|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
20-04-2009, 03:12 AM
|
||||
|
||||
بنات الجامعات !! ؟؟
السلام عليكم ورحمة الله وبركاتة ازيكم كلكم واحد واحد وواحدة واحدة يارب تكونو بخير بدون مقدمات لانى بجد مش عارف ابدا ازاى كالعادة يعنى المهم حصل موقف النهاردة وانا فى الجامعة واتكرر معايا كذا مرة وبجد مكنتش عارف اوصل لحل لحد دلوقتى انا النهاردة كنت بتمشى مع اصحابى فلقيت واحدة جارتى مخطوبة لابن عمها قاعدة مع واحد  وما شاء الله قاعد بيقرا لها الكف بصراحة انا وقفت وتنحت وبلمت معرفتش انطق بكلمة واحدة حتى مكنتش عارف اروح لكلمها ولا امشى واعمل مش واخد بالى ولا اية مش عارف طيب بقول لواحد صاحبى مش دى فلانة قالى اة هيا قلت لة ودا احمد بتاع انجليزى صح قالى اة قلت لة دا مخطوبة يابنى لابن عمها وخلاص هيتجوزو فى الاجازة الجاية دى المهم احمد الى قاعد معاها دة لقيتة جاى لينا بيسلم وكدة فلقيتة بيقول لنا اية مالكم فصاحبى قالة انت تعرف ان الى انت قاعد معاها دى مخطوبة ومخطوبة لواحد قريبى كمان قالة وانا مالى ياعم فبقولة انت بتعمل معاها اية يابنى انت دلوقتى قالى بقرا لها الكف  المهم هيا شافتنى فقامت مشيت المهم بعد شوية انا رحت اجيب شاى فلقيتها فكلمتنى بتقولى انت تعرف احمد قلت لها اة اعرفة فبقول لها انتى تعرفية ؟ قالت ايوة دا صاحبى قلت لها يعنى اية صاحبك !! انتى مش مخطوبة ؟؟ قالت واية المشكلة يعنى هوة انتم تحللوة على نفسكم وتحرموة على غيركم قلت لها انتى بتكلمينى كدة لية انا غلطان انى خايف عليكى يعنى وكمان بتتهمنى بحاجة والله عمرها ما حصلت فقلت لها دا انا الى ببحلة على نفسى وبحرمة على غيرى المهم سكت ومشينا وعرفت انها بدات تكلم عليا وكدة فى البلد وخطيبها زعل منى وافتكر ان انا الى بطلع عليها كلام المهم السؤال بقى انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟ منتظر تعليقاتكم ان شاء الله فى رعاية الله
__________________
لا اله الا الله ... محمد رسول الله
آخر تعديل بواسطة Sharp Nails ، 20-04-2009 الساعة 10:12 PM |
|
#2
20-04-2009, 03:34 AM
|
|||
|
|||
عارف
هى كانت محتاجة قلمين طاخ طوخ بس كدة  اولا : البنت دى هى ماحترمتش الواحد اللى هى مخطوباله واللى هايبقوا متجوزين ف عاادى .. انت هاتحترمه ليه وتطلب منها كدة ليه .. ولا يهمك !! --- ثانيا : لما كلمتها وقولتلها مش انتى مخطوبة كان ممكن تقولك وانت مالك ؟ واكيد ماكنتش هاتعرف ترد تقولها حاجة ولا ايه ؟ --- يعنى من الاخر كبر دماغك من الناس دى سيبهم يولعوا ف بعض لو عايز تخدمهم اديهم الجاز والكبريت  اقتباس:
بالنسبة لانى بنت لو شايفة انها بتعمل حاجة غلط ف اى حاجة مش شرط انها مع ولد هايبقى قدامى حل من اتنين لو هى انسانة كويسة .. هاتكلم معاها بهدوء بينى وبينها واوضحلها الغلط اللى انا شوفته هاتحصل حاجة من اتنين يا اما تاخد بالها وتفهم يا اما تقولى وانتى مالك يا باردة وساعتها ممكن استخدم الحل الاولانى بتاع طاخ طوخ ده لو هى اصلا مش كويسة ف ولا هافكر ف اللى هى بتعمله اصلا لانى هاتوقع منها اى حاجة عاادى جدا مفيش مشاكل بالنسبة للولاد ( رأيى يعنى ) لو واحدة قريبته اوى وهو متعود عليها عاادى يتكلم معاها بس برضو مش قدام حد لو واحدة معرفته بيها مش قوية مايحطش نفسه ف موقف محرج انها تقوله مالكش دعوة بس كدة ويا رب الاقى الموضوع لما ارجع عشان كل مارد ف موضوع يختفى غالبا المشكلة فيا آخر تعديل بواسطة Rien ، 20-04-2009 الساعة 03:45 AM سبب آخر: ما قولت نسيت ارد عالسؤال X-( |
