة]

بارك الله فيك
انت كده جبت من الآخر

شكرا جزيلا على الخبر الموثق

[miss math2010]

مهو التقديم مفتوح لمدة سنة والتعيين هيكون على مراحل والمرة دى لا خبر فى جرايد ولا موقع
ده موقع الاكاديميه اللى اول مرة تعلن عن ميعاد لشهادات ال icdl

[mhegazi]

جزاك الله كل خير اخي الكريم
انا قدمت افادة بسبع موديولات بس مختومة من المركز اللي كنت بدرس فيه وما كانش عايز ياخدها بس قالي حنعتبرها كأنها سكيل كارد يفيد بأني بدرس في الاي سي دي ال
وبعديها بشهرين عت صورة للشهادة بس الواحد مش بيثق فيهم ممكن يضيعوا الورق واحنا ما نعرفش
وبعتلهم رسالة وماحدش بيرد

[miss math2010]

انا زميلة مش زميل
وع العموم مش مهم المهم اننا ربنا يكرمنا جميعا ويوفقنا فى حياتنا الاجتماعيه والمهنيه قادر يا كريم

[ام مرام]

جزاك الله كل الخير

[مدحت52]

اظن يا اخونا الموضوع بقى رسمي محدش يقول هيمدوا تاني
اكيد في مراحل تانية بس بتهيالي ان التعيين في اغسطس سيقتصر على المراحل من الاولي للخامسة
وده معناه ان القرار ممكن يصدر في نهاية اغسطس او حتى اول ستمبر

[mena gerges123456]

يعني في مراحل جاية كتير


بس التثبيت والتعين جاي علي مراحل صح ؟

[تامر سرواح]

يامسهل يارب

[miss math2010]

اكيد هيكون فى مراحل على مدار السنة فترة تجديد العقد الاهم ان ميكونش فى كسل او تكاسل
واخواتنا يهتموا شوية ويحسوا ان الموضوع بجد مش هزار

[vip_ame]

انا انهاردة كنت فى الاكاديمية بالاسماعيلية
وشفت الكشف اللى فيه الاسماء وشفت اسمى وان ورقى كامل

والموظف اللى هناك صراحة قمة فى الاحترام والذوق وقاللى ان بالفعل الاسماء راحت مصر على مراحل وان اسمى راح فى اول الاسماء اللى سافرت وان هما دلقوت مستنيين قرار الوزير باعطاء التراخيص لنا وان بعد الوزير ما يمضى القرار هاتتبعت الاسماء على المديريات والادارات لتنفيذ القرار

وقالنا لو نعرف اى حد لسه ما قدمش الاى سى دي ال يروح بسرعة علشان ممكن يلحق يكون فى القرار بتاعنا

وانا على فكرة مقدم افادة بالسبع موديولات

[محمدطعيمة]

نشكر الزميلة المحترمة علي نقلها النافع والمفيد
ونعتقد أن الأمور اتضحت جدا ولا داعي للتشكيك
أو التأويل أو التخيل أو كتابة موضوعات تحوي مثل هذه الأوهام
من اجتاز كادر 20/11/2009 في كل المكونات
ثم قدم شهادة أو إفادة لحد يوم 29/7/2010
مبارك عليه ومش محتاجة كلام
وبالتوفيق للجميع إن شاء الله
والتمنيات لمن لم يمتحن بعد أو يحصل علي الشهادة (i.c.d.l) وبالتوفيق والسداد

[مدحت52]

يا اخونا معظم اللي لسة مخلصوش الموضوع معاهم كسل مش اكتر
انا اعرف اكتر من 10 من اصحابي كل ما اتصل بيهم ابشرهم بالتعين
يقولولي بالحرف لو في تعين هيكون للكل ومش مبطلين اشاعات عن
الغاء الاي سي دي ال

اعتقد عند صدور قرار التعيين سيكونوا اول النادمين والخبر الموجود
دلوقتي على موقع الاكاديمية بيقول ان التعيين هيبقى على مراحل
دا حتى الحكومة اللي يومها بسنه زهقت منهم

وبصراحة يستاهلوا لما يتاخرو شهرين تلاتة ودي مش شماتة
بس لان هما اللي عملوا كده في نفسهم ودا اقل عقاب انهم
يبتدوا العام الدراسي متعاقدين وزمايلهم اللي دخلوا معاهم الامتحان
اساسيين