إزاى أحل إمتحان الرياضه

[elomdawebass]

أنا بحل كويس فى البيت وفى الدرس أيضا يعنى يعتبر من النوع الممتاز جدا فى الرياضه على مستوى بلدى
وأيضا فى إمتحان أخر العام بحل تمام بس ألاقى نفسى ناقص كتير مش عارف ليه مع إننى لما أراجعه بيقولولى (أستاذى يعنى إنى هجيب 50من 50) أرجو الرد على ذلك

[elomdawebass]

نفسى أعرف إيه اللى بينقصنى كده ممكن أكون بختصر شويه

[ممدوح مصطفى الانصارى]

المشاركة الأصلية كتبت بواسطة elomdawebass

أنا بحل كويس فى البيت وفى الدرس أيضا يعنى يعتبر من النوع الممتاز جدا فى الرياضه على مستوى بلدى
وأيضا فى إمتحان أخر العام بحل تمام بس ألاقى نفسى ناقص كتير مش عارف ليه مع إننى لما أراجعه بيقولولى (أستاذى يعنى إنى هجيب 50من 50) أرجو الرد على ذلك

اقول لحضرتك بعض النصائح التى كنت اقوم بها وانا طالب :
*أبدا اولا بالاسئلة التى اعرفها جيدا .

* اقراء معطيات المسالة جيدا ، وارسمها مرة اخرى
بطريقة جميلة فى ورقة اجابتى .واحاول الاستفادة من كل المعطيات.
* احل السؤال بدوا اختصارات ،واحرص على كتابة القوانين ،واعتبر ان المصحح
طالب ويريد ان يفهم حلى .
*أفضل البعد عن الحلول الغير مالوفة ، واقوم بالحل
الشائع كما فى كتاب المدرسة .
*افضل كتابة كل المحاولات فى كراسة الاجابة
ولو قمت بعمل هامش جانبى بيكون افضل .
*عدم الشطب على اى محاولة من محاولات الحل
وأكتب حل اخر كما شئت .
دون شطب اى حلول .
* مراجعة الحلول جيدا بعد الانتهاء من حل الامتحان.
* التاكد من انه لا يوجد جزء من سؤال لم اجاوب عليه.
* التاكد من ان اجابتى هى المطلوبة فى السؤال
وليس شىء اخر .
*اراعى التقريب اذا كان مطلوبا .
*اتاكد من نقل أرقام الاله الحاسبة صحيحة
فلا ابدل رقم 2 ب 5 ولا ابدل 6 ب 9 .
والله الموفق .

[elomdawebass]

شكرا جزيلا يا أستاذى الفاضل

[elomdawebass]

بس على فكره دى مش مشملتى لوحدى

[theotherface]

شكراااااااا لاستاذنا الفاضل على النصائح ديه حقيقى فدتنا جميعا