الثانوية العامه مش فيلم رعب

[lord dedo]

بسم الله الرحمن الرحيم
____________________
يا جماعة ليه كل الناس (طلبه ومدرسين وأولياء امور )
بيتعاملوا مع الثانوية علي انها فيلم رعب وهو البطل الي بيشوف كل الاهوال وعليه انه يعديها ويحل المشاكل
الموضوع ابسط من كده بكتير

كل طالب(علمي #ادبي)
عليه منهج يذاكره طول السنه ويحل اسئله ويروح دروس (او يزوغ دي حاجه ترجعله)
واخر السنه عنده امتحان من المنهج _ الي ذاكره طول السنه_لازم يحله علي حسب طموحه وارادته لو عايز يبقي (دكتور بأي نوع)لازم يحل كويس ويركز طول السنه ويخاف علي الربع درجه
لوعايز يبقي(سباك)يبقي يزوغ من الدروس ويلعب (p.s2'3)
ويعمل كل الي هوا عاوزه طول السنه

يعني كل واحد يبذل جهد حيلاقيه ويرتاح في الاخر وده شئ طبيعي
فلازم نهون علي نفسنا فترة المتحانات ونعديها بسلام لأنها هي فعلاا الفتره الي محتاجه مننا اكبر تركيز ونحاول نزود الثقه في نفسنا ونعرف قدراتنا الحقيقيه ونركز وبرضه نرفه عن نفسنا (بس مش بلاي ستاشن)

بس مش ترفيه جامد اوي عشان نلاقي الي احنا عاوزينه في الاخر ونرضي اهلنا ومنزعلهمش ونصلي وندعي لربنا يوفقنا ويدينا علي قد ما تعبنا في السنه دي لانها اخر سنه وبعدها كل واحد حيرو ح الحته(الكلية) الي كان بيذاكرلها من الاول ويحقق حلمه ويثبت نفسه

انا اسمي محمد عبد المحسن الديب
علمي علوم
الماده الادبيه:علم نفس
المهنة المستقبليه(عالم جينات) ان شاء الله

[الاحمدية]

كلام مظبو ط 100%

[aboody2010]

انت مية المية
انا كل سنة لازم اخرج في الوقت الي قبل الامتحان كتير بس مش اوي وبذاكر الحمد لله وانا لازم اخرج بعدكل امتحان حتي ولو ساعة وحدة اروح اي مكان و الحمد لله بذاكر كويس ويارب يوفئنا كلنا
ان شاء الله

[حبيبى لن انساك]

كلامك جميل اوى بس برضه حتى لو الواحد بيزوغ من دروسه المفروض برضه يخاف على مال اهله و كمان لازم يكون حاطط فى دماغة ان ابوه مش بيلاقى الفلوس دى مرمية على الارض دى تعب و شقى ايام و فى الاخر ناس تضيعها على الفاضى و يجوا يقولوا فى الاخر (لو كنت سمعت الكلام من الاول ما كنش ده حصل ) و تقبل ردى و مرورى

انا اسمى محمد / ادبى / المادة العلمية كانت السنة الى فاتت كيمياء / و بتمنى ان اكون مهندس مساحة ان شاء اللّه