زى شكة الدبوس

[CrazY Bo$S]

السلام عليكم

• أسهل حاجه فى الدنيا إنك تجرح حد أو تهينه، كدا..بمنتهى البساطه، وكأنها " شَكِة البوس"، وبغض النظر عن ان حتى شكة الدبوس ممكن توجع ناس كتييير أوى
• إلا إن كل المطلوب منك علشان تنفذ المهمه وتنجح فيها إنك تسد ودانك علشان ما تسمعش بتؤول إيه وكمان تغمض عينيك علشان ما تشوف علامات الألم إللى سببتها كلماتك أو تصرفاتك مرسومه على وش إللى جرحته.ناس كتير عندهم قدره عجيبه على الإهانه والجرح من غير ما ياخدوا بالهم ولا يحسوا بيه وكأن دا شئ عادى من مكونات شخصياتهم...طبيعى أوى، أشخاص ممكن نوصفهم ب"معدومى الإحساس"، ودا غالباً بيكون تجاه الآخرين بس، أما فيما يتعلق بيهم فبيكونوا فى منتهى الإحساس ب "الأنا" إللى بتكون عاليه جداً عندهم وما يتحملوا كلمه من حد. غريبه أوى الحكايه دى!!! لأن المفروض زى ما بتحب ان مفيش حد يجرحك لازم انت كمان تحاسب على كلامك وتصرفاتك وما تجرح حد.بإختصار "يكون عندك إحساس حى" .
• بحاول دايماً أتخيل نفوس الناس إللى بتعامل معاهم على إنها "أوَّده ضلمه" مقفوله ومحدش عارف فيها إيه؟! جايز ناس نايميين على الأرض أو على السراير، جايز حاجات قابله للكسر أو حتى مكسوره...جايز حاجات غاليه يتخاف عليها، ومادام الأشخاص دول سمحولك تتعامل معاهم وتكلمهم يبآ سمحولك تدخل أوَّدهم الضلمه، خُد بالك بآ وإنت داخل وحاسب على كل خطوه وحركه؛ ممكن تدوس على إيد ولا رِجل حد نايم ولا حتى تدوس فى بطنه بمنتهى القوه والقسوه بحجِة ان الدنيا ضلمه ومنتش شايف، ممكن تكسر حاجه غاليه أو تدوس على حاجه مكسوره وتزيد تحطيمها وممكن إنت كمان تنجرح بيها. يبآ لازم "إحساسك الحى" دا يكون منَوَّر جواك علشان يقودك جواهم وتشوف طريقك كويس فى أى أوده ضلمه
• .شُفت "بنى آدمين" بيتصرفوا بمنتهى الغباوه وقلة الذوق، بيتكلموا وخلاص من غير ما يراعوا شعور أى حد، بيخبطوا فى الكلام يعنى،بالبلدى كدا "مدبات" وبيحدفوا كلام زى الطوب، وتلاقيهم عادىىىىىى ولا كأنهم عملوا حاجه،وإللى يغيظك أكتر هو البرود فى رد الفعل ويمكن الضحك كمان، تبآ مش عارف تطبطب على المجروح ولا تضرب إللى جرحه بالقلم أو حتى تعضه ويبقى حلال فيه.بتصادف تبآ قاعد مع ناس وتلاقى حد فيهم قال حاجه تبوظ القعده والموقف كله، وممكن تكون يا دوب "كلمه" من تلات أربع حروف ...بس قاتله، وممكن تكون فى منتهى منتهى البساطه...بس إللى اتقالتله فعلاً أثرت فيه وجرحته؛مش عارف أقولكم أمثله أو بمعنى أدق خايف أقولكم أمثله لحسن تقولوا عليها هايف...بس والله فعلاً بتجرح، مثلاً..ممكن حد يقول لحد "انت تخنت كدا ليه؟" أظن دى كلمه عادى، بس ممكن تكون مهينه وجارحه للشخص، حد يقولك "انت النهارده خارج مبهدل أوى" ،"إنت بتعتبر شغلك دا شغل ولا فاكر نفسك بتتعب؟" ،"إنت بنى آدم ملكش لازمه"....حاجات ممكن بسمعها من ناس لناس لكن بتجرحنى وتألمنى أنا، وكأنها اتقالت لى.مش متخيل اننا ممكن نخسر بعض على "كلمه" ،مع ان الكلمه هى كل حاجه، سيدنا محمد عليه الصلاة والسلام بيقول " وهل يكب الناس على وجوههم فى النار يوم القيامه إلا حصائد ألسنتهم"،
