|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
31-01-2009, 01:18 AM
|
||||
|
||||
مش باقي مني حاجة
اخر قصيدة للشاعر جمال بخيت بعنوان >مش باقي مني< .............. مش باقي مني غير شوية ضي ف عينيا أنا هاديهوملك وامشي بصبري ف الملكوت يمكن ف نورهم تلمحي خطوة تفرق معاكي بين الحياة والموت مش باقي مني غير شوية نبض ف عروقي خُدي.. وعيشي.. وافتحي لي تابوت أفرح بريحة ورد فرعوني وربنا ف عوني إذا دخلت الجنة ولاّ النار هاشتاق إلي ضحكتك وقعدتي ف الدار والقهوة متحوجة من طيبة العطار.. ف كل يوم الصبح باشرب حليب قبطي وف النهار والمسا بامسك ستار الكعبة لو سبتي واثبت إذا هربتي أهديكي عمري وحسي وجوارحي أهديكي جرحي هو اللي باقي ف دنيتي لما خلص فرحي مش باقي مني غير شوية لحم ف كتافي بلاش يتبعتروا ف البحر بلاش يتحرقوا ف قطر الصعيد ف العيد بلاش لكلب الصيد.. تناوليهم خدي اللي باقي من الأمل فيهم وابني لي من عضمهم في كل حارة مقام وزوريني مرة وحيدة لو كل ألفين عام ألم الجراح يتلم مش باقي مني غير شوية دم متلوثين بالهم مُرين وفيهم سم كانوا زمان شربات والنكتة سكرهم شربتهم الخفافيش في قلب أوكارهم مش باقي مني غير شوية دم.. ماأقدرشي أسقيكي.. مواجعهم وبرضه ما أقدرشي أرميكي.. وأبيعهم يمكن ف مرة تعوزي تطلبيني شهيد هاحتاج يوميها الدم يمضي علي شهادتي مش باقي مني غير شوية قوة ف إرادتي علي شوية شِعر من خطي حاسبي عليهم وانتي بتخطي وانتي ف صبح الدلال بتعطري شطي.. مش باقي مني غير شوية ضي ف عينيا أنا مش عايزهم لو كنت يوم هالمحك وانتي بتوطي في معركة مافيهاش ولاطيارات ولاجيش وانتي ف طابور العيش بتبوسي إيد الزمن ينولك لقمة من حقك المشروع مش باقي مني.. غير شهقة ف نفس مقطوع.. بافتح لها سكة ما بين رئة.. وضلوع.. ما بين غبار.. ودموع.. وأنا تحت حجر «المقطم» ف الدويقة باموت أنا.. والعطش.. والجوع.. يئن تحتي التراب وانا صوتي مش مسموع.. ياحلمنا الموجوع.. من المرور ممنوع.. مستني لما يمر موكب سلاطينك.. مش باقي مني غير شوية رحمة من طينك.. علي شوية صبر من دينك.. مش باقي مني غير حبة غُنا تايهين ف الضلمة مش لاقيين حس الفواعلية.. ولا صوت مراكبي عَفي فوق المعدية.. ولا صوت بناتي العذاري في كل صبحية.. والغنوة.. أمنية «ياما نفسي أقابل حبيبي.. وانا ع الزراعية».. صوتك وصوتهم غاب.. وانا تحت حجر المقطم.. باموت لوحديّا.. الليلة راحت عيوني تطل ع البستان.. وجناين الرمان.. رجعت لي توصف عناد الغل والدخان وسحابة سودا تضلل علي الغُنا الغلبان.. رجعت لي توصف هبوب الموت علي الألوان.. رجعت لي توصف.. .. خيال الذل.. ف موائد الرحمن.. مش باقي مني غير شوية كُفر بشروقك وأنا.. منبع الايمان.. مش باقي مني.. غير شوية ضي.. وعينيا مش قادرة تلمحني.. في وحدتي محني.. خايف أموت م الخوف والضعف يفضحني.. ... السجن عشش ف قلبي وماشي ف شوارعك.. نفس اللي باعني وخدعني بالرخيص بايعك.. هاشيل حمولي انا ولا هاشيل حملك ؟! ماعدت أملك شيء.. فيكي.. ولا فيّا ولا قيراط ولا بيت.. ولا نسمة صافية تلاغي النيل بحرية.. مش باقي مني غير شوية حب جارحّني ولا باقي مني غير شوية ضي ف عينيا يارب تكون عجبتكم
