بعد اذنكم فيدوني

[روتانا محمود]

يا جماة بعد اذنكم كنت عاوزة اعرف معلومات ع اكادمية اخبار اليوم ف الهندسة والحاسبات والمعلومات مصاريف ومواد ونظام الاكادمية وياتري الافضل اكادمية ولا معهد العاشر من رمضان بس بجد متنفضوليش بعد اذنكم بجد يعني

[XxScarnetxX]

بصي يا ستي أكاديمية أخبار اليوم في واحد صحبي فيها بيقول هي كتعليم مش بطالة بس هي مملة شوية أقسام هندسة فيها
1- هندسة و تكنولوجيا طباعة
2- هندسة صناعية
3- مجاترونكس
4- إتصالات
5- كنترول
الواد بتبقى ثابتة تقريبا زي أي هندسة لأنها واخدة معادلة متختلفش غير المواد الإنسانية
المصاريف في حدود 11 ألف فيها باص بس معرفش بكام
المقارنة بينها و بين معهد العاشر مش موجودة حتى من حيث الهندسة معهد العاشر حاجة تانية لوحده بس الواحد بيطلع فيه عين أمه و بيضيع منه سنة من عمره على الأقل
و مصاريف معهد العاشر هو credit hour و بتتحسبو بالunit و الunit ب125 بس البيعمل خصم لو المادة كذا unit

بالنسبة لحاسبات هو قسم لسه جديد هناك و بعديين الي أعرفه أنوا ناقص معيديين بس مش متأكد و مصاريفه حوالي 9000
بالنسبة لهو ولا معهد العاشر ولا واحد فيهم لو عايزة تخشي حاسبات خشي مودرن أحسن و أقدم من الأتنين
http://www.akhbaracademy.edu.eg/
http://www.hti.edu.eg/
أنا بقى عندي سؤال هو أنت أسمك روتانا بجد xD

[روتانا محمود]

ههههههههههههههه اولا ثانكس انك رديت عليا بس يعني انا بحاول ادور ع حاجة تعليمها كويس ويكون فيها باص عشان ميبقاش ف بهدلة مواصلات ولا سواقة منعا للحوادث الي اعرفه ان مودرن مفيهاش باص وكنت سمعت ع اخبار اليوم بس مكنتش اعرف نظام تعليمها ايه وسمعت بردو عن الشروق ومعهد العاشر ومعهد الكمار عرفت ان اخبار اليوم والعاشر والكمار والشروق هما اللي ليهم باصات بس المشكلة بقي بردو ف الاقسام انا كنت عاوزة يا هندسة معمارية يا حاسبات لو ليك راي معين ف اكادمية من اللي قلتهم ياريت تقولي


اما بلنسبة للاسم فهو اسمي الحقيقي بس مش روتانا سينما ولا زمان
معني الاسم ع فكرة اجود اناوع التمور يعني بتاكلوني ف رمضان ع الفطار ومبتكلمش

[XxScarnetxX]

هو أولا مودرن فيها باص أنا في مودرن من سنة و برجع كل يوم في الباص P:
أخبار اليوم مفيهاش عمارة من أصله
معهد الكمار أنا ليا صحاب في عيلة الكمار و هو معهد سبهللة و صحبي مع أنه بتاع عمه و هينجح هينجح و إحتمال يبقى معيد كمان راح مودرن (أنا مش بنصح بمودرن في الهندسة لإنها برده مش كويسة)
يبقى مفاضلش غير معهد العاشر و الشروق
معهد العاشر كتعليم أحسن من عين شمس نفسها و بهدلة برده أكتر من عين شمس نفسها بس الواحد بيطلع مهندس صح بس للأسف الباص فيها مش بيجي لحد باب البيت زي الناس التانية هو بيستنى لسكان كل منطقة في حتة معينة يعني أنا مثلا ساكن في مدينة نصر في الحي الثامن عشان أركب الباص لازم أركب للزهراء أو مكرم الأول
أخيرا أكاديمية الشروق بيقولوا برضه كويسة و سمعتها حلوة و بتاخد من مجموع محترم 85% في دفعتي و المعاملة فيها مش أكاديمية خاصة نهائي حتى أشكال الناس فيها مش أشكال ناس في أكاديمية خاصة D:
الخلاصة أنا بنصح بمهد العاشر في الهندسة و مودرن في CS
على فكرة أنا عجبني الenglish بتاعك عشان كاتبة thanks بال ث في ناس بتكتبها بال س بيبقى شكلها بلدي أوي

[العميل السرى]

عندك اكاديمية العبور للهندسة معرفش لية باص ولا لا بس مواصلاتة شغالة كويس