|
#3
20-04-2009, 04:53 AM
|
||||
|
||||
|
صباح الفل يا بومبو
بص والله انت فكرتنى باكتر من موقف بالموضوع دا ومنهم موقف حصل معا شخصيا والله كنت قاعد مع واحده صاحبتى ولقيتها بتكلم واحد فى التليون المهم بتكدب عليه يعنى فبقولها مين دا قالتلى دا خطيبى (والله بلمت ياعم  )انا مش هقولك القرار اللى اخدته ساعتها اصل كنت مركز شويه المهم يا محمد هجاوب بقى على سؤال لو بصراحه الواد خطيبها يهمنى هروح اقله مش محتاجه كلام دا الكلام دا قبل الجواز اومال بعد الجواز هيحصل ايه انما لو واحد معرفهوش بصراحه هخلينى فى حالى عشان مسمعش كلام يزعلنى انا زى ماحصل معاك كدا يا سبع البرومبه والله بجد موضوع يخليك تحزن على فكره فى مواقف كتير واصعب من دى مليون مره شوفتها قدام عينى بس كفايه عشان متقهرش وانا بحكيها سناكس يا مان ع الموضوع تقبل مرورى |
|
#4
20-04-2009, 11:36 AM
|
||||
|
||||
|
لو انا مكانك طبعا اروح اقوله ومش اتردد ابدا بس هى اصلا مش احترمت نفسها ولا خطيبها واذا كانت بتعمل كده فى فترة الخطوبة امال بعد الجواز هتعمل ايه !!!!!!!!!!!!!!!!!!!!
بجد مش عارف اقولك ايه تانى يا محمد
__________________
 لا أمان للبشر واللى يأمن لهم يستحمل غدرهم
|
|
#5
20-04-2009, 12:34 PM
|
||||
|
||||
|
انا مكنتش هبص من الاول وكنت هشي في حالي و هما حرين اقتباس:
مع اني عارف ان ده مستحيلل يحصل
هو حصل قبل كده بس مش قريبتي و هي كمان اللي ندهت عليا لاني مككنتش هبصلها بس انا حرجتها قدامه و هي بعد كده اتدينت و ربنا هداها |
|
#6
20-04-2009, 08:00 PM
|
||||
|
||||
|
المفروض م الاول انت مش كنت تكلمها
هي مش صغيرة وعارفة هي بتعمل ايه والدليل ع كده انها طلعت عليك كلام وخلت خطيبها يزعل منك بالنسبة بقى لو انا اتحطيت ف موقف زي ده اولا لو انا ولد وجت تكلمني مش هكلمها ولا هخاف عليها اصلا لانك بتقول انها بنت الجيران مش قريبتك يعني يعني كان ممكن انت تبقى مكان احمد بتاع انجليزي ده ممكن كل اللي تعمله تقول لخطيبها خد بالك من البنت دي كويس بس مش تحكي كمان انما بقى تصرفي كبنت مش هنصحها غير لو بحبها جدا او خايفه عليها لو مش قريبة مني بقى هقضيها تريقة ورمي كلام طبعا مش هفضحها بس هي تفهم بقى اصلي بموت انا ف الحاجات دي عموما هي تبقى نصيحة بس بااسلوب تاني ثانكس يامحمد ع الموضوع
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله |
|
#7
20-04-2009, 08:32 PM
|
||||
|
||||
|
الاول يا محمد
انت ليك أصحاب بنات ؟؟؟؟؟؟؟؟
__________________
يا رب
|
|
#8
20-04-2009, 09:33 PM
|
||||
|
||||
|
اقتباس:
بالنسبة لرايك فى الولاد
بصراحة دة الى انا هعملة بس مش بنصة ومحدش يفهمنى صح ههههههههههه بهزر والله بالنسبة للموضوع بقى انا الى بقيت بشك فى نفسى معرفش مواضيعى كلها بتطير لية ههههههههههههه شكرا جزيلا لحضرتك على الرد والمرور جزاك الله خيرا كنت سعيد بمناقشة حضرتك ملحوظة : انا اتعودت اى موضوع بنزلة باليل متاخر اول رد بيبقى فية حضرتك مش عارف لية يلا اهوة الموضوع بنور والله فى رعاية الله
__________________
لا اله الا الله ... محمد رسول الله
|
|
#9
20-04-2009, 11:50 PM
|
||||
|
||||
|
اقتباس:
.. احم .. احم ..
