رجيم 100 100

[hagar barakat]

رجيم قليل الكربوهيدارت

انواع الرجيم: طبعا انواع الانظمة الغذائية (الرجيم) مختلفة وكثيرة منها اللي يجوعك ومنها اللي يعاقبك ومنها اللي بدون فائدة ولكن انا اعتقد ان البرنامج اللي جايبه لكم هو هبة من الله تعالى , كما قالها هكذا الدكتور اتكنز في كتابه.

نبذه عن تجربتي : التجربة هي تجربة شخصية, خضتها بنفسي عندما علمت ان هذا الرجيم هو للكسالى واللي ما لهم خلق يتحركون وللي يخافون الجوع, فانا صراحة منهم واخذ وزني بالتناقص تدريجيا, لن اذكر وزني لاني كنت سمين بالنسبة الى كتلة جسمي ونقصت خلال 3 اشهر ونصف , ما يقارب 23 كجم من الشحم, تخيل ان وزنك ينقص تدريجيا بدون لعب رياضة او ادوية للتخسيس او نوادي صحية, فقط بمجرد الاكل المتوازن حتى الشبع, عكس انظمة الرجيم الاخرى والتي تجعلك في مجاعة طوال اليوم, او غيرها التي تكرهك بتناول نوعية واحدة من الطعام طوال اليوم.
من فوائد هذا البرنامج هو:

1- لا تحتاج للذهاب الى النوادي للتخسيس
2- لا داعي لعمل العمليات الجراحية مثل قص ولزق وربط المعدة او الامعاء
3- لا حاجة لاستخدام الادوية الخاصة بالتنحيف
4- لا تشتري اي جهاز رياضي في البيت
5- اكل حتى الشبع
6- بامكانك ان تاكل من المطاعم

*-*-*-*

الصراحة ان الرجيم او خسارة الوزن لا تبدأ من النوادي الرياضية, انما تبدا في مطبخك, اجعل مطبخك هو ناديك الصحي, ابدأ بخسارة وزنك من هنا وازن وجباتك اليومية كثيرة الكربوهيدرات, خفف تلك النشويات, بعدها لن يحتاج جسمك لخزن الدهون .

البرنامج الرئيسي:

المراحل : البرنامج له اربع مراحل, كل مرحلة فيها وزن معين من جرامات الكربوهيدرات, فيها يقوم الجسم بالبحث عن الطاقة فلا يجدها الا في الشحوم المترامكة داخل الجسم فيقوم باستخدامها لعمل الطاقة اللازمة, وفي المرحلة الاخيرة وهي مرحلة التكيف والعيش بتوزان مدى الحياة وتصبح انت خبير في اختيار المأكولات المناسبة لك.

اعدائك :
اول اعدائك هو نفسك التي تامرك بان تاخذ لقمة حلوى من هنا وقطعة خبز من هناك.
ثاني الاعداء اهلك واقرب الناس اليك, حيث ان جهلهم بما تقوم به انت من حمية لا يدركون فيها عدد او وزن الكربوهيدارت في اكله معينة او ثمرة يقدمونها لك او يدسونها لك في الطعام كفتات الخبز على سبيل المثال او نشا الذرة المحلى.

ثالثهم : وهي خطيرة نوعا ما وهي المجاملة كحضور حفلة زفاف مليئة بالكربوهيدرات مثل صحون الرز والمعجنات.

عيوب هذا البرنامج:

من اوضح العيوب انه مكلف مادياً

والعيب الثاني ان اعدائك عددهم كبير منهم الاطباء, والشركات الكبرى المصنعة للكربوهيدرات والتي تروج لمنتجات خاصة للحمية وهي عكس ذلك مثل رقائق الذرة للفطور, وستشاهد ذلك بنفسك.

فوائد البرنامج:

اعظم فائدة هي ان تملك جسد صحي بدون شحم بطريقة صحيحة وآمنة.

ومن فوائده ايضا يجعلك تحس بحاسة تذوق اللسان لكمية السكر الموجودة في الطعام الذي تتذوقه, حتى انه يمكنك ان ترفض كعكة الدونت بعد ان تحس بكمية السكر المضافة اليها وجسدك حينها سيرفضها طبيعيا دون ارادة, خلاف ما كنت عليه في السابق عندما كنت تلتهم خمسة قطع من الدونات دون احساس بالتذوق.

[ديفيد يوسف]

الرجاء ارسال طريقة الريجيم هذه على الايميل الخاص بى وياريت فعلا تكون النتيجة مرضية كما ارى انك تشكر فيه فى الكيلوهات التى خسرتها

[emy_1993]

ياريت لو تبعتلنا طريقة التخسيس ديه بجد عشان انا تخينة وبجد تعبت ومش عارفة اعمل اي حاجة ولو تحب ابعتهالي علي الايميل الخاص بيا هنا

[sama_es]

ياريت تبعتيلى الرجيم على اميلى بعد ازنك وشكراااا لتعبك ومجهودك معانا

[TOKA92]

كده يا هاجر قلت كلام جميل و فى الاخر ما فيش رجيم نزليه لنا علشان ندعو لك جميعا و تاخدى ثوابنا

[مشتاقه لمصر]

