|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-02-2009, 04:08 PM
|
||||
|
||||
السياسة في مصر بين الترويض والتحوير
السلام عليكم ورحمة الله وبركاته ازيكم جميعا وحشتوني ( زي الدكتور البشبيشي ما بيقولنا  )نخش في الموضوع بقي في مصر في عندنا رجال سياسيين كتيييييييير اوي وبيفهموا اكتر من الوزراء في السياسة بس المفروض المفروض ان الوزير ايا كانت وزارته وتخصصه انه يكون سياسي بارع اولا لان مسئلة التخصص دي في مستشارين المفروض هيساعدوه انما السياسة دي شخصيه السياسة معروفه انها فن الترويض يعني مثلا الاب لما ابنه يكون متضايق جدا ممكن يجي يطبطب عليه يفهم منه ايه مشكلته وهنا يبقي الاب كسب ابنه وعرف يروضه علي عكس لما يلاقي ابنه متضايق ويروح هو كمان شاخط فيه عشان مغسلش رجليه مثلا هنا الاب مش سياسي خالص وخسر موقف كان ممكن يقربه من ابنه الوزراء عندنا للاسف مفيش حد فيهم سياسي طيب لما يبقي كل الوزراء مش سياسيين طبيعي انهم هيخسروا الشعب ودا هيترتب عليه بلاوس متلتله ممكن الشعب يعملها بس المفروض انهم عليهم رقابه من الناس اللي فوقيهم رئيس الوزراء يعني نلاقي ان رئيس الوزراء هو كمان مش سياسي خالص طيب رئيس الوزراء مش سياسي يبقي المفروض ان رئيس الجمهوريه هو اللي يكون سياسي وهنا بقي المصيبه الكبيرة لما تكون منظومة الدولة كلها فاشلة سياسيا يبقي اكيد البلد دي لازم تكون فاشله تنظيميا لان الشعب مش لاقي حد يقوده لما يكون 18% فقط من الشعب هما اللي موافقين علي الحكومه وعلي سياستها والـ82% الباقيين مش موافقين يبقي فين النظام هنا لما يكون وزير خارجيه مش دبلوماسي خالص وفاااااااااااااشل بكل المقاييس دبلوماسيا يبقي احنا فاشلين في إدارة سياسة الدولة الخارجيه لما يكون وزير التربية والتعليم فااااااااااااشل في إدارة المنظومة التعليمة وبيشدها لتحت وهو مستعبط فيها وعامل فيها مش عارف يبقي المنظومه كلها هتتشد لتحت ومعني كدا ان في اجيال طالعه مش متعلمه كويس ومعني كدا ان مصر مش هتطلع دلوقتي خالص ولما وزير الثقافة يشتم المحجبات وزير الثقافه ومبيحترمش ولا دين ولا ثقافة شعب يبقي الراجل دا معندوش اي فهم عن الثقافة ويبقي فاشل في مكانه لما الشعب كله يكون رافض ان الغاز بتاعه يتصدر للصهاينة والحكومة واقفة ضد الشعب في المحكمة يبقي الحكومة كلها مش عارفه شغلها طب ليه الناس دي موجوده المثل بيقولك اللي ميشوفش من الغربال يبقي اعمي ما بالك لما يكون غربال ومتقطع ومفتح من كل حته ورغم كدا مش شايفين لما الحكومة كلها تكون حرامية والبلد كلها شاهده عليهم وهما مش هاممهم ومكملين سرقة يبقي لما يطلع جيل معندوش انتماء لبلده محدش هيقدر يغلطه ويقوله دي بلدك عملتلك كذا وكذا لانه مش هيلاقي اي كذا البلد عملتهولوه سياسة مصر مش سياسة ترويض لا دي سياسة تحوير وصياعة وللاسف حتي مش بيعرفوا يحورا او يلعبوا بالبيضه والحجر لا دول اغبي ما يمكن ان يكون الانسان مش السياسي بس لنا الله وعلي رآي المثل اجري يا ابن ادم جري الوحوش وان كبر ابنك خاويه  اسف علي الرغي والإطاله ودمتم بالف خير سلامو عليكو
