|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-09-2008, 02:40 PM
|
|||
|
|||
شرح طريقة تسطيب الويندوز من الالف للياء...... و بالصور
بسم الله الرحمن الرحيم السلام عليكم اصدقائى فى المنتدى انا وعدت انى اعمل الموضوع ده فى المشاركة السابقة وادى الموضوع بسم الله نبدأ ****************************** بس عشان تبدأ لازم تتأكد ان عندك القدرة على المواصلة وبتركيز ... ************************ المتطلبات .. سى دى روم او سى دى رايتر و اسطوانة ويندوز ******************* 1 - ندخل اسطوانة الويندوز .. ثم اعادة تشغيل هتظهر لنا شاشة سوداء مكتوب فيها pres any key to boot from cd ... نضغط على اى مفتاح من اللوحة . هتيجى شاشة زرقاء هيعد شوية حاجات كده لما تخلص هيجيب الشاشة دى  هنضغط enter لتسطيب نسخة جديدة . ***************************************** 2 - هتظهر لنا صفحة الترخيص نضغط f8 للموافقة .  ************************ 3 - دى اهم واخطر خطوة لانها التعامل الوحيد مع الهارديسك وهى عمل الفورمات . بنختار المكان اللى هنسطب فيه الويندوز ودائما هو البارتشن رقم 1 او c  ************************************************** * 4- فى هذه الخطوة اختيار نوع الفورمات .  ******************************** 5 - يطلب منك الضغط على F للفورمات او اى مفتاح اخر غالبا بيكون F ثم enter حسب الكلام اللى هيكون موجود ..  **************************** 6 - فى النافذة التالية يتم نسخ الملفات  ************************************* 7 - بعد الانتهاء من نسخ الملفات هيعمل ريستارت ولا نضغط على مفتاح عند اعادة التشغيل  ******************************* 8 - بداية النهاية بعد الريستارت  **************************** 9 - نافذة اكمال الإعدادات  *************** 10 - الخطوات القادمة من 10 الى 19 تستخدم مع نسخ الويندوز الاصلية وبعض النسخ المعدلة غير موجود فيها هذه الخطوات المهم اننا نعرفها عشان لو قابلتنا نعملها . اولا : اعدادات اللغة .  ********************* 11 - إختر customize لتعديل دعم اللغة العربية سوف تظهر النافذة التالية :  ********************* 12 - بعد التعديل نضغط ok وننتظر  ******************** 13 - بعد تثبيت ملفات اللغة إختر الخيار التالي advanced وإختر من القائمة المنسدلة إسم دولتك ولغتك ثم أشر على كل خيار به Arabic كالتالي : نختار arabic Egypt  *************************** 14 - بعد إختيار جميع العربية اذهب لأول خيار Regional options واختر دولتك في القائمتين المنسدلتين ثم إضغط على ok كالتالي : احنا هنختار مصر طبعا .  *********************************** 15 - سوف تظهر النافذة التالية ضع بها أي شي إسمك أو شي تريده  ************************ 16 - الآن ضع ال****** نمبر أو مفتاح القرص في النافذة التالية : وال****** ده هيا ارقام تسجيل النسخة من ميكروسوفت وده ****** اضافى wcbg6 - 48773 - b4byx - 73kjp - km3k3  ********************************* 17 - ضع إسم الكمبيوتر كالتالي  *************************** 18 - عدل إعدادات الوقت والتاريخ والمنطقة الزمنية بالنسبة لتوقيت القاهرة نختارها من القائمة .  *************************** 19 - إتركه ليكمل الإعداد ممكن هنا يطلب اعدادات network دى عبارة عن تعريف الجهاز على الشبكة لو موجودة ودى سهلة جدا  وباقى الخطوات القادمة موجودة فى كل انواع الويندوز . ********************** 20 - الآن هي الإعدادات النهائية إضغط على زر Next بالأسفل كماهو موضح أدناه  *************************** 21 - إتركه ليكمل الإعداد والآن إضغط Skip وذلك من أجل إلغاء التسجيل في مايكروسوفت .  ثم نضغط next  نكتب اسم المستخدم  ثم next و finish $$$$$$$$$$$$$$$$$$$$$ congratulations نحن على سطح الوندز تم الإنتهاء ولكن لاتوجد إلا أيقونة سلة المهملات على سطح المكتب أين باقي الأيقونات لذلك أنا أضفت هذه الخطوات الإضافية لإظهارها وهي عن طريق الضغط بالزر الأيمن للفارة وإختيار properties آخر خيار لتظهر لك النافذة التالية إختر خيار Desktop ثم بالأسفل إختر costumize Desktop   *********************************** فى الختام اتمنى انى اكون وفقت فى هذا الموضوع ولازم نجرب عشان نبقى 100/100 ممكن يكون فى مشاكل فى الاول بس بعد كده اوك . تم التطبيق على نسخة windows xp professional sp2 ومفيش خطوات اكتر من الخطوات اللى شرحتها واى استفسار او طلبات اخرى انا فى الخدمة ****************************** تم الإنتهاء بحمد الله شكرااا لكم A * A * A & EGYPTAIN PHARAON ***********************
آخر تعديل بواسطة ahmed abobakr ، 05-09-2008 الساعة 07:44 PM |
|
#2
06-09-2008, 02:04 AM
|
||||
|
||||
جزاك الله خيرا على جهد الرائع بس عندي سؤال
هل اقدر اسطب الويندوز على كمبيوتر عليه اصلا ويندوز يعني لو عوزة اجرب ينفع اجرب على كمبيوتر متسطب عليه اصلا ويندوز؟؟؟؟؟؟؟ هل طريقة تسطيب ويندوز xp زي ويندوزvista؟ في الخطوة الاولى لما بحط السي دي بيبقى الكمبيوتر مفتوح عادي وبعدين انا بعمل restart؟؟؟؟؟؟؟!!!!! و اخر سؤال لما اسطب الويندوز على الكمبيوتر هل الحاجة اللي عليه بتتمسح؟؟؟؟؟؟؟!!!!!!! بس كدة  وشكرا جدا على اهتمامك
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب" |
|
#3
06-09-2008, 01:40 PM
|
|||
|
|||
|
اولا - ايوة ينفع تسطيب وندوز على جهاز عليه وندوز .
