My Special Photos in Your Hands

[♥έĻ-мΰšŧâρèdâ♥]

السلام عليكم ورحمه الله وبركاته

صباحكم / مساءكم الخير و الهنا

من ساعه ما انا اخدت الاجازة وابتدى الملل والقرف دا انا نسيت شكل الشمس هههههههههههههه

ولسه مبدتش حصص يعنى معايا نص شهر كمان <<<< يارب يعدوا على خير والا هطق

طبعا كالعادة اكبر انجاز بعمله انى اقوم من السرير على النت <<<<<<< كفاية عليكى كده

الموهيـــــــــــــــــــــ :D ـــــــــــــــــــــــــــم

بالرغم انى اكبر اخواتى الا انهم بيحتلوا النت اكتر منى صوبح وليل <<<< فى تفرقه عنصورية فى بيتنا

قولت يابت قومى اعملى حاجة بدل ما انتى فاضيه انا من الناس اللى بتسهر جات الساعه 6 الصبح

بالتوقيت المحلى لمدينة اسيوط على خط جرينتش <<<<<<< جرينتش جنب اسيوط بكليو ههههههههههه

فاضيه طبعا كالعاده شوفت التليفون فى وشى وشوفت الساعه قولت فى عقل بالى اصور يومى

من الملل وربى

يلا نبدأ بس اقولكم ايه طنشوا حاجات كتير ماشى

تشوف السرير تقولى البت نضيفه بس ده النهاردة بس مترتب بالسانتى



طبعااا لانى نضيفة من يوم يومى والكل يشهد تلاقى اسنانى فضه ياربى ههههههههههههههه



بالرغم من التطور الرهيب واننا فى سنة 2008 الا انى لسه بدائية يعنى جنبة المراعى دى ادمان فى بيتنا وحتة فطيرة وشاى بلبن حبيت ادلع وعملته بليبتون الفتلة مطلعش شاى طلع بطاطا هههههههههههههههه



دخلت الصالة لقيت بسم الله الرحمن الرحيم قناة الجزيرة اللى بتذيع دورة بكين الاولمبية واخويا الكبير اسلام قاعد فاتح عينه وبقه ومبحلق على الاخر




قامت فى بالى اروح اساعد المامتى بتاعتى وان الشغالة واخدة اجازة <<<<<< يعنى قالت فى شغالة بجد يا نصابه هههههههههههههههههه
قولت اروح شد الهمه واعمل جو جدعنه وانضف المطبخ وطبعا لقيت حبايبى مستنينى بالاحضان
كل واحد يشرب 50 ، 60 شاى ولا كاننا فى قهوة هههههههه :D عيلة فيها الصحه مش مستخصرة عفيتها فى حاجة ههههههههههههههه



ما اخبيش عليكم الوضع كان صعب شمرت هدومى وعملت معركة داميه احطهم يطلعوا نضاف من غير تعب ههههههههههههههههههههههههههه



طبعا ما صدقت اخلص علشان اطلع بلا رجعه بس قولت اما اوريكم ابداعاتى الخارقة فى التنضيف



واخيرااا خلصوا بعد ما طلعوا عينى ليه باركولى بس حاسبوا فى سكينة دى للى مش هيدخل ويرد هههههههه



طبعا كل سنة وانتوا طيبين المدارس قربت وكل ناس طالعه تشترى حاجات المدارس اخويا قال عايز اطلع اتفرج على الشنط وهيموت لو مكنتش عليها صورة يوجى هههههههههههههه واحنا بالطرق



هما دخلوا المحل من هنا وانا قعدت اتفرج على الشنط بس من نوع تانى ايه رايكم مش حلو صح بس انا مش بشترى الانواع دى



وبعدين عدينا على بيت خالتى وطبعا كلهم عيال عاجبهم الكرتون اووى واخر انسجام قولت لازم اخرب عليهم قعدتهم اخويا اللى على اليمين والتانى اللى على الشمال ده الواد فارس ابن خالتى



قولت اما اقوم اعمل جولة سياحية فى بيتها



ودى شوية ادوية البيت كله عيان ربنا يشفى الجميع



لبيت المطلوب منى وطرت على براا ذى الصاروخ
وبعدين رجعنا بيتنا وروحنا محل و اشترينا من بيتزاا حجم عائلى بس اتبلعت ذى البرشامة ههههههههه



بعد ما بلعنا البيتزا وانا اول واحدة اخوى جرى على اوضته
روحت اقتحمت الوكر بتاع المجرم ده ولقيته متحمس بعنف ال ايه يبلعب اللى مايتسماش ده اللى اسمه البلايستيشن خوفت عليه لا يعمل حادثة ويجيب الذنب عليا هههههههههههههههه <<<< اصل دلوع الماما



من كتر اللعب ايده اختفت ههههههههههههه
هنروح على الوكر التانى
الكمبيوتر القديم هارده خرب من تحت ايدى وجبنا واحد جديد وادى اول صوره ليه <<<< عاملة دعايه ههههههه
كنت فاتحاه على الموقع ده بس الصورة مش ظاهره



ودى صورة المخفى اخويا الكبير اسلام وهو نايم معرفش عامل ازاى طبعا لو كان شافنى الله اعلم ايه اللى هيجرى لى هو داخل اولى ثانوى يعنى مش كبير اووى



وده لاب توب بتاع بابتى حاطه عينى عليه لما اجيب مجموع حلو السنة دى فى ثالثة اخده ولو انى مستولية عليه من دلوقتى



وفيلم السهره كان امبراطورية ( م ) بتاع فاتن حمامه




وبكده انتهى يوم من ايام حياتى وان شاء الله يا رب الصور تعجبكم

ومنتظرة تعليقاتكم يا حلوين ويا حلوات