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#2
05-02-2009, 04:26 PM
|
|||
|
|||
|
اقتباس:
دي نقدر نعتبرها زي ما تقول كدة سياسة تطفيش ده اللي عندنا و لو مش عاجبك اخبط دماغك ف الحيط  اعترض- اعتصم- اعمل اللي عاوزه- برضو مفيش حاجة بمزاجك الغاز يتصدر عادي خالص .. احنا جيران  الثانوية تتسرب .. مش مشكلة خلي الطالب ينبسط  الشعب مش راضي .. مش مشكلة هو اكيد اكيد مش عارف مصلحته فين؟؟ للأسف بقينا شعب مسير من ناس مالهومش في حاجة اصلا لنا الله  سلام يا عادل
__________________
|
|
#3
05-02-2009, 04:27 PM
|
||||
|
||||
|
جامد يا دوولة
هيا دى سياسة البلد اذا كان رب البيت بالدف ضارب مستنى ايه بعد كدا سياسة ايه بس احنا عايزين ناس محترمة تمسك البلد بس عادى يا دوولة دنتا فى مصر smile you are in egypt شعب ايه داكمان اللى يحكم ان الحكومة تنفع واللا لا احنا الشعب نتداس باقدم شوز ولا لينا دور ولا راى واللى بيعوزوه بيعملوه هيا دى سياستهم مصلحتى انا وابنى الوزير القادم اهم انا والوزير مع الرئيس ونا والرئيس على الشعب وهى ماشية والشعب عايش نقول ايه قول الو دمت فى رعاية المولى ال سياسة ال
__________________
 ......استودعكم الله الذى لاتضيع ودائعه.... ....closed 4 ever
|
|
#4
05-02-2009, 04:35 PM
|
|||
|
|||
|
حلو الموضوع يازومبا
هو بالنسبة للسياسة انا كنت عملها تعريف كده بانها فن الطبخ السياسى ازاى تطبخ طبخه وتعجب الشعب مش مهم بئا الطبخة دى ايه المهم انها تتسبك كويس وتكون مظبوطه علشان رائحتها متطلعش وتتكشف بس الحمد لله الحكومة بتاعتنا لا ليها فى الطبخ ولا التسبيك وكل طبخاتها ريحتها فايحه طبعا هتقولى ايه علاقة درس ابلة نظيرة بالسياسة هقولك ان السياسة والمطبخ واحد السياسة فن ازاى تكون فنان فى ادائك قاعد فى تصرفاتك قبل ما تخطى وتدوس على الارض تعرف انتا واقف على ايه وقرارك هيوديك لفين ازاى متخسرش تبئا زى لاعب الرولايت هدفه الاول والاخير المكسب بس احنا عندنا حكومة خايبة ومايلة بتعشق الخسارة وهما الاول والاخير مصلحة النظام النظام اولا وزى ما قال مصطفى الفقى ردا على عضو اخوانى عندما قال العضو الاسلام اولا قال مصطفى الفقى لا مصر اولا شوفت الوطنية |
|
#5
05-02-2009, 04:45 PM
|
||||
|
||||
|
امممممم
طاب و ليه نشوف هما بس ما الشعب المصرى ما هو الا 80 مليون على نفس الوتيره يعنى الموظف الحكومى اللى يعينى باب درجه مفتوح بالغلط لاء و كمان الناس بتنزل فيه فلوس بالغلط  ده يبقى ايه بتاع المرور اللى لازم يسلم بإيديه الاتنين ده يبقى ايه حتى بتاع المطافى و لا الاسعاف اللى مش بيسمع الا لما تقوله انا كذا كذا دول اسمهم ايه مش هما دول الشعب المصرى اللى هو انا و اخويا و اختى و ابن عمى و ابن خالى