.. لو جارتك صاحبة الكلمتين دول شافت الكلام ده .. .. يبقى تقرأوا الفاتحة يا جماعة .. .. هاروح أدور عليها و أقولها .. .. أنا مرة روحت الجامعة .. .. أنا طبعاً مش في الجامعة .. .. كنت رايحة مع أختي .. .. اتلقيت كل الأحبة اتنين اتنين .. .. و فيه تلاتات .. .. و فيه شوفت ولد قاعد مع تلاتة .. .. المهم .. .. قعدنا تحت شجرة .. .. فا كان فيه ولد و بنت قاعدين .. .. بيقولها لما أتخرج هجوزك و هاجيبلك أحلى شقة .. .. و هاشتغل .. .. و هاقبض أكيد 5 ألاف في الشهر أول ما ابتدي .. .. و نجيب ولد و بنت كفاية .. .. و هي أعتقد إنها مصدقاه .. .. و قاعد يخرف أكتر و أكتر .. .. و احنا قاعدين نضحك .. .. كل ده مش كانوا يعرفوا إن احنا سامعين .. .. لحد ما قمنا روحنا .. .. و هما لسة قاعدين .. .. روحنا مكان تاني بقى .. .. برضه اتنين اتنين .. .. بس مكانش فيه غير اتنين بس .. .. و شوفت منظر مقرف هناك ..  .. من يومها و أنا بطلت أروح مع أختي و صحباتها .. اقتباس:
.. لأن ده ميعاد دخولها أصلاً .. .. بتضرب أخوها بليل باين .. .. و بعدين تقعد بقى .. .. ربنا يكون في عونه .. اقتباس:
.. لأ مش قشطة .. .. مربى ايزيس .. .. أنا غيرت لون الكتابة بتاعي بسببك .. .. يللا قولت أفكـ الخنقة شوية و أرد هنا .. .. أصل عندي مصدر احساس بيقوللي انك مخنوق مني ! .. .. يللا .. .. طابت أوقاتكمــ بـ كل الخير .. .. في أمان الله ..
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، آخر تعديل بواسطة Amethyst ، 20-04-2009 الساعة 11:55 PM سبب آخر: وضع النقاط على الحروف ! D: |
|
#10
21-04-2009, 12:12 AM
|
||||
|
||||
|
اقتباس:
طبعاً هخليها تشوفنى او اعمل اى تريك يلفت النظر واخليها تتاكد انى شوفتها وبعدها يبقى حسبنا لو قريبتى منى ليها جارتى اوصلها لاخوها بطريقة مقبولة اقتباس:
ههه اخد انت شوية كلام صعبان عليا والله اقتباس:
اقتباس:
هى كدا يا مان
لزم تمشى كدا خير مابتعمل شراً ... نسيت اقولك ما انا معايا بنات الجيران فى الجامعه بس مش كلهم نفس الدرجات عارف انى دى اللى يتخاف عليها فبالتالى اتدخل اكيد فهمت وجهه نظرى يا شربينى
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
|
#11
21-04-2009, 01:49 AM
|
||||
|
||||
|
اقتباس:
ندخل فى الموضوع بقى
بصراحة معرفش لية انا عملت كدة بس انا افتكرت حديث رسول الله صلى الله علية وسلم يمكن دا الى دفعنى شكرا يا معلم على الرد والمرور جزاك الله خيرا فى رعاية الله
__________________
لا اله الا الله ... محمد رسول الله
|
|
#12
21-04-2009, 02:19 AM
|
||||
|
||||
|
سيبك انت مفيش احسن من تكبير الدماغ
 انا بهزر طبعا انما اللي حضرتك عملته تماااااام وتمااااااااااااااااااام اوي كمان ومكانتش تقدر تقول وانت مالك علشان هي اللي غلطانة واكيد هي عارفة الكلام ده كويس جدا وانا لو مكان حضرتك (لو ولد يعني) واتقالتلي (هوه انتوا تحللوه لنفسكم............) كان ابسط رد عليها لما تبقي تشوفيني بعمل زيك ابقي تعالي كلميني :a ngry2:وياريت تزودوا من مواضيعكوا اللي بتتكلم عن المشاكل اللي بتلاقوها في الكليات علشان ان شاء الله لما ادخلها اعرف اتصرف يعني   تقبل مروري
