|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
24-09-2010, 02:03 PM
|
|||
|
|||
معقول فى اول اسبوع فى المدرسه يحصل كده ؟؟؟!!!!!!
بدون مقدمات طويله
انا متعوده دايما بكتب ن الموضوعات اللى بتستفزنى شخصيا واخر الموضوعات دى مواقف حصلت لى فى المدرسه فى يوم واحد احكى لكم موقف من بين المواقف دى وبعدين نتناقش فيه كان فى جدول فصلى حصه علم نفس وبما ان الفصل مشترك علم نفس واقتصاد واحصاء والاغلبيه اخدين علم نفس فمكتوب فى الجدول علم نفس مش اقتصاد واحصاء مش ده المهم الموضوع وما فيه ان مدرسه علم النفس طلبت منى اشوف استاذ يعطى لنا حصه اقتصاد ( هى حاجه غريبه طبعا انى ادور ع مدرس ) لكن هو ده اللى حصل وانا وافقت بس عشان كنت عاوزه استاذ معين هو اللى يعطى لنا الماده خرجت من فصلى اسال ع المدرس ده مش لقيته رجعت الفصل تانى لقيت المدرسه دى بتقول شوفوا حد تانى ويللا اطلعوا برا عاوزه اشرح حصتى انا سمعت كلمه اطلعوا برا دى ومش قدرت اسكت رديت عليها بكل احترام طبعا انى مش مفروض اطلع برا فصلى وادور ع المدرس واطلب منه انه يتكرم ويتفضل مبجلا يعطى لنا حصه  ( مفروض كل مدرس عارف جدوله )كررت نفس الكلام وانا رديت بنفس المنطق تخيلوا قالت ايه ؟ قالتلى مش هعرف اشرح  والفصل كبير كده ( مع ان احنا فى اول اسبوع وكل اللى فى الفصل 20 طالبه منهم تقريبا 7 اقتصاد واحصاء )وع نفس الريتم هى تقول نفس الكلام وانا ارد بنفس منطقى ( مع الالتزام بادب الحوار طبعاااا ) فوجئت انها بتعلى صوتها بشكل مرعب  مش كان قدامى غير انى اسيب الفصل وادور ع المشرف وبمجرد ما عرف منى اللى حصل اتعامل بذوق جدااا ووفر لنا فصل ومدرسه اقتصاد طب مش كان ممكن من الاول مدرسه علم النفس تسال المشرف ع مدرس بدل ما تضيع علينا حصه ولا الاهم عندها انها تطلعنا برا الفصل ومش مشكله بقى نتمشى فى المدرسه او نقعد فى الملعب ؟؟؟!!! ايه اللى حصل فى المدارس هو بقى دور المدرسه دى وغيرها انهم يكونوا فى المدرسه عشان مش يتسجلوا غياب وموضوع انهم يشرحوا ويفيدوا الطلاب بالعلم بقى موضوع ثانوى اكيد كل المدرسين يعرفوا ان ( العلماء ورثه الانبياء ) ولا حد ليه راى تانى ؟؟؟؟؟؟؟؟؟؟؟
__________________
never break 4 things in your life (promise , relation trust and heart ) because when they broken they don`t make noise , but hurts alot ! 
|
|
#2
24-09-2010, 02:19 PM
|
||||
|
||||
علماء مين اللى ورثة الانبياء الكلام ده كان بيتقال ايام حيان و ابن سينا ^^ داوقتى لازم المدرس يشخط و ينطر فى وش الطالب و همه مصلحته و خلاص !!
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !! 
|
|
#3
24-09-2010, 03:21 PM
|
||||
|
||||
|
كان زمان موضوع المدرسة تبقى كيان واحد
دلوقتي كل مدرس بيشتغل مع نفسه وبس ولا ليه دعوة بادارة المدرسة ولا بالمدرسة نفسها ولا حتى حيكلمك لو بوظت في المدرسة كفاية عليه حصته وملهوش دعوة باي حاجة تاني الا من رحم ربي
__________________
It was over 3 years since my last visit 
|
|
#4
24-09-2010, 03:47 PM
|
||||
|
||||
|
اقتباس:
وايه علاقة المدرسين بالعلماء !!!!! فيه كثير من المدرسين ميعرفش هو بيدرس ايه اساسا هو حافظ شويه كلمتين يرصهم وخلاص مع العلم برده ان فيه مدرسين فعلا علماء بس دول اصبحوا قله جدا ولفت نظري حاجه ازاي تبقي مدرسة علم نفس و بتزعق ف الطلاب دة تناقض غريب مأخدتش ان العنف لا يورث إلا العنف !!!!
