اوعوا تفهمونى غلط انا مش ببص قصدى حاجة غرضى هادف والله

[الجويرية]

السلام عليكم ورحمة الله وبركاته
كيف حالكم جميعا؟
يارب تكونوا كلكم بخير
ويارب يوفق اللى بيمتحنوا واللى لسه ماامتحنوش
نيجى للموضوع
عاوزة اتكلم عن موضوع منتشر بين شباب
ورجال
وهو واحد مثلا مش بيغض البصر
تقوله انت المفروض متبصش غض بصرك حرام
يقولك لا اوعى تفهمنى غلط
انا ببص للبنت دى علشان تتكسف وتلبس اوسع
وفى يقولك فى حديث عن الرسول صلى الله عليه وسلم من راى منكم منكرا فليغيره
وانا كدة بغير منكر
لا ومش شباب بس للاسف
كان عندنا مدرس لغة عربية فكان ملتحى
ومكنش بيغض البصر للاسف
فروحت اذكره بغض البصر
قالى لا انت مش فاهمة ده اناببص على جيبة فلانة علشان هى ضيقة
علشان تتكسف وتوسعها
وببص على بلوزة علانة علشان تلاحظ انى ببصلها فتطولها
وقالى انا استاذ فلان واعرف الشيخ فلان وازاى تقوليلى كدة
انت مش شايفة لبس البنات عامل ازاى لازم حد ينصحهم
وان مكنش مدرس اللغة العربية اللى يعمل كدة مين اللى ينصحهم
بس بقى فطلعت انا فى الاخر اللى غلطانة
وازاى افكر كدة
قولت جايز منطقه يكون كدة
بس للاسف انتشرت اوى تلاقى الشباب بيعملوا كدة
يبص ويصور فلانة وبعدين يقول استغفر الله العظيم
بنات ويقعد يدعى بقى
ويقول من راى منكم منكرا فليغيره
لا ياجماعة مش الولد بنظرته هايغير البنت
ماينفعش اعالج سيئة بسيئة اكبر
لازم نغير نظرتنا دى
والبنات بتلبس ضيق علشان تلفت النظر ليها
فلو لقت محدش بيبصلهااو بيعلق عليها
فتقريبا هاتمل ومش هاتعمل كدة فى نفسها
فياريت ياجماعة نلزم غض البصر بجد
وبجد الله يكون فى عون كل شاب
ويكون اجره عند ربنا كبير اوى
فياريت ياجماعة تدخلوا وتقولوا حل للمفهوم الغلط ده
وربنا يرزق جميع بنات المسلمين بالازواج الصالحة
ويرزق جميع اولاد المسلمين بالزوجات الصالحات
ويجعل من جيلنا من تلد صلاح الدين وعمر وابا بكر
معلش طولت عليكم
شكلى هاعمل موضوع الرغى
بس فعلا انا زعلانة على بناتنا وعلى شبابنا
والله بتالملهم ليتهم يعلمون عاقبة مايفعلون
وجزاكم الله خيرا