قولي الصراحة ومش هزعل ؟!

[SmSm Basha]

السلام عليكم .. ازيكم يا جماعة .. انا بقالي كتير الصراحة مش دخلت المنتدى و ممكن كتير مش يكون فاكرني بس عموما انا مش كنت بدخل علشان الامتحانات والدروس وكدا يعني .. يللا المهم يكون كله بخير

ندخل في الموضوع >>>

كتير يجي يسألك يقولك قولي رايك في الموضوع كذا .. و يقولك بس بالله عليك قولي الصراحة ومش هزعل !!
.. للاسف مش عارف لييه بحس الجمله دي مش صح لان انا كتير بردوا بقولها و بحس ان انا زعلت هو مش زعل اوي يعني بس بحس بجرح كدا في ساعتها لو الراي دا مثلا ضايقني او على عكس ال انا متوقعه و الاحساس دا بيكون شديد اوي اوي لما الواحد ال انت بتساله دا قالك على حاجة عمرك ما كنت متوقعها منه هو بيحبك اه و بيخاف على زعلك وكان ممكن مش يقولك على الراي دا بس انت قولتله قول الصراحة ومش هزعل ..
هل كلامي دا مظبوط؟!
اعتقد الجمله ال زيها بردوا ال بتقولك الحق ميزعلش ..
يا ريت اعرف رايكم هو فعلاً الحق والصراحة بيزعلوا وللا لا ؟!؟

و اسف لو كنت طولت عليكم