يبقى ليه زعلانين من انهم كده ما احنا اللى خليناهم يبقوا كده  و حيفضلوا كده مش حيتغيروا لانهم ببساطه مننا ما هو الوزير ده كان ايه اتولد وزير لاء كان فى يوم من الايام طفل اتعلم يغش فى المدرسه و ان اللى يساعد صاحبه ربنا يساعده و كبر بقى فى الجامعه و اتعلم ان اللى معاه قرش يسوى قرش و اتخرج بقى عرف ان الدنيا ماشيه فيها شريعه الغاب و اهى نتيجه الخبرات دى اللى احنا كمجتمع لقناها ليه بقى هو الوزير اللى مش عاجبنا دلوقتى يلا على راى نظيف احنا شعب غير ناضج سياسيا و مش نستحق الديموقراطيه دلوقتى عشان مش حنفهمها هوفففففففف و الله تعبناهم معانا يغيرونا احسن ليهم و لينا فى رعايه الله
__________________
 In God's care HaPpiLy eVeR aFtEr |
|
#6
05-02-2009, 05:12 PM
|
||||
|
||||
|
اقتباس:
بس هنقول ايه بقي لنا الله نورت الموضوع وشكرا للمرور اقتباس:
ربنا ينتقم منهم ياحج محمود صحيح عاجبني التوقيع بتاعك بس ممكن نخليه ايا من سميت نفسك عبقريا ::: وتدعى ان الحق فيك فهل فكرت يوما بعقل ::: وهل لم تراعى فى الحق صديق اكيد طبعا لا ::: لان عقلك مخرَم وكله شبابيك (وعجبى) نورت يا باشا الموضوع اقتباس:
يلا الحمد لله المهم اننا عايشين وخلاص نورت الموضوع يا حج اسلام
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) آخر تعديل بواسطة dr.zomba ، 05-02-2009 الساعة 05:37 PM |
|
#7
05-02-2009, 05:24 PM
|
||||
|
||||
|
جميل اوووووى الموضوع
الفرق بين رئيس وزراء تركيا و وزرائنا احنا انه واحد عارف ان الشعب اختاره فمها يعمل مش هيخسر لان الشعب حابه و الشعب وراه فى كل حاجة يعملها انما احنا الوزير مش يتكلم قبل ماياخد الاذن من اللى اكبر منه و اللى اكبر منه ياخد من اللى اكبر منه و هكذا لانهم متاكدين اننا مش بنحبهم و لا عايزينهم و بالتالى يخلوهم مع الناس الكبيرة لانهم لو اتشالو مافيش حد يبكى عليهم بالنسبة للسياسة لا هو فعلا مش موجودة فى مصر بس موجود الضحك ع العقول متوفرة حاليا فى الاسواق موضوع جمييييييل اوى اتمنى مش اكون طلعت بره الموضوع |
|
#8
05-02-2009, 05:27 PM
|
||||
|
||||
|
اقتباس:
اذا كان الموظف بيقبل الرشوة فا دا لان في ضغوط كتير عليه خلت مبقاش عنده اي ضمير لما يقبضله حوالي 400 او 500 جنيه في الزمن المنيل دا عايزاه يعمل ايه طبعا احنا منقدرش ننكر ان دا غلط بس مش هنقدر نحمل الناس دول الغلط كله لانه لو كانت حكومتنا زي حكومات برا مكنش الحال هيبقي كدا دي حاجة الحاجة التانيه ان مصر مش كلها نفس الوتيره زي ما حضرتك قولتي مصر زي ما فيها الدكتور نظيف فيها بردو جمال الجنزوري وزي ما فيها حمير كتير بيقودونا في نا كتير اوي احق منهم بالمناصب دي وان الوزير دا كان طالب وبيغش وبيعمل بردو من نفس الجيل طلع نجيب محفوظ واحمد زويل وطلع الدكتور حسين هيكل وطلع وطلع وطلع الفكره اللي عايز اقولها ان مصر فيها كويسين كتييييييييييييييييييير جدا جدا جدا بس للاسف الكويس مش بيقعد لانهم عايزين حمير تجر البلد من تخلف لتخلف انما فعلا مصر فيها ناس كويسه وناس فاهمه نورتي الموضوع بردك ومرورك
