يا ترى ايه رأيكوا

[Mr.Nashaat Elhamaki]

بعد السلام عليكم

بعد ما قرأت امتحانات المحافظات لهذا العام
تالته اعدادى انجليزى
على سبيل المثال لا الحصر
سؤال التوصيل فى الاسماعليه
والاختيار الاخير فى الغربيه
ومعرفش ايه فى الاسكندريه وايه فى البحيره و .....
لقيت حاجه غريبه
تقريبا لا يخلو امتحان من افتكاسه من افتكاسات الامتحانات
شويه تلاقى خطأ قواعد
او خطأ فى المعنى العام للجمله
او حتى خطأ فى فنيات الامتحان
واخيرا
ودا متكرر
ان مثلا يسب كل قواعد الترم الاول ويسأل فى قواعد الترم التانى
والحجه اصل الطالب درس الكلام ده العام الماضى
طب يعنى الى حطوا المنهج مش عارفين كده

ولا مثلا يسأل فى قاعده فى تالته اعدادى بس بطريقة الثانويه
ولما نتكلم يقولوا اصل دى للطالب الذكى
طب لو الذكى معرفش يحلها يتعقد ولا ينتحر

ناهيك بقى عن الاخطاء فى وضع الامتحان نفسه
يعنى يسأل عن قاعده واحده 3 ولا 4 مرات ويسيب قواعد تانيه كتير المفروض يسأل عنها

و ............ و ..................... و ............

حتى الخطأ اللى بينكتب يفسرهولك بخطأ أكبر
او مثلا يقولك لا دى القاعده دى صحيحه بدليل فى كتاب تالته ثانوى فى جمله بتقول كذا
طب ياسيدى شكرا ع المعلومه بس طالب تالته اعدادى شاف الكلام ده ولا درسه

لا حول ولا قوة الا بالله

كأنه مثلا اكتشف السر الى محدش عارفه سبحان الله

اه نسيت ممكن يقولك اصل احنا بنحارب بتوع الدروس الخصوصيه يا سلام شفت طيبة القلب
ياسيدى ابن الوزير بياخد دروس خصوصيه وبعدين انت كده بتحارب الطلبه نفسها واولياء الامور مش الدروس
والله اعلم

معلش طولت عليكوا اصلى بجد زعلان على الطلبه الى نفسها تطلع الاول فى كل المحافظات وبعدين تلاقى افتكاسه من الافتكاسات بتاع الامتحانات ضيعتوا


ايه رأيكم فى الموضوع ده !!!!!!!!!!!!!!!!!!!!!!!!

ربنا يهدينا واياكم للطريق المستقيم

[ziyad ashraf]

الله عيلك يا مستر والله اصبت الهدف وخلصت الكلام وربنا يهديهم على ولادنا يا سيدى

[Mr...Ahmed]

قيادات التربية والتعليم من اول المستشارين واضعى المناهج لحد الموجهين واضعى الامتحانات عاوزين ينضربو بالنار اصلا .. بيحطو مناهج عقيمة وغبية وبعدين يجيبو الامتحان خارجى زى مانت قلت مرة من الترم التانى فعلا ومرة كلمات من خارج المنهج يمكن ف اولى ثانوى زى ما حصل ف محافظة لا اتذكر اسمها
حاجة تنقط يعنى