الاسماعيلي يتصدر الدوري بعد فوزه السهل علي الزمالك

[reda_mafia50]

الاسماعيلي يتصدر الدوري بعد فوزه السهل علي الزمالك
28/04/2009

تصدر الاسماعيلي قمة الدوري بعد فوزه السهل علي الزمالك بثلاثة أهداف مقابل هدف في اللقاء الذي جري بين الفريقين علي ملعب هيئة قناة السويس ضمن منافسات الأسبوع الثامن والعشرين للمسابقة.

ورفع الاسماعيلي رصيده من النقاط الي العدد 57 بفارق ثلاث نقاط عن الأهلي الذي يملك مباراة مؤجلة، بينما توقف رصيد الزمالك عند 38 ليظل في المركز السادس بعد الهزيمة العاشرة له في الدوري.

سجل للاسماعيلي محمد محسن ابوجريشة في الدقيقة 4، ومصطفي كريم (هدفين) في الدقيقتين 24 و47 علي الترتيب، بينما سجل هدف الزمالك الوحيد عبدالحليم علي في الدقيقة 28 من عمر اللقاء.

بداية اللقاء جاءت ضاغطة من جانب الدراويش، وتصدي عبد الواحد السيد لأول فرصة تهديف بعد مرور دقيقتين دقائق بعد عرضية من عمر جمال كادت تسكن الشباك.

واستمر الضغط البرتقالي علي مرمي الزمالك وسط توهان من لاعبي الوسط الأبيض، ومع الدقيقة 4 ترجم محمد محسن ابوجريشة سيطرة الإسماعيلي وأحرز هدف التقدم من ضربة رأس بعد كرة عرضية بقدم عبدالله السعيد.

بدأ الزمالك بعد هدف أصحاب الأرض في الانتشار بشكل أفضل من البداية، وأهدر عمرو عادل مدافع الزمالك المتقدم فرصة تعديل النتيجة في الدقيقة 18 بعد ركنية مرت من الجميع لتجد عادل الذي سددها ضعيفة في يد محمد فتحي.

وفي الدقيقة 24 عزز مصطفي كريم تقدم الاسماعيلي بالهدف الثاني بعد استغلال جيد للكرة المرتدة من احمد مجدي الذي اخطأ في إخراج الكرة سددها كريم قوية في الشباك البيضاء، وبعد الهدف بأربع دقائق، استطاع عبدالحليم علي تقليص النتيجة من خطأ فتحي الذي خرج من مرماه ولم يلتقط الكرة العالية السهلة ليضعها حليم من الوضع راقدا في المرمي الخالي.

وأضاع علاء علي انفرادا في الدقيقة 36 وهو مواجه للمرمي تماما وتصدي له فتحي، وزادت محاولات الزمالك علي مرمي الاسماعيلي ولكن افتقدت الهجمات للمسة الأخيرة والتركيز، وقبل انتهاء الشوط بثوان قليلة سجل كريم غير المراقب الهدف الثالث من تسديدة قوية من داخل منطقة الجزاء بعد ان ارتدت الكرة من دفاع الزمالك اثر ركنية عالية.

بدأ الشوط الثاني بهدوء من الطرفين مع بعض الضغط من لاعبي الاسماعيلي علي حامل الكرة، وقل الحماس بشكل ملحوظ بعد اطمئنان أصحاب الأرض علي النتيجة الي حد كبير.

وسدد احمد المرغني كرة صاروخية في الدقيقة 56 ارتدت من فتحي الي شريف اشرف الذي لم يلحق بها ليشتتها الدفاع الأبيض في الوقت المناسب، وحل شيكابالا بديلا لأشرف بعدها بدقيقة لزيادة القوة الهجومية.

ثم تصدي عبدالواحد لتصويبة قوية من عبدالله السعيد، وكاد كريم ان يسجل الهدف الشخصي له والرابع لفريقه ولكن أنقذ محمود فتح الله التصويبة القوية وهي في طريقها للمرمي.