__________________
ساعيش رغم الداء والاعداء كالنسر فوق القمة الشماء Didy
|
|
#13
21-04-2009, 07:13 AM
|
|||
|
|||
|
يا ويلكم يا ويلكم يا ميت نهار ويلكم
منور يا عم الحاج ايه ده بقى انت اولا بصيت ليه؟ بجد و الله بجد يعنى انا اعرف انكم كده يعنى مش بتبصوا على حد عييييييب يا محمد عيب مش تبص بعد كده بس انت خلاصى بصيت و اللى كان كان بص يا ابنى دى واحدة مش محترمة (ابقى اقرا دعاء كفارة المجلس بعد ما تخلص لانى هامرمطها )ايوة و الله ليه بقثى؟ اولا لانها قاعدة مع واحد و هى مخطوبة لواحد تانى ثانيا هى ايه اللى قعدها مع واحد اصلا بلاش استهبال الله يرضى عليكم هى كده لا احترمت والدها و لا والدتها و لا اخواتها و لا خطيبها و لا اى حد و لا حتى احترمتك انت لانها عارفة انك ممكن تشوفها و عملت كده بردو بص يا محممد خلاصة القول انها بنت مش تمام و انا لو مكانك و الله و لا كنت هاعبرها لانها مش تستاهل اصلا بس واضح ان بلدكم صغيرة لانك بتقول بتتكلم فى البلد انا لو ف نفس الموقف هاخد الشخص اللى كان معاك ده و اروح لخطيبها و اقوله لانها اصلا شخصية لا تؤتمن و لو ربنا بيحبه يبقى احسن له ان الجوازة دى مش تتم متنساش كفارة المجلس بقى
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#14
21-04-2009, 07:33 AM
|
|||
|
|||
|
هتكلم ع اساس اني بنت هروح اكلمها بهدوء وقول لها :اللي انتي بتعمليه دا مش كويس وغلط عيب !!! هتقول :: دا احنا اصحاب وأنا مش بعمل حاجة غلط أنا: ماشي انتي وهو اصحاب مش فيها مشكلة الصحوبية دا شيء جميل بس الاجمل انك تعرفي اصحابك لاهلك مش انت مش بتعملي حاجة غلط اللي مش بيعمل حاجة غلط مش بيخاف ولا ايه؟؟ ولو صممت ع موقفها لو مثلا خطبها دي قريبي هلمحه له وقول له انها مش تستهله دا لو كان انسان كويس اما بقا لو مش كويس هخليهم الاثنين مع بعض وهقول ما جمع اللي لما يوفق لو كنت بقا ولد وفي موقفك دا طبعا هسيب البنت دي لان باين عليها انها مش طبيعية وممكن توقعني مثلا في مشاكل هروح للولد اللي هو اسمه أحمد لانه اعرف بس الاهم هجمع معلومات عنه شغل مباحث وعرف عنده اخوات بنات ولا لا عشان العب ع النقط دي وقول له: ممكن اسئلك سؤال ياأحمد؟؟ أحمد:ممكن طبعا أنت مثلا :هو انت عندك اخوات بنات ؟؟ هيتنرفز عليك: أنت مالك (دا لو كان محترم هيقولك كدا لو مش محترم يبقي استلقي وعدك)  أنت : طب براحه ع نفسك انا كنت بس عايز اقلك ع كدا اصلي كنت شايف اختك ماشية مع واحد (بس تقول بمسكنه بقا لانك بتحبه وعايز مصلحته) أحمد: ياليلتك السودا انت تعرفها منين انطق اتكلم ليلتك مش هتعدي النهارده دا كله وهو ماسك من الياقة بتاعه التشيرت وهيضرب خلاص أنت لازم تكون متمالك اعصابك وتكلمه باعصاب بارده وشخص عايز يشل اللي امامه وتشيل ايده الاول من التشيرت وتقول له : أنا بعمل الخير وبرميه في البحر أنت : سبحان الله ليه اللي مش تحبت سمعه عن اختك بتحب تسمعه عن بنات الناس الثانية اختك ياسيدي انا معرفهاش ومش عايز اعرفها بس اهم حاجة لازم تعرف ان كما تدين تدان ولو بعد حين دلوقتي اتفعلت لما عرفت ان اختك ماشية مع واحد وهي ممكن مش تكون مخطوبة ليه محلل لنفسك انك تمشي مع فلانة وعلانة بالرغم انك عرفت انها مخطوبة!!! بعد الكلام أحمد هيعمل حاجة من الاثنين ياما يسيبك ويمشي لما يضربك حته علقة سخنه
