|
||||||
| حي على الفلاح موضوعات وحوارات ومقالات إسلامية |
 |
|
|
أدوات الموضوع | انواع عرض الموضوع |
|
#1
16-11-2009, 08:05 PM
|
||||
|
||||
رحلتى من المعاناه للراحه...... لو مخنوق او متضايق اتفضل هنا
السلام عليكم ورحمة الله وبركاته بعد غياب طويل عن دنيا المواضيع الجديده رجعت لكم بحماس قوى جدا وارجو أن تسامحونى على تقصيرى فى حقكم هذه الايام  ومش هاطول عليكم هابدأ من جديد بموضوع صغير أسأل الله أن ينفعنا وإياكم به مخنوقه ومتضايقه ومش عارفه ليه !!! ده كان احساسى لما مريت بفتره عصيبه جدا مليانه صراع نفسى وخنقه وتعب أعصاب وحسيت إن كل شئ ضدى ( كل شئ ضدى؟) ايوه وساعتها افتكرت مقوله حلوه اوى (( من وجد الله ماذا فقد ومن فقد الله فماذا وجد) ايوه كان هو ده السر . لما قعدت مع نفسى لوحدى فضلت الجمله دى تتردد فى اذنى لحد ما عرفت سبب خنقتى والسبب كان بعدى عن ربنا وتقصيرى فى حقه . كانت اصعب ايام مريت بيها كانت ايام رهيبه ولما عرفت النور وقررت ارجع لربنا الحال اتبدل تماما بقيت منشرحة الصدر مبسوطه فى حياتى مطمئنه حتى وانا فى اصعب المواقف وبقى كل همى انى ازود الاحساس ده بإنى اقرب من ربنا اكتر واكتر لان الانسان كل ما يقرب من ربنا اكيد ربنا هايقرب منه وهايكون معاه دايما فى شدته يقول الله تعالى فى حديثه القدسى (( من تقرب الىّ شبرا تقربت إليه ذراعا ومن تقرب إلىّ ذراعا تقربت إليه باعا ومن أتانى يمشى أتيته هرولا ولا يزال عبدى يتقرب إلىّ بالنوافل حتى أحبه فإذا أحببته صرت سمعه الذى يسمع به وبصره الذى يبصر به ))) تأملوا معايا روعة الحديث لما ربنا (يقول أتيته هرولا) ولما يقول( حتى أحبه )) يا الله ما أحلمك بعبدك العاصى رغم كل اللى بنعمله ونعمه علينا لا تحصى لكن وقت ما ترجعله هاتلاقيه فاتح لك بابه ومش هايرجعك مكسوف ابدا .. ياللا مستنى ايه ارجع لربك قوله انا رجعت لك ومش هاسيبك خليك قوى اثبت انك تقدر وجرب طعم الايمان لو جربته بجد مش هاتقدر تسيبه تانى مستحيل . ياللا يا اختى البسى حجابك واتركى التبرج من اجل الله وشوفى ازاى هايعوضك بجمال ونور فى وجهك .. وانت يا اخى الكريم اترك الاغانى والموسيقى لله وشوف ازاى ربنا هايعوضك براحه احسن من اللذه اللى بتشعر بيها وانت بتسمع اغنيه .. ياللا سيب النظره الحرام وشوف ازاى ربنا هايعوضك عنها بحلاوه فى قلبك هاتحسها ومش هاتقدر تقاومها واسمع ربك وهو بيقول فى حديثه القدسى (( يابن ادم انك ما دعوتنى ورجوتنى غفرت لك على ما كان منك ولا أبالى يابن ادم يابن ادم لو بلغت ذنوبك عنان اسماء ثم استغفرتنى غفرت لك ولا ابالى )) ياللا بقى قوم / قومى صلى ركعتين بنية التوبه واستفر/ى ربك واندم/ى على اللى فاتك وبلاش تضيع من عمرك اكتر من كده بعيد عن ربنا ياللا بقى عايزين نرجع كلنا, الاقصى محتاجلنا واحنا اللى هنحرره ايوه احنا اللى هانحرره بس لازم نرجع ونتوب بجد وساعتها محدش هايقف ادامنا اسفه جدا انى طولت عليكم ولكنها مشاعر احسست بها بعد رحلة المعاناه وخروجى من الظلمات للنور رحلة ما قبل الالتزام فحبيت أشاركها معاكم أسأل الله أن يردنا إلى ديننا ردا جميلا وأن ينصر أقصانا والمسلمين فى كل مكان واخيرا :: عايزه كل اللى يدخل ما يخرجش غير لما يقول ( استغفر الله الذى لا اله الا هو الحى القيوم واتوب اليه)) وكمان تقولوا (( انا اقدر أنا استطيع أنا قوى أنا هارجع )) ياللا عايزه صوتكم يهد البوابه ويلم الاعضاء كلهم هنا فى القسم وما تخافوش هدافع عنكم ادام الادمن هاقوله ولا اعرفهم  مش عايزه حد يشيل هم ولا يتضايق ولو حصل اعرف ان علاجك هو رجوعك لربك / عايزه بقى ابتسامه كبيره اوى أدعوا لى بالهدى والثبات وتفريج همى // جزاكم الله خيرا والسلام عليكم ورحمة الله وبركاته فى رعاية الله اعذرونى لو إتأخرت فى الرد عليكم لان دخولى هايكون متقطع الفتره الجايه
|
|
#2
16-11-2009, 08:26 PM
|
||||
|
||||
بجد موضوع حضرتك اكثر من رائع
جزاكي الله خيرا فعلا الانسان لما يبقي قريب من ربنا بيشعر بسعادة وراحة نفسية كبيرة جدا
__________________
متغيبة لفترة ... برجاء الدخول لزائري قسم * بوابة محافظات مصر *
|
|
#3
16-11-2009, 08:41 PM
|
||||
|
||||
|
قررت أرجع واتوب
قررت ارجع واتوب خلاص قررت ارجع واتوب قررت اتوب من كل الذنوب قررت ارجع لرب القلوب خلاص راجع لعلام الغيوب قررت ارجع واعوض اللى فات خلاص بقى اللى فات مات بلاش نفكر فى القديم بلاش نضيع من عمرنا سنين أنا راجع بقلبى لرب حنين رب بيقبل كل التايبين إفتكر إن باب التوبه مفتوح اى ما تمشى وفين ما تروح ياللا بقى عايزين نرجع كلنا نرجع بقلوبنا كلنا لربنا ياللا بقى ديننا محتاج لنا القدس والاقصى محتاجين لنا بلاش تفكر فى اللى عملته واللى فاتك بلاش تضيع فى اليأس حياتك كل اللى هاتعمله انك هاتقول (أستغفر الله) وتخليها معاك على طول خاطرة بقلمى جزاكم الله خيرا
|
|
#4
16-11-2009, 08:47 PM
|
||||
|
||||
|
اقتباس:
فعلا بلا شك خليك مع ربك هايكون معاك
ربنا يكرمك يا جميل ويارب تكونى استفدتى وجزانا الله واياكى كل خير/ نــورتــي
|
|
#5
17-11-2009, 09:38 AM
|
||||
|
||||
|
موضوع رائع
جزاك الله كل خير
__________________
|
|
#6
17-11-2009, 05:05 PM
|
||||
|
||||
|
ربنا يكرمك يا لؤلؤه
جزانا الله واياكى كل خير نورتى يا جميل
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:48 PM.