__________________
** لا إله إلا الله ** محمد رسول الله **
|
|
#5
24-09-2010, 03:57 PM
|
||||
|
||||
|
طب تعالى عندنا وشوفى اللى بيحصل والله العظيم انا بروح المدرسة كانى قاعده فى البيت شوية اذاكر وشوية باكل وشوية انام وشوية العب مع اصحابى كانى فى البيت بالظبط هههههههههههههه
نقول ايه بقا هى دى مصر
__________________
 ~Love your life ~
|
|
#6
24-09-2010, 04:04 PM
|
||||
|
||||
|
اقتباس:
ياريت احنا ذيك يا سمر دلوقتى بقا عندنا نظام الجد والاجتهاد وربنا  مش عارفه اشمعنا احنا ههههههههههههههههههههههههههههههههه
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#7
24-09-2010, 06:05 PM
|
|||
|
|||
|
اولاً عندك حق تزعلى ولكن ...
المدرسة ملهاش ان هى تطلعك تدورى على المدرس ... والموضوع ده كان المفروض هى تحله بشكل افضل من كده ..كان المفروض تشوف المشرف او تروح للمدير عشان باقى الفصل ياخد حصته .. وغير كده احنا بشر هل يا ترى كلنا زى بعض ؟؟ طبعاً انتو عارفين الاجابة ...معنى كلامى ان مش كل المدرسين زى بعض اينعم اللى حصل ده طبعاً غلط بس انتى اتصرفتى صح مع تمنياتى بالتفوق والنجاح الدائم
__________________
 حملناك يا مصر بين الحنايا وبين الضلوع وفوق الجبين عشقناك صدرا رعانا بدفء وإن طال فينا زمان الحنين فلا تحزني من زمان جحود أذقناك في هموم السنين
|
|
#8
24-09-2010, 06:44 PM
|
|||
|
|||
|
ههههههههههه الجميل فى الموضوع انها كمان مدرسه علم نفس يعنى مفروض تعرف بتتعامل ازاى
وانا والهى مكتوب فى الجدول استاذ س ومحدش دخلنا يدينا تاريخ ومقضينها يعنى عادى ادام فى دروس متشغليش بالك ... لكن لو مفيش دروس كان كله عمل زيك والهى
|
|
#9
24-09-2010, 07:42 PM
|
||||
|
||||
الله انا عن نفسى مرحتش المدرسه اول اسبوع ده اصل وجودها زى عدمه
|
|
#10
24-09-2010, 07:45 PM
|
||||
|
||||
|
تحيا مصر يا شباب ههههههههههههههههههههه
__________________
~Love your life ~
|
|
#11
24-09-2010, 07:48 PM
|
||||
|
||||
|
هههههههههههههه
والله انا موش عارفة اضحك ولا ابكي ولا اعمل ايه بالظبط اولا عندي نقطة ازاي فصل فيه طلاب كل واحد منهم واخد مادة المفروض اللي واخد مادة معينة يجمعوهم في فصل معين والله ربنا يستر علينا من اللي بيحصل
|
|
#12
24-09-2010, 07:49 PM
|
||||
|
||||
|
هههههههههههههههههههههههههههههة
وهوا دى حاجة تخيلى بقا انا حصلى اية دخلت المدرسة باكرا زى كل مرة مش زى العيال التانين وطبعا كنت دائما بطلع الشنطة وانزل اقف فى الطابور بس وانا طالع لقيت المدير قدامى بيقولى رايح فين قمت قلتلو رايح اودى الشنطة وانزل فقالى لالالالا مفيش طلوع قلتولو انا شرطة تخيلى بقا قالى اية واسمة مديررررررررررر مدير ياناس ياهو قام الراجل المبجل راح قايل كلمة _أ..ا _ طبعا الكلمة سفلة زى المدير بس انا طبعا اتصدمت صدمة غريبة وسر صدمتى انها من المدير يعنى لو كان حد عادى كنت قلت عادى بس من مدير!!!!!!!!!!!!!!!!!!!!!!!!!!!!!!!!! طبعا نظرتلة نظرة مش تمام من فوق لتحت ومشيت وانا بقول هى دى مصر يا عبلة !
__________________
 ّ............................... إن مرت الايام ولم تروني فهذه مشاركاتي فـتذكروني... وان غبت ولم تجدوني أكون وقتها بحاجة للدعاء فادعوا لي...
|
|
#13
24-09-2010, 09:46 PM
|
|||
|
|||
|
ملايكه يا إخواتى
إيه البراءة دى كلها المشكلة كلها إن انتم لم تتعودوا على الحضور بكرة تطلع اشاعةانفلونزا الصراصير وتقضوها فى البيت المهم نذااااااااااااااااااكررررررررررررررررررررررررررررر ر وربنا يوفقكم
|
|
#14
24-09-2010, 10:55 PM
|
||||
|
||||
|
ربنا يوفقكم جميعا
__________________
NO SAFTEY FOR HUMANS
SHREEF SHOMAN د خ و ل م ت ق ط ع
|
|
#15
25-09-2010, 02:31 AM
|
||||
|
||||
|
هههههههههههههههههه
مدرسة وحشانى اوى الكلمة دي ههههههههههههههههههههه
__________________
_________________  مادام هـنـاك فـي الـسـمـاء مـن سـيـحـمـيـنـي .... فـلـيـس هـنـاك فـي الأرض مـن سـيـبكيني
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:26 AM.