• ممكن تقول "كلمه" تجرحنى وعمرى فى حياتى ما أسامحك عليها، تفضل مآرقانى طول العُمر وكأنها جبل على كتفى. الإنسان = كلمه؛ كلمه تجيبه وكلمه توديه، كلمه ترفعه وكلمه تنزله، أرسطو لما كان ييجيله تلميذ جديد كان بيؤوله "تكلم حتى أراك" ، كل حرف بيخرج من بؤك بيؤول إنت مين وبتفكر وتحس إزاى، زى الحكمه العربيه ما بتؤول :" المرء مخبوء تحت لسانه،فإذا تحدث ظهر"....خد بالك من لسانك.عارفين أنا بكتب الكلام دا وبشارككم معايا فيه ليه؟..علشان فعلاً حاسس بتأنيب ضمير فظيع بشع؛ورغم الإعتذار إلا إنى فعلاً مش عارف أكفر عن ذنبى، عمرى ما غلطت فى حد؛ حتى الجماد والحيوان لو مسيته بأذى غصب عنى وغير مقصود كنت بعتذرله وكان غلطى فى حقه بيألمنى ومع كدا جرحت "بشر"..أظطرتنى الظروف لكدا –عُذر أقبح من ذنب-
• ؛ كان فى حد "متعود" إنه مش يسيب حد فى حاله، كل حاجه ينقدها بإسلوب مقزز ومهين فعلاً، تريقه وسخريه ولا على باله خالص أى إصابات ممكن يسببها، صادف إنى كنت موجوده وهو بيوجه كلمه جارحه لحد، ولأول مره ما أعرفش أمسك نفسى...اتكلمت...مش عارفه الكام كلمه دول خرجوا إزاى؟؟!!! بس كنت حاسه انه يستاهلهم وزى ما بيهين لازم يجرب يتهان، كام كلمه فى منتهى البساطه ووالله العظيم بردوا معاهم شوية لطف وذوق، بس قاموا بالواجب وعملوا المطلوب منهم، والشخص دا كأنه بلع لسانه، إديته درس، بس أنا أخدت الدرس الأكبر، عرفت انك علشان تكون حد قاسى عديم الاحساس شئ سهل جداً ومش محتاج أى مجهود، بس علشان تحافظ على نفسك طول العُمر كلك إحساس بإللى حواليك ومراعاه لشعورهم...هو دا فعلاً إللى بيحتاج أكبر مجهود وسيطره على النفسأنا آسف..
• .قلتها بس ماريحتني، توبه يا رب، والله حرمت أعملها، حرمت أحط إحساسى على جنب لحد ما أخلص مهمه معينه وأرجعله تانى،حرمت أفكر بطريقة "زى شكة الدبوس"
• ،الدبوس ممكن يخربش ويألم وكمان ممكن يكون ملوث ويسمم ويقتل...مع إنه "مجرد دبوس" بس قام بدور أكبر من الخنجر. فى حاجه كمان لو تسمحولى...الإهانه والجرح صحيح ممكن يكونوا بكلمه أو بتصرُف والأكتر من كدا انهم ممكن يكونوا ب"التجاهل والإهمال"،وبيتهيألى دا ممكن يكون أقسى أنواع الإهانه والجرح...إنك ما تاخدش بالك من حد بيهتم بيك أوى، عاملك "شغله الشاغل"، بيفكر فيك أكتر ما بيفكر فى نفسه، ومع ذلك كل إللى شاغلك "أنا" بكل أنانيتها ونرجسيتها، إهتمام إللى حواليك بيك دا "حق طبيعى لك" ولو حصل وقل مره يبآ فى حاجه غلط وتتهمهم بالتقصير، إنت اتعودت على اهتمام شخص معين بيك لكن هو أكيد مش عارف يعود نفسه على "تجاهلك ليه"،
• كل حاجه لازم يكون لها مقابل،لو فضلت طول عمرك "تصرف" مشاعرك وتبعزأها على إللى حواليك من غير مقابل ومن غير "إستثمار" ليها يخلى دايماً عندك فائض أو على الأقل ثبات فى رأس المال، أكيد هييجى يوم "تشهِر فيه إفلاسك من المشاعر"، وفاقد الشئ لا يُعطيه، إزاى هتعرف تحب وتهتم وانت ما عندك الرصيد الكفايه إللى يسمحلك تصرف من بنك مشاعرك المفلس؟؟!!. أقسى أنواع الإهانه إنك "تتجاهل" مشاعر ناس بتحبك وبتفكر فيك بجد...فتح عينيك وفتح قلبك وعقلك ومشاعرك، بدل ما تجرح حد وتخسره وتفضل بقيت عمرك ندمان، ولو فكرت ترجع إللى راح وتروحله هتلاقيه مفلس ومعدش عنده حاجه يديهالك..إوعى ساعتها تعتبرها اهانه أو جرح ؛ لأنك إنت إللى بدأت، والبادئ بالظلم هو الأظلم
• .آسف...لأى حد وأى شئ جرحته أو أهانته بغير قصد أو تعمُد...والله العظيم آسف بجد...سامحنى.
• رسالة وصتلتى