ثانيا - كل انواع الويندوز بتمر بالخطوات دى . xp و visita ثالثا - عند الضغط على زر تشغيل الجهاز مباشرة نضع الاسطوانة فى السى دى روم عشان يبدأ يقراها . لو جاب pres any key نكمل لو مجبهاش نعمل ريستارت تانى . رابعا - فى بارتيشن مخصص للوندوز ده بيتعمله فورمات يعنى كل اللى عليه بيتمسح وهوا Local Disk( c بس . يعنى اى حاجة على Desktop او داخل البارتشن هتتمسح . وباقى الهارد زى ما هوا . ولا شكر على واجب ................ 
|
|
#4
07-09-2008, 03:32 AM
|
||||
|
||||
|
ربنا يكرمك بس في استفسار
لو انا سطبت الويندوز على ال(c)فده معناه ان كل البرامج الاساسية اللي عليها هتمسح زي الاوفس و برنامج الانتي فيرس فكدة انا لازم انزلهم من جديد صح كدة ولا انا ممكن اسطب الويندوز في مكان تاني بحيث البرامج دي متتمسحش؟؟؟؟؟؟ و في سؤال ساذج كمان بعد اذنك هوة اسطوانة الويندوز دي ممكن اجبها من اين؟؟؟؟؟؟؟؟؟؟ و شكرا
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب" |
|
#5
07-09-2008, 12:44 PM
|
||||
|
||||
|
اولا ..بجد يعني موضوع جمييل جدا وبسيط والناس كلها تفهمه باذن الله وجزاك الله كل خيرااا .....اما بالنسبه للسؤال بتاع (اجيب
الاسطوانه منين ) هو في حلين الاول انك تشتري اسطوانه من ميكروسوفت اللي هي قانونيه يعني ودي مش غاليه اووي يعني من200 الي 500 باختلاف النسخه هههههههههههه (رخيصه اوي يعني )وطبعا مفيش حد بيعمل كدا لان مفيش حد يقدر علي السعر دا وغير كدا هيروح يجيبها من القاهره ...الحل التاني اسطوانه من عند اي حد من أصحابك او قرايبك ممكن تكون اصليه فعلا يكون هو شاريها ولا حاجه او ممكن تكون بقي اسطوانه من اللي هي ملعوب فيها يعني نازله ببرامج وحركات وكدا بس دي في الغالب بتضرب وندوز بسرعه لان الاسطوانه الاصليه بتيجي من غير اي برامج ...دور يعني عند حد من أصحابك وهتلاقي باذن الله .........يا رب يكون الكلام نفعك
__________________
Tawfeek Yahia Mohammed
Faculty of Computer & Information Science Mansoura University |
|
#6
07-09-2008, 12:57 PM
|
|||
|
|||
|
اقتباس:
اما لو اتعمل فى بارتيشن تانى مش هيمسح البرامج طبعا . بس هيمسح اى حاجة فى البارتيشن ده . والوندوز ممكن تلاقيه فى اى مركز كمبيوتر او سايبر .. فى بلدنا النسخة ب 5 جنيه . او ممكن تتحمل من النت . |
|
#7
07-09-2008, 02:03 PM
|
||||
|
||||
|
الأول شكرااا للموضوع
ثانيا عايز اضيف حاجه بسيطة فى البداية ممكن بعد ما تحط السى دى فى الدرايفر بتاعه وتعمل ريستارت بردوه مش هتلاقى كلمة press any key ده معناه إن السى دى روم مش فى الـ boot sequence طيب يعنى أيه الأول boot sequence ؟ الـ boot يعنى المكان اللى هيبدأ الجهاز يقرأ منه السيستم بتاعه اللى هو ممكن يكون ويندوز أو دوس أو أي سيستم تانى وعليه فإن الـ boot sequence هى ترتيب لبعض الأماكن اللى الجهاز ممكن يقرأ منها السيستم بتاعه غالبا بتكون بالترتيب ده floppy disk harddisk cd rom أو writer بيختلف طبعا الترتيب ده بس الترتيب ده معناه ايه ؟ معناه أن أول الجهاز ما يقوم هيبدأ يبص على الـ floppy disk driver يدور فيه على أى سيستم لو لقى هيبدأ منه مفيش هيشوف اللى بعده يلاقى الهارد ديسك يشوف لو عليه سيستم سواء ويندوز أو لينكس أو يونكس أو أى سيستم هيبدأ يحمل منه مفيش يشوف الـ cd rom ويدور على سيستم فيه لو لقى هيبدأ منه مفيش خلاص بقى هيعمل ايه ؟؟ " يجيب تخته من بيتهم ؟؟ " وهتكون النتيجة هنا إنه هيديك رساله boot failure أو أى نوع من الرسايل دى طيب نرجع بقى لمرجوعنا الأول واحنا عايزين نسطب ويندوز لو كان الترتيب السابق ده هو الموجود وكان فى ويندوز على الجهاز طبعا مش هيعبر السى دى فى أى حاجه وهيدخل علطول لو مفيش ويندوز ساعتها بقى هيبص على السى دى روم طيب لو السى دى روم مش موجوده فى الـ boot sequence ده بردوه مش هيدور عليها هيفتى يعنى ؟ طيب الحل بقى نعمل ايه ؟؟ اقولك اعمل ريستارت وفى البداية خالص اضغط على زرار delete اضغط أكتر من مره لحين ما تظهر شاشة زرقاء كده اسمها شاشة الـ motherboard setup ودى بتختلف باختلاف نوع البورده بتاعتك ممكن يكون مش الـ delete هى اللى بيوديك للشاشة دى ممكن يكون f2 أو أى حاجه تانيه هو هيقولك عليها فى أول شاشة بتظهر for Bios press f2 أو ممكن تكون for setup press del كده يعنى بس عموما هتلاقى فيه اختيار اسمه boot sequence أو boot configuration خليك معاه لغاية ما توصل للـ boot sequence ومنها خلى الـ first boot هو السى دى روم واضغط f10 علشان حفظ التغييرات وبعدين Esc أو أيا كانت طريقة حفظ التغيرات حسب نوع البوردة بتاعتك كده بقى انت ضامن 100% تلاقى جملة press any key بتاعة السى دى لو كانت السى دى اصلا موجودة فى الدرايفر بتاعها حد فاهم حاجه ؟؟؟ . .
__________________
 |
|
#8
07-09-2008, 02:18 PM
|
|||
|
|||
|
طبعا كلامك صح 100/100 ومش هيشتغل من غيره بس العمل فى البيوس بيحتاج دقة عالية لأن اى غلط ممكن يعمل مشكلة . وانا مرضيتش اتكلم فيه على افتراض ان ترتيب البوت
cd rom hard disk floppy disk عند كل الناس . على حسب اخر وندوز اتسطب . |
|
#10
08-09-2008, 08:41 AM
|
||||
|
||||
|
طيب كدة هيبقى في سؤال مهم
ايه البرامج اللي لازم انزلها على ال(c) بعد ما اسطب الويندوز؟؟؟؟!!!! انا عرفة ان اسالتي كترت بس سامحوني (الجهل وحش  )
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب" |
|
#11
08-09-2008, 12:46 PM
|
|||
|
|||
|
البرامج اللى انتى هتستخدميها فى الجهاز هيا اللى هتتسطب .
وبرنامج انتى فيرس ( نود 32 او كاسبرسكاى ) وبرامج الصوت مثل winamp و كودك لتشغيل الافلام مع الميديا بلير اللى بتنزل مع الويندوز وبرنامج winrar لفك الملفات المضغوطة . دى اهم حاجة والباقى حسب الطلب . |
|
#12
10-09-2008, 12:41 AM
|
||||
|
||||
|
اقتباس:
 يعني البرامج المهمة هتتسطب لوحدها؟؟؟؟؟؟؟؟ اما البرامج التانية اللي هية الانتي فيرس و winamp و الميديا بليز انا الي هنزلها صح؟ هوة ممكن انزلها من النت؟؟؟؟؟؟!!!!!!!!
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب" |
|
#13
10-09-2008, 01:31 PM
|
|||
|
|||
|
ممكن البرامج دى تكون موجودة فى الوندوز المتعدل بس .... اما الوندوز الاصلى مفيش معاه برامج خالص ..
دى اهم البرامج اللى بيطلبها اى جهاز ولا غنى عنها ... ودى لو مش عندك تتنزل من النت .. فى منتديات برامج كتير ... windows media player دى موجودة فى اى نسخة وندوز .. |
|
#15
11-09-2008, 11:51 PM
|
|||
|
|||
|
شكرا لكم جميعا على الردود الطيبة هما مش كتير بس ده الموجود والحمدلله ان كل اللى دخل القسم من طلبة الحاسبات قال رأيه واستفساره .. وان شاء الله نقدر نتعاون مع بعض ايام الدراسة .
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:29 PM.