|
|
#2
31-01-2009, 04:13 AM
|
||||
|
||||
|
اقتباس:
بجد بجد
اكتر من تحفه وجعتنى بجد  انا اول مره اقرى ل جمال بخيت ابقى احاول ادور لحاجات ليه تانى و شكرا جدا على القصيده  فى رعايه الله
__________________
 In God's care HaPpiLy eVeR aFtEr
|
|
#3
31-01-2009, 12:09 PM
|
||||
|
||||
|
جمييييييييييييييييييييله بجد اوى
تسلم ايدك على النقل وبجد كلمة تحفه دى قليله عليها مشكوووووووووووور ومستنين جديدك
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#4
31-01-2009, 03:53 PM
|
||||
|
||||
|
اقتباس:
اقتباس:
شكرا جزيلا على المرور
|
|
#5
01-02-2009, 12:27 AM
|
||||
|
||||
|
جزاك الله خيرا
وبجد روووووووووووووووووووووووعه
__________________
ساعات الجرح بيريح ......ساعات الدمع بيهدى . وليه على ايه هنتألم .....ماهو كله بيمشى ويعدى مابتقفش الدنيا وادى ناس بتيجى بتروح .. يعنى جرح بجرح عادى ومين فى الدنيا مش مجروح
|
|
#6
01-02-2009, 10:40 AM
|
||||
|
||||
|
اقتباس:
شكرا يا مريم ويارب تكون عجبتك على الأقل احسن من السنونو اللي بينونو
|
|
#8
01-02-2009, 03:01 PM
|
||||
|
||||
|
حلو اوى اوى جزاك الله خيرا
__________________
سبحان الله وبحمده سبحان الله العظيم
|
|
#9
01-02-2009, 03:08 PM
|
||||
|
||||
|
حقيقي كلمات جميله جدا
واحساسها رائع وبجد انا بمايل اوى لهذه النوعيه من الكلام تسلم ايديك يا فندم ويارب مش تحرمنا من الشاعر الكبير جمال بخيت هانتظرك بالجديد والمتميز تقبل مرورى المتواضع
__________________
 ... if i die don't cry just look at the sky and say bye bye
|
|
#10
01-02-2009, 05:54 PM
|
||||
|
||||
|
هذه القصيدة قرأتها من ثلاثة أيام في أحد الصحف وأبكتني .. لأنها بالفعل صادقة ومعبرة .. عن أوجاعنا وآلامنا .. جزاك الله خيراً على نقلها إلينا
|
|
#11
01-02-2009, 06:05 PM
|
|||
|
|||
|
دمعة في عيني تكفي و قلبي المحبي حائرا بين حبي و صدق وعدي أحبتك حبا و وهبتك أياما من عمري ورحلت عني وبقيت ابحث عما تبقي مني بعد جرحي عذرا أستهوتني كلمات القصيده ولا ادري كيف كتبت هذه الكلمات من وحي قلمي حقا شكرا لك علي روعة ما نقلت لنا و  آخر تعديل بواسطة حين تغرب الشمس ، 01-02-2009 الساعة 06:26 PM
|
|
#12
05-02-2009, 11:59 PM
|
|||
|
|||
|
الله حلوه اوي انا اول مره اقرأ لجمال بخيت
تسلم ايدك جزاك الله خير
__________________
.الحمد الله . 
|
|
#13
06-02-2009, 10:34 AM
|
||||
|
||||
|
اقتباس:
شكرا...جزاك الله خيرا على الرد 
|
|
#14
06-02-2009, 07:21 PM
|
||||
|
||||
|
حلوة بجد
بس انا بحب الاشعار باللغة الفصحى اكتر من العامية بس جميلة فعلا
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:54 AM.