وغادر عمر جمال ارض الملعب في الدقيقة 63 ليلعب عبدالحميد سامي بدلا منه، ثم دفع الزمالك بمحمد المرسي محل عبدالحليم، ومرت نحو نصف ساعة من الشوط الثاني بلا أي محاولات من الجانبين وكأنها مباراة ودية.

وسدد حازم إمام كرة صاروخية في الدقيقة 85 تصدي لها فتحي ببراعة الي ركنية، ودفع الزمالك بالصاعد إبراهيم صلاح بدلا من هاني سعيد، واستمر الأداء الباهت من الفريقين حتي صافرة النهاية.

المصدر : يلا كورة - وائل منتصر

[reda_mafia50]

تحميل اهداف

الهدف الأول للإسماعيلي
شاهد الهدف الثاني للإسماعيلي
شاهد الهدف الأول للزمالك
شاهد الهدف الثالث للإسماعيلي

[mR . mOstafa Fathi]

بجد الدروايش كانو عاملين جيم كويس جداً
شكراً يا رضا

[محمود طه القالع]

فعلا احنا النهاردة كنا بنتفرج على مسرحيه بأجتماع كل الذين تابعوا المبارة سواء زملكاوى او اسمعلاوى او من له علاقه بكرة القدم التواطؤ موجود وفعلا الحمد لله انى اهلاوى بجد فعلا مش كلام الاهلى عمرة مفوت لحد ولا حد فوتله ماتشات ولو هى دى كرة القدم انا مش هاشجع كورة تانى خالص للاسف حال الكورة زى بلدنا اللى عايشين فيها كل حاجه ماشيه بالكوسه والمحسوبيات المهم ان ليا مصلحه عندك تخلصهالى زى مخلصتلك قبل كدة افتكروا كويس لما الترسانه باع ابوتريكه فى اول موسم ليه الاهلى نزل الترسانه درجه تانيه وابوتريكه جاب فى فريقه السابق جول هو دا بالظبط الفرق بين الاهلى والزمالك والصورة مش محتاجة اى تعليق الزمالك اخد 11 دورى شوفوا كام دورى اخدة عند طريق الاسماعيلى؟ والاسماعيلى شوفوا اخد كام دورى عن طريق الزمالك قبل كدة وعلى فكرة مش انا اللى بقول كدة التاريخ هو اللى بيقول كدة بالظبط زى واحد يذاكر طوول السنه وينجح بمجهودة وواحد تانى يغش فى الامتحان عشان ينحجح المهم انه ينجح وخلاص

[dr.zomba]

المشاركة الأصلية كتبت بواسطة محمود طه القالع

فعلا احنا النهاردة كنا بنتفرج على مسرحيه بأجتماع كل الذين تابعوا المبارة سواء زملكاوى او اسمعلاوى او من له علاقه بكرة القدم التواطؤ موجود وفعلا الحمد لله انى اهلاوى بجد فعلا مش كلام الاهلى عمرة مفوت لحد ولا حد فوتله ماتشات ولو هى دى كرة القدم انا مش هاشجع كورة تانى خالص للاسف حال الكورة زى بلدنا اللى عايشين فيها كل حاجه ماشيه بالكوسه والمحسوبيات المهم ان ليا مصلحه عندك تخلصهالى زى مخلصتلك قبل كدة افتكروا كويس لما الترسانه باع ابوتريكه فى اول موسم ليه الاهلى نزل الترسانه درجه تانيه وابوتريكه جاب فى فريقه السابق جول هو دا بالظبط الفرق بين الاهلى والزمالك والصورة مش محتاجة اى تعليق الزمالك اخد 11 دورى شوفوا كام دورى اخدة عند طريق الاسماعيلى؟ والاسماعيلى شوفوا اخد كام دورى عن طريق الزمالك قبل كدة وعلى فكرة مش انا اللى بقول كدة التاريخ هو اللى بيقول كدة بالظبط زى واحد يذاكر طوول السنه وينجح بمجهودة وواحد تانى يغش فى الامتحان عشان ينحجح المهم انه ينجح وخلاص

