|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
14-05-2009, 10:07 PM
|
|||
|
|||
حدث بالفعل داخل لجنة الإمتحان !!
موضوع قديم وجديد فى نفس الوقت ومشكلة أصابتنا فى عقولنا وذواتنا وثقافتنا فأصبحت جزءاً أصيلاً من اللاوعى والعقل الباطن لكل فرد فى هذا المجتمع.
المشكلة هى " الغش فى الإمتحانات " الذى انتشر بشكل هجومى فى جميع المدارس المصرية ، وأكررها فى جميع المدارس المصرية وأتحدى من يثبت عكس ذلك ! وحين تقوم بمناقشة أطراف العملية التعليمية المتعصبين لمبدأ " الغش " تفاجأ بسلسلة ردود لولبية سريعة موجهة إلى عقل سيادتك تتهم حضرتك إما بالجهل بأصول و قواعد الإمتحانات أو الوقوف ضد مصلحة الطلاب أو الإتهام الأخير بأنك موالى للنظام ، وقاتل لفرحة أولياء الأمور بنجاح أبناءهم فى هذه التمثيلية المسماة بالامتحانات ! أحدهم قال لى بصفتى مدرساً وملاحظاً فى لجان الإمتحانات وأرفض مبدأ الغش : " ياأخى حرام عليك دول أولاد تعبانين وآباءهم محروق دمهم عليهم متبقاش انت كمان عليهم " وزميل آخر حريف غش بمجرد دخوله أى لجنة تتحول بقدرة قادر إلى سيرك لإستخراج الكتب وبراشيم الغش ، قال لى بثقة زائدة : " بكرة تعرف إنك غلطان وإن اللى بنعمله دة هو أكبر صح " طب إزاى معرفش !! أما الطامة الكبرى فهو تحول أولياء الأمور فى موسم الإمتحانات إلى ماكينة صرف آلى متنقلة تنفق مئات الجنيهات على طلبات " البهوات المدرسين " أثناء إنتدابهم فى لجان الشهادات العامة فى المحافظات الأخرى ، وتلبية جميع رغباتهم من طعام وشراب ومبيت فى استراحات وفنادق خارجية ورشاوى مادية وعينية عينى عينك من أجل عيون الباشا التلميذ ! فيا دعاة إصلاح التعليم وياوزير التعليم ويا سيادة رئيس الوزراء وياأصحاب المؤتمرات الضخمة والإجتماعات المهمة .. الخطر كبير والملف شائك وحساس لأنه ببساطة ينسف بذرة هذا الوطن ومستقبله ويدمر جذوره .. عل فكرة ، زملائى المدرسين من أصحاب مبدأ الغش "يلعبون" فى دماغى كل يوم كى أتحول إلى جانبهم ، وأنا بصراحة فى ظل صمت المسئولين وتجاهل المجتمع للمشكلة - شكلى رايح معاهم – فماذا ترون ؟! |
|
#2
14-05-2009, 10:46 PM
|
|||
|
|||
لأ بالله عليك خليك على موقفك
أي نعم أنا عارف الضغوط اللي عليك كتيرة وحيتقال عنك إنك عدو الطلبة وضد مصلحتهم و .... و .... إلخ الموضوع فعلا خطير وخطير جداً ... ممكن بدون مبالغة نقول إنها قضية أمن قومي لو نظرنا للدول اللي حولينا حنشوف هما وصلوا فين وإحنا تأخرنا إلى فين هما عارفين قيمة العلم والتعليم ....... وإتقدموا في كافة المجالات ونحن ............ أقول إبه بس بالله عليك خليك على موقفك إنت واللي زيك أنتم الأمل اللي باقي من اجل إصلاح ما تبقى من التعليم في مصر ... وللحديث بقية وياريت نتعاون كلنا مع بعض ونعمل حملة ضد الغش |
|
#3
14-05-2009, 11:23 PM
|
|||
|
|||
|
اخىالكريم: الله ناظرى. الله شاهدى. الله مطلع على. وهو معكم اينما كنتم .و اتقوا الله حيثما كنتم . فأ نتم محا سبون امام ربكم على جميع اعمالكم. فمن غشنافليس منا . مع تحيات العمدة الازهرى الاصيل
|
|
#4
14-05-2009, 11:48 PM
|
|||
|
|||
|