[Mezooo]

وقال ايه
بيقولوا زى شكة الدبوس !!

[am_online5]

اهم حاجة شكة الدبوس
هههههه
موضوع جميل جدا قيم جدا معروض بشكل جميل جدا
جزالك الله كل خير علي مشاركتك الجميلة

[سيف حسام دراج]

شكرا لك على الموضوع


والموضوع جميل جدا


وجزاك الله كل خيرا

[mR . mOstafa Fathi]

ممكن تقول "كلمه" تجرحنى وعمرى فى حياتى ما أسامحك عليها، تفضل مآرقانى طول العُمر وكأنها جبل على كتفى. الإنسان = كلمه؛ كلمه تجيبه وكلمه توديه، كلمه ترفعه وكلمه تنزله، أرسطو لما كان ييجيله تلميذ جديد كان بيؤوله "تكلم حتى أراك" ، كل حرف بيخرج من بؤك بيؤول إنت مين وبتفكر وتحس إزاى، زى الحكمه العربيه ما بتؤول :"

اصعب بكتير منها


تسلم يا احمد

[nada hosam]

موضوع جميل جدا
فى ناس كتير مبتحسش هى بتقول ايه
وعادى بالنسبه لهم وكانهم معملوش حاجه

جربنا الحكايه دى كتير اتعملت فينا ولما نزعل يقولوا منقصدش

على العموم جزاك الله كل خير

[sweeteie]

