عنوان!! نبقى نشوف موضوع العنوان ده وقت تاني

[هنا الفقي]

بسم الله
السلام عليكم ورحمة الله وبركاته
ازيكم ولاليد وبنانيت
أخباركم واهرامكم ودوستوركم
كويسين
برافون برافون برافون
أدخل ف الموضوع ع طول
حي على الفلاح
أولا احنا متعودين ندخل هنا نحط مواضيعنا اللي بتحمل الكثير مما يتعلق بديننا ودنيانا
كتير من مواضيعنا بتبقى مهمة وأساسية ف حياتنا وبتعلمنا كتير كتير كتير
لكن احنا عاوزين نستفيد من كل كلمة بجد مش اي مسج يجينا ع الميل يتنقل وخلاص
مش اي موضوع نحطه سواء متاكدين منه او لا ..يناسبنا او ما يناسبناش يتنقل وخلاص
لا خلينا نحس مواضيعنا ونحس احنا محتاجين ايه
هاتقولولي احتياجات كل واحد بتختلف عن التاني ويمكن حاجة تصادف حد تكون سبب ف هدايته او ما الى ذلك
معاكم لكن اقصد يكون في دقه واهتمام اكتر
...معلش قد يكون كلامي مرة ملخبط وكمان مش عاوزة حد يفهم اني بقول ما تحطوش مواضيع كذا وحطوا كذا
تؤتؤتؤتؤتؤتؤتؤتؤ ابدا ابدا

اطلاقا
مش عملية مواضيع بس خااالص لكن ممكن نقول حكاية نوايا وتغيير وتجديد
أنا نيتي ايه وانا بكتب او بنقل الموضوع ده
لما اجدد النية لله هاخد على كل حاجة بعملها حسنة وانا بفكر ف النقل وانا بعمل كوبي وانا ببست وانا بضيف وانا بتمنى ان حد يستفيد منه
انا مش بقولك نيتك ايه
ابدا
النية محلها القلب
وبرده مش انا اللي بقولك هاتاخد حسناتك على ايه ...لا طبعا أستغفر الله ....الله تعالى أعلى وأعلم
حاجة تانية بقى
احنا وبلا نقاش وبلا اختلاف اراء وزي ما بيكتبوا ع الكتب من بره أمهات ورجال المستقبل
يعني ده مستقبلنا احنا
يعني اللي جاي لينا احنا مش لحد تاني
تعالوا بقى نعمل حساب بكره ..ونعد نفسنا ليه
كلنا عاوزين الدنيا تتصلح والناس كلها تبقى كويسة والرغي الكتير اللي بنفضل نردده وخلاص ده
بس عشان نصلح اللي حوالينا لازم احنا نبدا بنفسنا ودي مش حاجة جديده ومش اول حد ولا اخر كمان يقولها
أن الله لا يغير ما بقوم حتى يغيروا ما بأنفسهم
واحنا مش ملائكة فكل واحد بيبقى عنده صفة نفسه يخلص منها او نفسه يكتسبها
تعالو نقول الشهر ده كل واحد يتقدم خطوة للافضل يغير ف نفسه حاجة للاحسن عشان ربنا يغير حالنا للافضل

باختصااااااااااااااار
عشان زمانكو صدعتو وما وصلتوش لحاجة من الكلام ده
ان شاء الله
هانغير ف أنفسنا حاجة واحده الشهر ده للافضل حتى ولو ان اللي مش بيذاكر كويس يشد حيله عشان يعرف يخدم الدين بعلمه (وعلى رأي المثل اللي ما بيذاكرش يذاكر )
لو حد قاطع رحم او حتى ما بيسالش عليهم يبدا يرفع سماعة التليفون مرة ف الاسبوع

هانجدد نوايانا دايما ان شاء الله ف كل حاجة كبيرة وصغيرة
(لا تحقرن من المعروف شيئا ولو أن تلق اخاك بوجه طلق

بس كل واحد يوعد نفسه مع نفسه كده بانه هاياخد خطوة معينه
تمام
طب هاقوم انا بقى عشان عندي مراجعة واللي عندو اي اقتراح او تعديل او اعتراض يتفضل ولا يهموا البيت بيتكو وابقو عدوا على دول بالمرة

http://www.thanwya.com/vb/showthread.php?t=87393


http://www.thanwya.com/vb/showthread.php?t=83103

السلام عليكم