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#9
05-02-2009, 05:33 PM
|
||||
|
||||
|
اقتباس:
انما المشكلة انهم بيسرقوا علي عينك يا تاجر وماشيين بمبدأ اللي يعرف يعمل حاجة يعملها مرورك هو الاجمل ومطلعتيش خالص برا الموضوع نورتي الموضوع
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#10
05-02-2009, 11:04 PM
|
||||
|
||||
|
اقتباس:
اها اكيد مصر فيها ناس كويسه
بس فين دول بجد فين انا لو مكانهم مش ابقى هنا اساسا فايدتها ايه <_< بس عامه الناس الكويسه غالبا لما بتقعد على منصب بتبقى اوحش من الوحش و اللى انا كنت بتكلم فيه ان احنا اللى جايبين نفسنا ورا و لو فيه كويس برده احنا اللى حنطفشه العمليه متبادله و بتنتهى باننا مش نستحق غير كده و فى النهايه حتلاقى كل حد يقدر يعمل مش عايز تبقى دى بلده و اسفه على الرد التانى فى رعايه الله
__________________
In God's care HaPpiLy eVeR aFtEr |
|
#11
06-02-2009, 02:49 PM
|
||||
|
||||
|
اقتباس:
ومستني ردك
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#12
07-02-2009, 01:37 AM
|
||||||
|
||||||
|
اقتباس:
امممممم الموضوع حضرتك باصصله من وجهه واحده بس يعنى ايمن نور مثلا مين اللى طلع فى كل الصحف و قعد يقطع فى فروته بطريقه مستفزه مش برده مننا احنا الشعب مين اللى اتهم مراته زور انها افتعلت مشاكل مين اللى قاعديين يشهدوا ضده فى كل محاكمه مش بردوا هما دول الشعب اللى هو احنا و مش ينفع نقول انا عبد المامور عشان غير مسأله انها حرام فهى اساسا غير منطقيه على حسب كلام حضرتك الناس مش بقى عندها مبادئ اساسا و ده نابع منهم هما الفساد جوانا احنا فعلا اقتباس:
عمليه انهم موجودين و نفسهم يعملوا حاجه مش منطقيه او بمعنى ادق مش واقعيه يعنى حضرتك ممكن يكون قصدك على بعض النشاط و الوعى السياسى اللى بقى موجود بس الفكره ان ده برده قمه التخلف بالنسبه لباقى الدول اللى ربنا خلقها يعنى احنا لسه بنلعب فعلا مش عارفيين حاجه فى اى حاجه و عمليه الوعى اولا غالبا بتبقى غلط و بتعتمد على مسح كامل للوعى الشخصى للافراد و لو ده مش حصل و اتعملت صح على غير العاده مش حتلاقى عامه الشعب اللى هو احنا عندهم اى استعداد للفهم الحقيقى كفايه عليهم يروحوا و هما معاهم قوت يومهم و ده عندهم اخر امانيهم و على فكره انا مش بتكلم عن الناس اللى مش لاقيه بالعكس انا بتكلم على الناس اللى لاقيه و قادره و مش يهمها الباقى و دول بيمثلوا الحمد لله حوالى 80 % من الشعب المصرى و الباقى بقى لا هو اللى واكل البلد لا بيحارب السراب دى دون كيشوت اقتباس:
امممممممممم اجيبلك كام مثال بس بلاش نتكلم عن ميت مشرف هنا فى المنتدى لما كانوا اعضاء كاناو مش فيه انشط اول ما مسكوا الاشراف مش شفناهم العمليه انهم مش كانوا وحشين لاء العمليه عمليه نفسيه فى الاول و الاخر يعنى الواحد كان بيدور على حاجه سواء منصب وزارى قيادى اى حاجه و اول ما اتحقق اتنقل شاف حاجات جديده اتغيرت طريقه تفكيره و اهدافه و مخططاته و للاسف عشان احنا وحشين اللى بيقعد على حاجه موت بقى عبال ما يمشى و احنا السبب مش هما مع انهم هما اساسا احنا دايره مقفوله اقتباس:
تؤتؤ ماشى انا متفقه معاك اننا عندنا الحماسه و اننا محتاجين القياده بس مين حيقود مين على راى احمد مطر احنا مجموعه من الخراف اساسا و حاجه تانيه كان قالها على موضوع صلاح الدين ده كان الشيخُ يهزّ المنبَر حين استرسلَ يدعو لفلسطينْ وأنا كادت أن تخنقني العبرةُ لما كنتُ أرددها: "آمين... آمين" بعد صلاة الجمعة قمتُ سألتُ الشيخَ: "أترجع أرضُ القدس إلينا في يومٍ يشبه حطينْ؟!" فأجابَ: "نعم" فسألتُ: "متى؟!" فأجاب بصوتٍ جدِ حزينْ: "حين يعودُ صلاحُ الدين" فسألتُ: "أينفخ ربي فيه الروحَ ويُبعَثُ ثانية؟!" هزّ الشيخُ الرأسَ.. فقلتُ: "متى؟!" فأجاب: "الأمر بديهيٌ جداً... سوف يعود صلاحُ الدينْ حين يزول فسادُ الدينْ اقتباس:
اممممم مش لازم عدم الانتماء السبب الرئيسى المجتمع نفسه يعنى مش حتلاقى كل الامريكان عندهم انتماء المساله مساله تلبيه احتياجات للشعب ده و مش حتلاقى كتير مستعدين انهم يضحوا عشان قضيه بيقولوا علينا اكتر شعب مستكين و مسالم يعنى غالبا مش حنعمل على الاقل فى الجيل ده زى الفرنسسين فى الثوره الفرنسيه و نضحى بروحنا عشان القضيه اللى احنا مؤمنين بيها لسه لما ننضف احنا من جوه الاول اقتباس:
احم احم
اظن ان حضرتك مش حتنتظر ردى تانى كفايه المعلقه اللى انا كتبتها دى رغايه انا  المهم ياريت ردى يكون عجبك فى رعايه الله
__________________
In God's care HaPpiLy eVeR aFtEr |
|
#13
07-02-2009, 02:20 PM
|
||||||
|
||||||
|
اقتباس:
اقتباس:
امممممم الموضوع حضرتك باصصله من وجهه واحده بس يعنى ايمن نور مثلا مين اللى طلع فى كل الصحف و قعد يقطع فى فروته بطريقه مستفزه مش برده مننا احنا الشعب مين اللى اتهم مراته زور انها افتعلت مشاكل مين اللى قاعديين يشهدوا ضده فى كل محاكمه مش بردوا هما دول الشعب اللى هو احنا و مش ينفع نقول انا عبد المامور عشان غير مسأله انها حرام فهى اساسا غير منطقيه على حسب كلام حضرتك الناس مش بقى عندها مبادئ اساسا و ده نابع منهم هما الفساد جوانا احنا فعلا هههههههههههههههههههه انا نفسي اعرف انتي ليه ظنه السؤ دا كله في الشعب دا بصي اللي عملوا كدا مع ايمن نور مش الشعب المصر هما ناس من الشعب المصري بس مش الشعب كله هو لو واحد بلغ عن ايمن نور يبقي معني كدا انه بيمثل الشعب كله وان الشعب كله كاره ايمن نور ؟ اكيد لا طبعا يعني اللي حصل دا لايمن نور ومراته من الحكومه اصلا مش من الشعب والطبيعي ان الشعب مش مع الحكومه يعني متقوليليش ان الحكومه من الشعب وانهم بيعبروا عن الشعب اقتباس:
عمليه انهم موجودين و نفسهم يعملوا حاجه مش منطقيه او بمعنى ادق مش واقعيه يعنى حضرتك ممكن يكون قصدك على بعض النشاط و الوعى السياسى اللى بقى موجود بس الفكره ان ده برده قمه التخلف بالنسبه لباقى الدول اللى ربنا خلقها يعنى احنا لسه بنلعب فعلا مش عارفيين حاجه فى اى حاجه و عمليه الوعى اولا غالبا بتبقى غلط و بتعتمد على مسح كامل للوعى الشخصى للافراد مظنش لان السياسين لو كانوا بيغيروا اتجاه شعب كان هيبقي صعب جدا وكانوا هيتعبوا وعمرها ما كانت هتبقي بالسهوله دي هما مش بيتعبوا لانهم بيقولوا الكلام اللي الشعب عايزه ومش عارف يقوله او مش عارف يوصله يعني مفيش مسح للوعي او حاجه زي كدا انا عن نفسي شايف كدا و لو ده مش حصل و اتعملت صح على غير العاده مش حتلاقى عامه الشعب اللى هو احنا عندهم اى استعداد للفهم الحقيقى كفايه عليهم يروحوا و هما معاهم قوت يومهم و ده عندهم اخر امانيهم و على فكره انا مش بتكلم عن الناس اللى مش لاقيه بالعكس انا بتكلم على الناس اللى لاقيه و قادره و مش يهمها الباقى و دول بيمثلوا الحمد لله حوالى 80 % من الشعب المصرى و الباقى بقى لا هو اللى واكل البلد لا بيحارب السراب دى دون كيشوت ماهي المشكله ان اصلا الشعب كتير منهم دلوقتي مبقاش لاقي قوت يومه وهما دول اللي بيكونوا مع السياسين بس مش معني انهم مش لاقين قوت يومهم انهم كلهم جهلا وغلابا مثلا او سهل يضحك عليهم عندك الدكاتره اللي شغالين في الحكومه ( اللي عندهم ضمير طبعا ) دول مش لاقين قوت يومهم و بيتهيالي مفيش طبقه من وجهة نظر الشعب المصري يعني عندها علم اكتر من الدكاتره وبيقفوا ورا السياسين يعني مش سهل خالص انهم يعملولهم مسح وعي مثلا اقتباس:
امممممممممم اجيبلك كام مثال بس بلاش نتكلم عن ميت مشرف هنا فى المنتدى لما كانوا اعضاء كاناو مش فيه انشط اول ما مسكوا الاشراف مش شفناهم العمليه انهم مش كانوا وحشين لاء العمليه عمليه نفسيه فى الاول و الاخر يعنى الواحد كان بيدور على حاجه سواء منصب وزارى قيادى اى حاجه و اول ما اتحقق اتنقل شاف حاجات جديده اتغيرت طريقه تفكيره و اهدافه و مخططاته و للاسف عشان احنا وحشين اللى بيقعد على حاجه موت بقى عبال ما يمشى و احنا السبب مش هما مع انهم هما اساسا احنا دايره مقفوله كويس انك جبتي المنتدي مثال لمصر انا معاكي ان في مشرفين اتغيروا اول ما مسكوا بس برضو في كتير متغيروش دي حاجه محدش يقدر ينكرها وفي ناس بين البينين يعني اتغيروا بعد ما مسكوا الاشراف بس برضو كانوا بيعملوا لمصلحة المنتدي نفس اللي بيحصل في مصر بالظبط اقتباس:
تؤتؤ ماشى انا متفقه معاك اننا عندنا الحماسه و اننا محتاجين القياده بس مين حيقود مين على راى احمد مطر احنا مجموعه من الخراف اساسا و حاجه تانيه كان قالها على موضوع صلاح الدين ده كان الشيخُ يهزّ المنبَر حين استرسلَ يدعو لفلسطينْ وأنا كادت أن تخنقني العبرةُ لما كنتُ أرددها: "آمين... آمين" بعد صلاة الجمعة قمتُ سألتُ الشيخَ: "أترجع أرضُ القدس إلينا في يومٍ يشبه حطينْ؟!" فأجابَ: "نعم" فسألتُ: "متى؟!" فأجاب بصوتٍ جدِ حزينْ: "حين يعودُ صلاحُ الدين" فسألتُ: "أينفخ ربي فيه الروحَ ويُبعَثُ ثانية؟!" هزّ الشيخُ الرأسَ.. فقلتُ: "متى؟!" فأجاب: "الأمر بديهيٌ جداً... سوف يعود صلاحُ الدينْ حين يزول فسادُ الدينْ قال حين يزول الفساد الديني مش حين يزول الشعب العربي كله يعني هل احنا كشعب منعرفش عن الدين بتاعنا لا كلنا نعرف وحتي اللي بيخالفوا الدين عارفين الدين كويس بس الفساد الديني جاي من الحكومة يعني هو واحد من عامة الشعب هو اللي طلع وقال ان الحجاب تخلف ولا واحد من الحكومة تفرق كتير ومش معني اننا مش قادرين نعمل حاجه اننا مجموعة خراف ومش عارفين حاجه بس كل واحد مشغول في حاله ودي الحاجة الوحيدة اللي الحكومة نجحت فيها انها تفرق الشعب المصري ويبقي كل واحد له همه بس الحركة دي بدأت تتكشف لباقي الشعب بس علي ما تتكشف هتطلعلنا الحكومة بحاجة جديدة وربنا يستر اقتباس:
اممممم مش لازم عدم الانتماء السبب الرئيسى المجتمع نفسه يعنى مش حتلاقى كل الامريكان عندهم انتماء المساله مساله تلبيه احتياجات للشعب ده و مش حتلاقى كتير مستعدين انهم يضحوا عشان قضيه بيقولوا علينا اكتر شعب مستكين و مسالم يعنى غالبا مش حنعمل على الاقل فى الجيل ده زى الفرنسسين فى الثوره الفرنسيه و نضحى بروحنا عشان القضيه اللى احنا مؤمنين بيها لسه لما ننضف احنا من جوه الاول احنا نضاف من جوا مش مشغولين من برا فكري فيها كدا هتلاقي ان الشعب دا هو هو الشعب اللي عمل ثورة 1919 بس الفرق ان حكومة19 كانت مع الشعب عشان كدا كانت قضيتهم سهله رغم انهم قعدوا فترة اطول بكتييييييييييييير مننا صابرين علي حكم اسوأ من بتاعنا بكتير بس في الاخر عملوا الثورة واللي ان شاء الله هيحصل زيها قريب لو الاوضاع متحسنتش اقتباس:
احم احم اظن ان حضرتك مش حتنتظر ردى تانى كفايه المعلقه اللى انا كتبتها دى رغايه انا المهم ياريت ردى يكون عجبك فى رعايه الله لا والله مفيش اي رغي خالص حضرتك نورتيني ومستني بردو ردك انا مش بزهق
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#14
07-02-2009, 09:19 PM
|
||||
|
||||
|
ولما وزير الثقافة يشتم المحجبات وزير الثقافه ومبيحترمش ولا دين ولا ثقافة شعب يبقي الراجل دا معندوش اي فهم عن الثقافة ويبقي فاشل في مكانه
لما الشعب كله يكون رافض ان الغاز بتاعه يتصدر للصهاينة والحكومة واقفة ضد الشعب في المحكمة يبقي الحكومة كلها مش عارفه شغلها بصرااحه فعلااا حاجه تقهر جزى الله حضرتك خير الف شكر لحضرتك على الموضوع
__________________
لا اله الا الله
|
|
#15
07-02-2009, 09:20 PM
|
||||
|
||||
|
اقتباس:
اقتباس:
سيدنا محمد قال : إذا وسد الأمر إلى غير أهله فانتظر الساعة .. انتظروها بقي انتوا كمان !! |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:10 AM.