المشاركة الأصلية كتبت بواسطة crazy bo$s

السلام عليكم
وعليكم السلام

• أسهل حاجه فى الدنيا إنك تجرح حد أو تهينه، كدا..بمنتهى البساطه، وكأنها " شَكِة البوس"، وبغض النظر عن ان حتى شكة الدبوس ممكن توجع ناس كتييير أوى
• إلا إن كل المطلوب منك علشان تنفذ المهمه وتنجح فيها إنك تسد ودانك علشان ما تسمعش بتؤول إيه وكمان تغمض عينيك علشان ما تشوف علامات الألم إللى سببتها كلماتك أو تصرفاتك مرسومه على وش إللى جرحته.ناس كتير عندهم قدره عجيبه على الإهانه والجرح من غير ما ياخدوا بالهم ولا يحسوا بيه وكأن دا شئ عادى من مكونات شخصياتهم...طبيعى أوى، أشخاص ممكن نوصفهم ب"معدومى الإحساس"، ودا غالباً بيكون تجاه الآخرين بس، أما فيما يتعلق بيهم فبيكونوا فى منتهى الإحساس ب "الأنا" إللى بتكون عاليه جداً عندهم وما يتحملوا كلمه من حد. غريبه أوى الحكايه دى!!! لأن المفروض زى ما بتحب ان مفيش حد يجرحك لازم انت كمان تحاسب على كلامك وتصرفاتك وما تجرح حد.بإختصار "يكون عندك إحساس حى" .
• كلام بجد انا مقدرش اقول عليه حاجة عندك حق ف كل كلمة
• الناس دول دايما بتبقى قلوبهم مليانه حقد ع كل اللي حواليهم حاسين ان هما اقل منهم ومتخيلين انهم بااهانتهم دي بيقللو منهم وده غلط طبعا
• انا شوفت من الناس دي كتيييييييير
• واتجرحت منهم اكتر واكتر وناس منهم وجودها مفروض عليا وبحاول ع اد ماقدر انتي اتعايش معاهم
• ممكن نكون احنا كده بردو بس مش حاسين بنفسنا
• وحاسة اكبر حل لكده اننا نواجه غيرنا بعد مانواجه نفسنا
• بالنسبة لحته الاحساس الحي دي اعتقد ان صعب نلاقيها ف الدنيا دي
• ك واحد احساسه حي ع نفسه وبس
• حاسس انه ملك الكون
• بحاول دايماً أتخيل نفوس الناس إللى بتعامل معاهم على إنها "أوَّده ضلمه" مقفوله ومحدش عارف فيها إيه؟! جايز ناس نايميين على الأرض أو على السراير، جايز حاجات قابله للكسر أو حتى مكسوره...جايز حاجات غاليه يتخاف عليها، ومادام الأشخاص دول سمحولك تتعامل معاهم وتكلمهم يبآ سمحولك تدخل أوَّدهم الضلمه، خُد بالك بآ وإنت داخل وحاسب على كل خطوه وحركه؛ ممكن تدوس على إيد ولا رِجل حد نايم ولا حتى تدوس فى بطنه بمنتهى القوه والقسوه بحجِة ان الدنيا ضلمه ومنتش شايف، ممكن تكسر حاجه غاليه أو تدوس على حاجه مكسوره وتزيد تحطيمها وممكن إنت كمان تنجرح بيها. يبآ لازم "إحساسك الحى" دا يكون منَوَّر جواك علشان يقودك جواهم وتشوف طريقك كويس فى أى أوده ضلمه
• تشبيه اكتر من رائع
• جميل بجد انا حاسة اني عاجزة اني ارد ع الموضوع ده
• بس بجد حاساه موت
• .شُفت "بنى آدمين" بيتصرفوا بمنتهى الغباوه وقلة الذوق، بيتكلموا وخلاص من غير ما يراعوا شعور أى حد، بيخبطوا فى الكلام يعنى،بالبلدى كدا "مدبات" وبيحدفوا كلام زى الطوب، وتلاقيهم عادىىىىىى ولا كأنهم عملوا حاجه،وإللى يغيظك أكتر هو البرود فى رد الفعل ويمكن الضحك كمان، تبآ مش عارف تطبطب على المجروح ولا تضرب إللى جرحه بالقلم أو حتى تعضه ويبقى حلال فيه
• في ناس اساسا بتتباهى اساسا بجرح الناس
• وفي ناس بتتنافس مين يجرح اكتر ومين الاصعب
• نسيو كلام رسولنا (المسلم من سلم المسلمون من لسانه ويده)
• والمشكلة انهم اكتر ناس بيحسو وبيتأثرو بااقل كلمة ويخاصمو ويقاطعو
• ولما حد يفكرهم باللي عملوه فيه يبقى قلبه اسود !!!
• .بتصادف تبآ قاعد مع ناس وتلاقى حد فيهم قال حاجه تبوظ القعده والموقف كله، وممكن تكون يا دوب "كلمه" من تلات أربع حروف ...بس قاتله، وممكن تكون فى منتهى منتهى البساطه...بس إللى اتقالتله فعلاً أثرت فيه وجرحته؛مش عارف أقولكم أمثله أو بمعنى أدق خايف أقولكم أمثله لحسن تقولوا عليها هايف...بس والله فعلاً بتجرح، مثلاً..ممكن حد يقول لحد "انت تخنت كدا ليه؟" أظن دى كلمه عادى، بس ممكن تكون مهينه وجارحه للشخص، حد يقولك "انت النهارده خارج مبهدل أوى" ،"إنت بتعتبر شغلك دا شغل ولا فاكر نفسك بتتعب؟" ،"إنت بنى آدم ملكش لازمه"....حاجات ممكن بسمعها من ناس لناس لكن بتجرحنى وتألمنى أنا، وكأنها اتقالت لى.مش متخيل اننا ممكن نخسر بعض على "كلمه" ،مع ان الكلمه هى كل حاجه، سيدنا محمد عليه الصلاة والسلام بيقول " وهل يكب الناس على وجوههم فى النار يوم القيامه إلا حصائد ألسنتهم"،
• لا تعليق
• بجد مفيش كلام يعبر