والله يا استاذ محمود انا حاسس برضو ان الموضوع فيه تواطؤ واضح جدا

اللي قال ان الاهلي فوق الجميع مكدبش

[_GUIDE_]

صرح مدرب الاهلى مانويل جوزيه مع بداية الدور الثانى
ان الاهلى سوف يفوز بالدورى بفارق 15 نقطة عن اقرب منافسية
انما تقول ايه ربكم مش رايد
ده غير مننساش ان الاهلى محدش جاب سيرته ولا اتكلم عليه فى دورى كرة السلة

وكانت سلة الزمالك بانية آمالها علي أن يستطيع الأهلي الفوز علي الجزيرة بالأمس , حتي يستطيع الزمالك حصد اللقب بالفوز علي الجزيرة اليوم , الا أن لاعبي الأهلي تراخو باللقاء وظهر تكاسلهم واضحا في أداء باهت من أجل اهداء الفوز بالمباراة للجزيرة حتي ينتهي الدوري مبكرا قبل لقاء القمة الذي كان اليوم .
وما أكد تفويت اللقاء لصالح الجزيرة من قبل لاعبي الأهلي كان تصريح لاعب الأهلي كريم شمسية لأحد القنوات الفضائية عقب اللقاء بتكاسل اللاعبين حتي يفوز نادي الجزيرة بالدوري , حيث قال بالحرف الواحد " لعبنا باسترخاء علشان كنا عايزين الجزيرة هو اللي ياخد الدوري " في تصريح واضح وعلني يؤكد تفويت الأهلي للقاء .

ده اللى حصل من شهرين فى دورى السلة
كما تدين تدان

[الضوء الشارد]

المشاركة الأصلية كتبت بواسطة *citizen*

صرح مدرب الاهلى مانويل جوزيه مع بداية الدور الثانى
ان الاهلى سوف يفوز بالدورى بفارق 15 نقطة عن اقرب منافسية
انما تقول ايه ربكم مش رايد
ده غير مننساش ان الاهلى محدش جاب سيرته ولا اتكلم عليه فى دورى كرة السلة


ده اللى حصل من شهرين فى دورى السلة
كما تدين تدان

ملحوظة رفيعة بس كريم شمسية اتوقف 3 اشهر واتخصم راتبه بالكامل لأنه قال انه كان عايز الجزيرة يكسب ودى مش من شهرين انما العام الماضى لأن دايما الأهلى فوق الجميع . أظن الصورة وضحت لكن فى النهاية هاقولك على مهزلة امس ( ويمكرون ويمكر الله والله خير الماكرين)

[_GUIDE_]

المشاركة الأصلية كتبت بواسطة الضوء الشارد

ملحوظة رفيعة بس كريم شمسية اتوقف 3 اشهر واتخصم راتبه بالكامل لأنه قال انه كان عايز الجزيرة يكسب ودى مش من شهرين انما العام الماضى لأن دايما الأهلى فوق الجميع . أظن الصورة وضحت لكن فى النهاية هاقولك على مهزلة امس ( ويمكرون ويمكر الله والله خير الماكرين)

لا ده اللى قاله
واللى حصل من الفريق

حيث قال بالحرف الواحد " لعبنا باسترخاء علشان كنا عايزين الجزيرة هو اللي ياخد الدوري " في تصريح واضح وعلني يؤكد تفويت الأهلي للقاء

.

