مشاركة محذوفة

[حسام نصر عبد الحى]

اغنية : طظ في الخنازير .. من غناء شعبان عبدالرحيم ( يجري حاليا تسجيلها )
كلمات : اسلام خليل


كوارثنا زادت كارثة

والوضع شكله خطير

قال يعنى كانت ناقصة أنفلونزا الخنازير ...

مرض خطير على البشر وبقولك وبوعيك

فى دولتين انتشر.. أمريكا والمكسيك

الأنفلونزا كترت وبقى مرض خطير ..

مبقتش طيور وبس.. بقت كمان خنازير

لو شفت يوم خنزيرة ولو شفت يوم خنزير

لازم تلحق وبسرعة تاخد بعضك وتطير

خنازير وطيور ولسه.. الناس جالها اكتئاب

قادر ربنا يسترها.. ع القطط والكلاب

بقول وبأعلى صرخة .. إحنا مش ناقصين سكوت

علشان خنزير وفرخة.. حرام الناس تموت

قفلنا كتير مزارع وعدمنا طيور كتير

عايزين قرار سيادى ونعدم الخنازير

ليه الخنازير تعيش ونضحى بناس كتير

تعيش الناس سليمة وطز فى الخنازير

يا ريتهم يعدموها والناس فى أمان تبات

من غير ما الأمن يدخل ولا تحصل إضرابات

وإيييييييه