اخى انا تعرضت لمشاكل لاحصر لها من 20سنة وحتى الان لم ادخل لجنة وغششت ولن يحدث رغم ان تعرضت لما لاتتخيلة ...ابدا ابقى كما انت اوعى تغشش مهما كانت مبررات هؤلاء
|
|
#5
15-05-2009, 12:37 AM
|
|||
|
|||
|
صورة بالكربون لما يحدث فى جميع المعاهد
ولا حول ولاقوة الا بالله ربنا يثبتنا فى الدنيا والاخرة والمشكلة ان حتى شيوخ المعاهد بيطلبوا من المدرسين الغش بحجة تحسين صورة المعهد لان نتيجة التيرم الاول سيئة!! يريدون تحسين صورة المعهد بالكذب!! ولا حول ولا قوة الا بالله |
|
#6
15-05-2009, 12:58 AM
|
|||
|
|||
|
على فكرة يا استاذنا المشكلة اكبر من كدة بس ولى الامر اهم حاجة الابن ينجح والخيبةالتقيلة فى الثانوية بتبان وبعد كدة المستقبل يضيع وانا لو مكنانك افضل على موقفى يمكن نغير حاجة (انا مرة سالت طالب لية الغش قال ذاكر تنجح غش تجيب مجموع)وشكرا
|
|
#7
15-05-2009, 08:09 AM
|
|||
|
|||
|
والله العظيم احنا فى هم كبير
بعض الاخوه يظنون ان كل شئ تمام والبلد ميه ميه وبلاش تشاؤم انا فى صدمه نفسيه وبحاول بينى وبين نفسى افكر ازاى انهى موضوع الغش ده ولو على الاقل فى المعهد الذى اعمل فيه ولكن لما اتكلم مع أحد الزملاء يعمل ودن من طين والتانيه من عجين ياجماعه مصر انهارت وربنا يستر على ايامنا الى جايه |
|
#8
15-05-2009, 08:44 AM
|
|||
|
|||
|
أحنا الحمد الله معهد فتيات الزقازيق كلنا متفقين على مبدأ واحد وهو عدم الغش وهذا من سنين وشيخ المعهد معنا
|
|
#9
15-05-2009, 07:31 PM
|
|||
|
|||
|
أخي الكريم هناك صحوة من كل المدرسيين فأرجوا أن تكون قدوة وقائد لكل مدرس شريف وترشد الأخرين لما فيه الخير وعدم الغش
|
|
#10
16-05-2009, 06:17 PM
|
|||
|
|||
|
انا يا سيدي حريف غش وهذا لاني خايب لا والف لا ولكن لكي اغيظ المراقب الذي هو اساسا مدرسي طوال العام وانا لا اغش بطرق تقليديه ولكن بطرق عبقريه لكي ابين له غباءه وبدون تعليق
__________________
مصري وأفتخر واللي مو عاجبه ينتحر يكتب علي قبره منقهر حاول يتحدي أحمد وما قدر----------- لا اله الا الله ربنا يوفقني ويوفق كل مجتهد.............. < 
|
|
#11
16-05-2009, 07:34 PM
|
|||
|
|||
|
الغش متواجد فى المعاهد علشان المدرسين فى المعاهد فى نوعين اللى متمسك بمبدأ عدم الغش واللى سيبها تدعك ومكبر دماغه
علشان النوعين كل واحد له فكر اللى بغيشش ومكبر دماغه بيقول يعنى اللى نجحوا قبلهم عملوا أيه يعنى الوظيفة مستنيهم إما النوع الثانى اللى متمسك بمبدأ عدم الغش لان الغش حرام وأيضا لإصلاح المجتمع وحفاظاً على قدوة المدرس أمام الطلاب |
|
#15
30-05-2009, 04:50 PM
|
||||
|
||||
|
هذا يا استاذي الفاضل بداية الاصلاح الذي ناديت به منذ ايام في موضوعي ( انت ع الهامش لانك ازهري )
وها هي اول خطوات الاصلاح الفعلي الذي يجب ان نتبناها وتكون البداية الحقيقية كلنا اخي الفاضل komanda نتعرض لمثل هذه الضغوط فإما ان نثبت ع طريقتنا ومبدئنا وإما وآآآآآآآآآآآآآآآآآآآآآآآآآآآآآآآآآآآآآآآآآآآآآه من إما الثانية |
| العلامات المرجعية |
| الكلمات الدلالية (Tags) |
| لجنة, مشكلة, الامتحان, الغش, ظاهرة |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:53 AM.
