عشان انا مصرى

[اسد السنه]

حسبنا الله ونعم الوكيل فى الذين يحاولون اجهاض ثوره الشباب وهم اعوان النظام من ابناء الحزب الوطنى المستفيد من هذا النظام اضافه الى التابعين لقوات الشرطه وامن الدوله فهولاء هم الخاسر الوحيد اذا سقط هذا النظام
فى كل مصلجه حكوميه تجد موظف تابع للامن جاسوس على زملائه يكتب تقارير عن زملائه ووديهم المعتقلات لمجرد انهم معارضين للنظام الفكر فى مصر جريمه يعاقب عليها الطغاه
عيشونا فى خوف وعلمونا الجبن احنا بنترعب من عسكرى الشرطه الجاهل امين الشرطه بيتعامل مع الناس كأنهم حشرات فما بالك بظابط الشرطه؟ تروح اى قسم بوليس لو مدفعتش لامين الشرطه حقك راح البلطجى فى الشارع بتاعه ارهابى محدش يقدر يعمل له اى شيئ وذلك لانه صديق للشرطه لو اعتدى عليك انسى لن تأخذ حقك منه
الاعلام ليل نهار يمارس حملات التجهيل فى الناس تأليه الحكام ونشر افكار خبيثه تهدم معارضيهم ده خائن وده عميل وده جاسوس وطبعا السذج بيصدقوا وطول النهار تمثليات وافلام وماتشات ونشر ثقافه التعصب الكروى بين الناس الزملكاوى نفسه يقتل الاهلاوى وبالعكس عشان لعبه تافهه
ابطال مصر فى اعلامنا هم لاعبى كره القدم مش عارف هم لما يفوزوا فى ماتش يبقى حلوا مشاكل مصر؟ طبعا لا لكن عملوا خدمه للنظام وهو انهم خلوا الناس مايفكروش فى السياسه وعشان كده واخدين وسام الجمهوريه 1خ الاف جنيه كل شهر مدى الحياه لكل لاعب عشان لعبه وعشان كده حسام حسن واللى زيه بيدافعو عشان مصلحتهم
اى انسان فى المنتدى هنا بيفترى على الشباب اللى فى ميدان التحرير ومن يساندهم بنقوله اتق الله لاتردد كلام وسائل الاعلام المصرى الفاسده الظالمه والله ربك سيجاسبك على مساندتك للظلم انتوا عايزينا نرجع تانى للذل والعبوديه؟ حرام عليكم مصعبش عليك الشباب المسالم اللى قتلهم رجال الشرطه والبلطجيه؟ بلاش تبصوا لمصالحكم بس. الشباب دول بيموتوا عشان نعيش احرار محدش يضربنا على قفانا عشان نتحرر من الخوف عشان نقول بجد اننا بشر مش حشرات بيدوسها الظباط تحت ارجلهم
﴿...إِنَّ فِرْعَوْنَ وَهَامَانَ وَجُنُودَهُمَا كَانُوا خَاطِئِينَ﴾