• ممكن تقول "كلمه" تجرحنى وعمرى فى حياتى ما أسامحك عليها، تفضل مآرقانى طول العُمر وكأنها جبل على كتفى. الإنسان = كلمه؛ كلمه تجيبه وكلمه توديه، كلمه ترفعه وكلمه تنزله، أرسطو لما كان ييجيله تلميذ جديد كان بيؤوله "تكلم حتى أراك" ، كل حرف بيخرج من بؤك بيؤول إنت مين وبتفكر وتحس إزاى، زى الحكمه العربيه ما بتؤول :" المرء مخبوء تحت لسانه،فإذا تحدث ظهر"....خد بالك من لسانك.عارفين أنا بكتب الكلام دا وبشارككم معايا فيه ليه؟..علشان فعلاً حاسس بتأنيب ضمير فظيع بشع؛ورغم الإعتذار إلا إنى فعلاً مش عارف أكفر عن ذنبى، عمرى ما غلطت فى حد؛ حتى الجماد والحيوان لو مسيته بأذى غصب عنى وغير مقصود كنت بعتذرله وكان غلطى فى حقه بيألمنى ومع كدا جرحت "بشر"..أظطرتنى الظروف لكدا –عُذر أقبح من ذنب-
• دي بقى الناس اللي عندها احساس حي
• كلمة مش مقصودة وف ظروف مش مقصوده وبردو تأنيب الضمير يشتغل
• المشكلة ان في ناس مهما حصل مش بتسامح
• وتبقى حاسس بتأنيب الضمير انك غلط اصلا وعذاب تاني انه لسة زعلان
• حاجة صعبة اوي
• ؛ كان فى حد "متعود" إنه مش يسيب حد فى حاله، كل حاجه ينقدها بإسلوب مقزز ومهين فعلاً، تريقه وسخريه ولا على باله خالص أى إصابات ممكن يسببها، صادف إنى كنت موجوده وهو بيوجه كلمه جارحه لحد، ولأول مره ما أعرفش أمسك نفسى...اتكلمت...مش عارفه الكام كلمه دول خرجوا إزاى؟؟!!! بس كنت حاسه انه يستاهلهم وزى ما بيهين لازم يجرب يتهان، كام كلمه فى منتهى البساطه ووالله العظيم بردوا معاهم شوية لطف وذوق، بس قاموا بالواجب وعملوا المطلوب منهم، والشخص دا كأنه بلع لسانه، إديته درس، بس أنا أخدت الدرس الأكبر، عرفت انك علشان تكون حد قاسى عديم الاحساس شئ سهل جداً ومش محتاج أى مجهود، بس علشان تحافظ على نفسك طول العُمر كلك إحساس بإللى حواليك ومراعاه لشعورهم...هو دا فعلاً إللى بيحتاج أكبر مجهود وسيطره على النفس أنا آسف..
• .قلتها بس ماريحتني، توبه يا رب، والله حرمت أعملها، حرمت أحط إحساسى على جنب لحد ما أخلص مهمه معينه وأرجعله تانى،حرمت أفكر بطريقة "زى شكة الدبوس"
• حلوة الحته دي بس انك تجرح الي جرحك حاجة بتريح اوي
• ممكن تتعبك من ناحية تانية (تأنيب الضمير)
• بس احساسك انك اتجرحت وانك ضعيف ومش قادر تاخد حقك اصعب بكتير
• احساسك انك تضحك ف وش حد وانت من جواك شايل منه وعارف انك مش هتسامحه العمر كده
• اكتر حاجة صعبه ومؤلمة
• انا في ناس جرحتني اتمنى ان يرجع بيا الزمن واردلها الجرح عشان محسش الاحساس الي عايشاه دلوقت
• ،الدبوس ممكن يخربش ويألم وكمان ممكن يكون ملوث ويسمم ويقتل...مع إنه "مجرد دبوس" بس قام بدور أكبر من الخنجر. فى حاجه كمان لو تسمحولى...الإهانه والجرح صحيح ممكن يكونوا بكلمه أو بتصرُف والأكتر من كدا انهم ممكن يكونوا ب"التجاهل والإهمال"،وبيتهيألى دا ممكن يكون أقسى أنواع الإهانه والجرح...إنك ما تاخدش بالك من حد بيهتم بيك أوى، عاملك "شغله الشاغل"، بيفكر فيك أكتر ما بيفكر فى نفسه، ومع ذلك كل إللى شاغلك "أنا" بكل أنانيتها ونرجسيتها، إهتمام إللى حواليك بيك دا "حق طبيعى لك" ولو حصل وقل مره يبآ فى حاجه غلط وتتهمهم بالتقصير، إنت اتعودت على اهتمام شخص معين بيك لكن هو أكيد مش عارف يعود نفسه على "تجاهلك ليه"،
• صح .. بس اكيد مسيره يجيله اليوم ويزهق منك ويسيبك وده يبقى اكبر عقاب ليك واكتر حاجة كويسة عملها
• ليه ... لانك متستحقش !!
• كل حاجه لازم يكون لها مقابل،لو فضلت طول عمرك "تصرف" مشاعرك وتبعزأها على إللى حواليك من غير مقابل ومن غير "إستثمار" ليها يخلى دايماً عندك فائض أو على الأقل ثبات فى رأس المال، أكيد هييجى يوم "تشهِر فيه إفلاسك من المشاعر"، وفاقد الشئ لا يُعطيه، إزاى هتعرف تحب وتهتم وانت ما عندك الرصيد الكفايه إللى يسمحلك تصرف من بنك مشاعرك المفلس؟؟!!. أقسى أنواع الإهانه إنك "تتجاهل" مشاعر ناس بتحبك وبتفكر فيك بجد...فتح عينيك وفتح قلبك وعقلك ومشاعرك، بدل ما تجرح حد وتخسره وتفضل بقيت عمرك ندمان، ولو فكرت ترجع إللى راح وتروحله هتلاقيه مفلس ومعدش عنده حاجه يديهالك..إوعى ساعتها تعتبرها اهانه أو جرح ؛ لأنك إنت إللى بدأت، والبادئ بالظلم هو الأظلم
• .آسف...لأى حد وأى شئ جرحته أو أهانته بغير قصد أو تعمُد...والله العظيم آسف بجد...سامحنى.
• رسالة وصتلتى

