قنبلة قنابل الكادر (لاخوكم محمد عاطف) أقروا واحكموا

[محمد عاطف 22]

طبعا



كلكم عارفين


ان


...............


امتحان الكادر لمدرسى الازهر بقة على الابواب
يوم الثلاثاء القادم بأذن الله

انا هقولكم خلاصة الكادر فى شوية جمل بسيطة اللى هيقراها هيرتاح ويريح
من خلال معاياشتى القصة داخل جدران أحد معاهد الازهر الشريف
تحديدا معهد الخادمية الازهرى بمحافظة كفرالشيخ
بدأت القصة

اولا:
بأن التربية والتعليم امتحنت
وبالتالى الازهر لازم ولابد يمتحن

ثانيا:
الكل مش عارف حاجة اللهم الا القليل (مش سخرية... انا بتكلم والله العظيم بجد)
مش عارف حاجة بمعنى ... انهم اصلا مش مصدقين انهم بعد العمر دة كلة هيمتحنوا
واللى زاد الطين بلة ...ان الموضوع كلة على النت
يبقى على طول وانتا مغمض تعرف ان مدرسين الازهر وقعوا فى حيص بيص
دة نت يابا وتسمع حاجات كتير
يعنى اية نت.... هنخش ازاى .... طيب نعملوا اية.... طيب نروحوا فين

ثالثا :
المتعاقدين كان لهم اليد الطولى فى الشرح والافادة والتوضيح
وطبعا ملهمش فى الكادر
أكيد لما يروحوا يشتروا من السوق أى حاجة (الراجل أكيد هيسألهم اذا كنت متعاقد ولا مثبت)
كمان لو مدرس لية واحد شباب قريبة بيعرف فى النت بيسألة فورا

رابعا :
خروج بيانات المعاهد بكامل عتادها للمناطق الازهرية
وتسليم المظاريف المغلقة بأكواد المعلمين والرقم القومى وكلمة السر

خامسا :
بدأ طبع الاستمارة الاولى (استمارة التعديل) لمن كانت بياناتة صحيحة او خاطئة
الموقع سمح بتعديل بعض البيانات والبعض( الاخر) فكان لابد من ارفاق مستند رسمى للمنطقة الازهرية مع استمارة التعديل
ومن لم يستلم مظروفة او كان بالمظروف خطأ فكأن الدنيا قد انقلبت
ثم ظهر مصطلح (اشمعنى انا مجليش)
واللى جالة بدأ يبص لزميلة اللى طبع الاستمارة ويسألة انتا طبعت فين وازاى

سادسا :
طبع الاستمارة التانية اللى عليها الصورة (لمن كانت بياناته صحيحة)
وبدأ الموقع بالفعل فى تعديل بعض البيانات والاخرى بقت كما هيا
على سبيل المثال ...
احدهم لم يأتى اسمه صحيح
والاخر تاريخ التعديل لم يعدل
الخ ....حتى لا اطيل

سابعا :
وركزوا معايا فى سابعا دى
الناس اللى مجلهومش بيانات هيمتحنوا فى شهر 5 او 8 ودة كلام نهائى من المشيخة (بلا نقاش)
واحد يقولى بياناتى غلط وجالى مظروف برضة فى شهر 5 او 8
واحد يقولى طيب انا طبعت استمارة التعديل ومطلعليش رقم جلوس برضة فى شهر 5 او 8
أذا الكلام واضح وصريح

ثامنا :
بدأت المرحلة قبل الاخيرة وهى طبع ارقام الجلوس واماكن اللجان
طبعا مدرسين المعهد الواحد متفرقين على المعاهد سواء بعيدة او قريبة
وبأت المناطق الازهرية ترسل أخطارات لشيوخ المعاهد بمن اصبح لة رقم جلوس ومن لم يحصل علية
يعنى كل معهد هيودى قائمتين للمنطقة
قائمة بأسماء من استخرجوا ارقام جلوس .... وقائمة بمن لم يستخرجوا وبالتالى هيمتحنوا فى شهر 5 او 8

تاسعا : هيكون الامتحان يوم الثلاثاء الموافق 10-2-2009 من 10 -1.30 لجميع التخصصات
ومن 10 - 12 لمحفظى القرأن الكريم والقرأت

عاشرا : الامتحان وعليكم خير..... ودى كانت قصة الكادر


وفى الختام بعض الاسئلة واجوبتها :
1 : مطلعليش مظروف ؟
2 : طلعتلى استمارة التعديل ولم اطبع رقم جلوس وقالى بياناتك خاطئة؟
3 : اسمى مرحش اصلا من معهدى فى الكشوف؟
4 : بياناتى فيها اخطاء كثيرة؟

والجواب للكل :: امتحانك فى شهر 5 او 8

1 : انا هاخد الدرجة (الاولى -التانية-التالتة) كمان شهر او شهرين او خمس شهور وطلعلى رقم جلوس امتحن؟
لا -أحسن متمتحنش واستن وامتحن مع الباقين فى 5 - 8

الكلام دة قالة وكيل الازهر النهاردة فى مؤتمر الفيديو كونفرانس على مستوى الجمهورية

هذا وان كان من تقصير فمنى ومن الشيطان

والله الموفق

اخوكم : محمد عاطف عبد الله ابو الخير

واللى عندة أى سوأل يسأل وانا بأذن الله هجاوبة