أنا معرفكش ولا قلتلك حاجة  اهم حاجة حاجة متكنش انت بتمشي مع بنات وجاي تدي في حكم ومواعظ ههههههههههههههه دا انت لو كنت كدا مثلا وانت بتكلمه تيجي واحدة مثلا تعرفها معرفه عادية يعني وتقولك: محمدممكن كلمة ع انفراض وبعدين تتحرج وتطلع الكلمة هي : ممكن تسلفني خمسه جنيه عشان الفلوس بتاعتي اتسرقت  ههههههههههههههههه هيبقي موقف فعلا مش ظريف ها بعرف امكتب قصص كويس ع العموم بجد اللي بيعمل الخير هيلقيه طبعا ومش يهمك من كلام كدا ولو يبيعك عشان واحدة يبقي مش يستهلك لانه مش يعرفك كويس في رعاية الله
__________________
والحب له قوانين آخري..!
آخر تعديل بواسطة **تسابيح** ، 21-04-2009 الساعة 07:52 AM |
|
#15
21-04-2009, 08:30 AM
|
||||
|
||||
|
هههههههه
الحتة دي جامدة أوي اقتباس:
بس ماعرفش إن البنات فيه بالبجاحة دي معلش في الكلمة دي متستحقش إن حد يفكر فيها مش يخطبها من أساسه ربنا يهديها أنا عن نفسي لو شوفت واحده قريبتي مع واحد مش هكلمها هي هكلمه هو و أنصحه إن اللي بيعمله ده غلط هبقي ضربت عصفورين بحجر واحد منها هي هتتبل و منها هو إن شاء الله يقتنع بكلامي و يسبها نيجي بقي للأهم: محمد والله إنت جيت علي الجرح هو بقي الموضوع جه في وقته أنا مخنوق و عايز أفضفض بوصلي بقي عشان أنا عايز حل أنا كمان  أنا دلوقتي في واحدة جارتي معايا في الكلية و إحنا تقريبا زي متربيين مع بعض بس أنا كانت جت عليا فترة وبقت أخلاقي وحشة فبقي كله بيزعل مني و عملت مواقف كتير مش حلوة فكان ليا تطش معاها أيام زمان والحمد لله لما ربنا تاب عليا معدتش بعمل مشاكل وكده المهم للأسف هي معايا في سيكشن معين فجت في مرة بتسألني علي ورقة كده مهمة و أنا كنت نسيها فبسأل واحد صاحبي معاك الورقة اللي إديتهالك قالي أه فأدلها الورقة وعدي الموضوع بسلام و الورقة جابت إسكتش و الإسكتش جاب واقفة و الوقفة جابت أعدات و كورسات ولوح و من الأخر بقوا بيمشوا مع بعض في الكلية عيني عينك و الواد ده صاحبي (مش أوي يعني) المهم أنا قدام مشكلة أقول لأخوها إن هي بتكلم الشاب ده ده غير كده إن هو و شلته بقوا بيمشوا مع شلتها يعني بقيت هيصة أنا خايف ليقولي ملكش دعوة عشان التطش اللي كان بينا ولا أعد ساكت ولا أعمل إيه بالظبط بس فعلا الموضوع زاد عن حده وناس كتير قالولي إنت إزاي مش قلت لأخوها أنا مش عارف هي تفكيرها إيه ممكن زي ما الناس كلها عندها عادي دول زمايل فخايف تكون قايله لأهلها فيبقي شكلي وحش فلو لقيت حل لمشكلتك قولي بس هما فعلا معندهومش دم و بجحين ربنا يهديهم
__________________
Mahmoud Wafaay
Control - Engineer Mansoura university  آخر تعديل بواسطة wafa2y ، 21-04-2009 الساعة 08:36 AM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:39 PM.