الموضوع ده بجد جالي ف وقته
جميل بكل ماتحمل الكلمة من معنى
ممكن يكون احسن موضوع قريته من ساعت مادخلت المنتدى
نشطته
ياريت بجد صاحبه يرجع
الواحد كل مايفكر ان المنتدى كان فيه اعضاء زي حضرتك كده ومشيو
بحس ان مش ليه لازمة وجودي هنا
ياريت بجد كل الناس دي ترجع واللي يعرفهم يقولهم
جزاك الله خيرا

[العاشقه الحزينه]

موضووووووووووع هايل موووووووووووووووت

جزاك الله خيرا ع وضعه

[لولو77]

بص المختصر المفيد لكل ده

"عامل الناس بم تحب ان يعاملوك"
وانا باختلف معاك فى حتة ان فاقد الشئ لا يعطيه
لالالا بالعكس انا لما اتحرم من حاجة بحاول انى ماحرمشى غيرى منها ابدا
ابدا ولك منى كل التحية والاحترام :bosyh9: :bosyh9:

[صوت الامة]

السلام عليكم
اية الحلاوة دى
بجد موضوع رائع
جزاك اللع خيرا واطعمك سمكاا وطيراا
بارك الله فيك
تقبل تحياتى

[CrazY Bo$S]

شكر الله لكم جميعا على حسن مروركم وإستفادتكم

ما شاء الله فى تجديد جامد جدا ف الاعضاء والمنتدى

[:: [ K A B B O W ] ::]

موضوع جاى فى معاده جدا والله
تسلم على الموضوع وطريقة عرضه الجميله جدا
جزاك الله خيرا

[lover rose]

بجدالموضوع عجبنى اوى ومعروض بشكل رائع
فعلا فى ناس بتقول كلام من غير ما تراعى احساس اللى قدامها
ولا تتخيل نتيجه الكلام بتاعها وانه هيجرح الناس
بس نعمل ايه ربنا يهدينا كلنا ويارب ابقى مجرحتش حد باى كلمه قبل كده
انا بجد لما حد يزعلنى اوى واتعصب ويبقى ليا رد فعل معين
بعدها بسال نفسى انا ضايقته بكلامى ولا ايه
ميرسى اوى على الموضوع الرائع

[*NODY*]

اسلوبك حلو اوى
والله اسهل حاجة بقت عند الناس انهم يجرحوا بعض
وكانهم فى منافسة
لأ دى مش منافسه ولا ده سباق
ده عدم احساس بالغير ولا مراعاة لشعورهم
دى بقت حاجة توجع القلب

[al_shaba7]

بجد موضوع لازم الواحد يخلي باله منه

ويحاول يجتنبه نهائيا

فعلا اشكرك اخي CrazY Bo$S

على التذكره الطيبه