مش قال انا بس اللى لعبت بتراخى لا ده الفريق كله
ثم هقولك ايه
الزمالك فريق ابن ستين فى سبعين
المفروض الفريق المحترف والسوبر ميبصش على نتائج غيره وميدخلش نفسه فى حسبة
ده لو خسر انا اكسب وده لو اتعادل انا اخد بطولة
الفريق البطل هو اللى بيكسب على طول
انما منجيش نعلق اخطائنا على الغير
ونقول الاهلى خسر علشان الزمالك فوت ماتش
والبديهى ان الاسماعيلى فى المرحلة دى اقوى فريق فى مصر
راجع احصائيات ونتائج الدور الثانى

[محبة العلم]

الاسماعيلى البطل رغم انف الحاقدين

استطاع الاسماعيلى الفوز فى مباراه الزمالك عن جدارة و استحقاق و هذا ما يؤكده نتائج الفريق فى الدور الثانى فالاسماعيلى هو الاقوى حاليا وفق النتائج التى حققها الفريق فى الدور الثانى

ولا معنى للتواطؤ كما يزعم الاهلوية و انصار النادى الاحمر
و اعجبنى كلام الكابتن خالد القماش لما ساله احد المراسلين عن توقعاته للمباراة
كابتن القماش قال: كسبنا الاهلى و الزمالك فى القاهرة فالفوز على الزمالك فى الاسماعلية امر طبيعى و درع الدورى بره اسماعلية و احنا كلنا فى استقبالة

فيا ريت كل واحد يخليه فى نفسة ويبص لحالة و ميدريش خيبته بالمهاترات الكذابة اللى لابتودى و لا بتجيب

[محبة العلم]

عجبنى اوى كلام احد المسنين من ابناء مدينه الاسماعلية الجميلة

كان بيقول: درع الدورى زهق من النادى الاهلى نفسه يتنفس نفسه ييجى الاسماعلية علشان يتنفس

شوفته الطيبه و البراءة وصلت لفين و الله الناس دول طيبين اوى وهم فعلا احسن جمهور

و انا بعشقك يا اسماعلية رغم انك لست مهد ولادتى وكم وددت و تمنيت ان تكونى مهدى ولكن هذا هو القدر ورغم ذلك ستظلى فى وجدانى و عقلى وقلبى و خاطرى لان على ثراك حبيبى و معشوقى و اللى مجننى النادى الاسماعيلى

يا رب دمها نعمة علينا و خليلنا هذا الصرح الجميل

[Not Allowed]

المشاركة الأصلية كتبت بواسطة محمود طه القالع

فعلا احنا النهاردة كنا بنتفرج على مسرحيه بأجتماع كل الذين تابعوا المبارة سواء زملكاوى او اسمعلاوى او من له علاقه بكرة القدم التواطؤ موجود وفعلا الحمد لله انى اهلاوى بجد فعلا مش كلام الاهلى عمرة مفوت لحد ولا حد فوتله ماتشات ولو هى دى كرة القدم انا مش هاشجع كورة تانى خالص للاسف حال الكورة زى بلدنا اللى عايشين فيها كل حاجه ماشيه بالكوسه والمحسوبيات المهم ان ليا مصلحه عندك تخلصهالى زى مخلصتلك قبل كدة افتكروا كويس لما الترسانه باع ابوتريكه فى اول موسم ليه الاهلى نزل الترسانه درجه تانيه وابوتريكه جاب فى فريقه السابق جول هو دا بالظبط الفرق بين الاهلى والزمالك والصورة مش محتاجة اى تعليق الزمالك اخد 11 دورى شوفوا كام دورى اخدة عند طريق الاسماعيلى؟ والاسماعيلى شوفوا اخد كام دورى عن طريق الزمالك قبل كدة وعلى فكرة مش انا اللى بقول كدة التاريخ هو اللى بيقول كدة بالظبط زى واحد يذاكر طوول السنه وينجح بمجهودة وواحد تانى يغش فى الامتحان عشان ينحجح المهم انه ينجح وخلاص

نفس الكلام الى كنت هقولوا برضوا

حسبى الله ونعم الوكيل

مسرحية تقليدية وزى ميكون قاعدين فى سيرك

[محبة العلم]

ا

ووووووووووووووووووووووو اسمعلاوى

[Bent 3bdo]

هما الاهلاويه سابوا لاعبيبتهم العواجيز اللى خسروهم الدورى وجاينن يتكلموا
بيدى لا بيد عمرو انتو لو كنتو كسبتوا انبى وباقى الماتاشات كنتوا خدتو ادورى ومتبصوش فوت ولا مفوتش

ولا انتو خلاص مبقاش ف اديكوا حاجه ومستنين هدايا م بقيه الفرق

وبعدين احنا كده كده الموسم انتهى سابع زى تامن

نلعب بالاحتياطى نجرب ناشيئين براحتنا

وهو الاهلى لما كان بيحسم البطوله بدرى وبيلعب الاحتياطى مكنش بيأثر ف الهبوط وف المراكز الاهلويه

ولا هو حلال عليكوا حرام علينا

ياريت تبقى المعاير ثابته بقى

و احنا هنبقى سعداء اوى لو احنا اللى ضيعنا الدورى عليكو

[Bent 3bdo]

فى الجول ::: الشيشيني يحمل الاهلي مسؤلية الهزيمه


في الجوووول :,

قال سامي الشيشيني المدرب العام للزمالك إن مسؤولي الأهلي الذين تفرغوا لترديد الأقاويل عن تفويت المباراة للإسماعيلي هم السبب في هزيمة فريقه، موضحا أن الضغط المستمر أفقد لاعبيه تركيزهم.

وتلقى الزمالك الهزيمة من الإسماعيلي بثلاثة أهداف مقابل هدف يوم الثلاثاء في المرحلة 28 من الدوري الممتاز.

وأضاف الشيشيني في تصريحات لـFilGoal.com عقب المباراة "مسؤولو الأهلي تفرغوا لاتهامنا بتفويت المباراة مما أبعدنا عن التركيز في المباراة".

وتابع المدرب العام للزمالك "كان من الأفضل أن يهتموا بمبارياتهم، فهذه الأقاويل جعلتنا نضغط على اللاعبين لعدم التخاذل مما أبعدهم عن مستواهم الحقيقي".

وأبدى الشيشيني استيائه من الترويج لفكرة تفويت مباراته للإسماعيلي، مشيرا إلى أن قيم ناديه لا تسمح بهذه التصرفات.

وقال الشيشيني في المؤتمر الصحفي عقب المباراة: "عيب أن يتحدث البعض عن تفويتنا للمباراة، فتاريخنا لا يسمح بهذه الأمور ولكن واجهنا سوء حظ كبير".

وردد الكثير من مشجعي الأهلي قبل المباراة أن الزمالك سيفوت المباراة للإسماعيلي لمساندته في منافسته لغريمه الأحمر.

ويحتل الإسماعيلي صدارة المسابقة برصيد 57 نقطة متقدما بفارق ثلاث نقاط عن ملاحقه الأهلي وللأخير مباراة مؤجلة.

وأضاف المدرب العام للفريق الأبيض "سيطرنا كثيرا لا سيما في الشوط الثاني ولكننا لم نتمكن من تحويلها إلى أهداف".

وتابع الشيشيني "الهدف المبكر أربكنا وجعلنا نخوض المباراة تحت ضغط، وفي الوقت الذي كنا فيه الأفضل سجل الإسماعيلي".

وتقدم محمد محسن أبو جريشة في الدقيقة الثالثة وأضاف العراقي مصطفى كريم هدفين في الدقيقتين 25 و45، وسجل عبد الحليم علي هدف الزمالك الوحيد في الدقيقة 27.

وأشار الشيشيني إلى أن لاعبيه فشلوا في التسجيل من الفرص في الوقت الذي استغل فيه الإسماعيلي كل ما سنح إليه من فرص.

وأردف الشيشيني "في الوقت الذي بدأنا فيه العودة للمباراة استقبلنا هدف ثالث أربك الفريق مرة أخرى".

[Bent 3bdo]

من هولاكو ملك النادى الأهلى .. إلى شعب الإسماعيلية : لقد شاخ رجالنا ..و فشلت أشبالنا .. و نفذ رصيدنا .. لذا فوجب عليكم إمدادنا بما يعوض فشلنا و نقصنا و إلا .. و إلا حرقنا أرضكم و خطفنا أشبالكم و قتلنا نساءكم...