فين الرجيم ياهاجر
الله يسامحك
يارب تنجحى بمجموع كبيييييير
تنزلى الرجيم علشان اصحابك التخان احم قصدى الغلابه دول
ياللا مستنين الرجيم

[ymymym]

ايه يا جماعه انتوا مقرأتوش الموضوع كويس بيقولكم انت اللي تبتدي بنفسك من غير ريجم ولا حاجه تبتديه عن طريق انك تظبط وزنك بنفسك
متدخلش المطبخ تاكل عيش ورز ومكرونه وتسيب الحاجات اللي بتفيد الجسم
متقعدش كل شويه تدخل المطبخ عشان انا جعان
لأ ظبط وزنك بنفسك متاكلش كتير لو جعان تاكل اكل مفيد فاكهه خضراوات كده يارب تكونوا فهمتوه ومتشكره علي الموضوع الجميل ده

[مشتاقه لمصر]

ماشى انا قريت الموضوع تانى بس كنا عايزين نعرف الممنوعات مثلا
وكمان هى كانت بتقضى يومها ازاى فى الاكل
ولما كانت بتجوع بتعمل ايه
والناس اللى بدأو يخسو ثم وقف وزنهم مع استمرار الرجيم
يعملو ايه
افيدون
اصل انا بعمل رجيم وعندى والحمد لله اراده قويه بس وزنى بينزل ببطء شديد
مع ممارسة الرياضه والالتزام
طيب ايه الحل؟؟؟؟؟؟؟؟؟؟؟؟

[ymymym]

بصي هقولك انا كان وزني برضه كبير والحمد لله خسيت كتير قوي

هو اصلا عشان تخسي تبطلي لفتره كده الرز والمكرونه والعيش لو هتاكلي منهم يبقي بكميه قليله جدا جدا
مش اطباق اطباق زي ما كان الواحد بيعمل
انتي بدل ما تاكلي علي الفطار عيش بلدي كلي جبنه وطماطم او زبادي او بيض مسلوق
وتشيلي العيش شويه او اصلا ليكي ربع رغيف بلدي في اليوم الواحد كليه في الفطار وبيعادله رغيف سن او 2 توست بيعادله اربع ملاعق رز او مكرونه
تيجي الغدا اعملي شوربه خضار وفراخ مسلوقه او سمكه مشويه اوسمكتين علي راحتك لغايه ما تشبعي لحمه بدائلهم بتاكلي بيض مسلوق او طبق جبنه بطماطم او عدس من غير تقليه او بصاره كده
العشا تخليه زبادي لبن جبنه بطماطم
هتلاقي نفسك بتخسي ومافيهاش حاجه لما تخسي بطيء عادي مانا كنت كده وجاتلي فتره اكتئاب رهيبه لما كنت بخس قليل عاتي يعني كده كده هتخسي في الاخر ان شاء الله
بس لازم يكون عندك عزيمه
غير كده لو جوعتي كلي فاكهه افضل حاجه كلي فاكهه
انا كنت بعمل كده وبستحمل ثم اصلا ماهو اكل كويس جدا وصحي وانتي اصلا المفروض او اي حد يبقي اكله كده قليل وصحي
بس اي خدمه ياباشا

[مشتاقه لمصر]

المشاركة الأصلية كتبت بواسطة ymymym

بصي هقولك انا كان وزني برضه كبير والحمد لله خسيت كتير قوي

هو اصلا عشان تخسي تبطلي لفتره كده الرز والمكرونه والعيش لو هتاكلي منهم يبقي بكميه قليله جدا جدا
مش اطباق اطباق زي ما كان الواحد بيعمل
انتي بدل ما تاكلي علي الفطار عيش بلدي كلي جبنه وطماطم او زبادي او بيض مسلوق
وتشيلي العيش شويه او اصلا ليكي ربع رغيف بلدي في اليوم الواحد كليه في الفطار وبيعادله رغيف سن او 2 توست بيعادله اربع ملاعق رز او مكرونه
تيجي الغدا اعملي شوربه خضار وفراخ مسلوقه او سمكه مشويه اوسمكتين علي راحتك لغايه ما تشبعي لحمه بدائلهم بتاكلي بيض مسلوق او طبق جبنه بطماطم او عدس من غير تقليه او بصاره كده
العشا تخليه زبادي لبن جبنه بطماطم
هتلاقي نفسك بتخسي ومافيهاش حاجه لما تخسي بطيء عادي مانا كنت كده وجاتلي فتره اكتئاب رهيبه لما كنت بخس قليل عاتي يعني كده كده هتخسي في الاخر ان شاء الله
بس لازم يكون عندك عزيمه
غير كده لو جوعتي كلي فاكهه افضل حاجه كلي فاكهه
انا كنت بعمل كده وبستحمل ثم اصلا ماهو اكل كويس جدا وصحي وانتي اصلا المفروض او اي حد يبقي اكله كده قليل وصحي
بس اي خدمه ياباشا

اشكرك على نصايحك الجميله دى
والله حمستينى ابدأ رجيم على كيفى
وربنا يسترها وان شاء الله يبقى ادعيلك لو حسيت بالفرق او حتى محستش
برضو هدعيله
سلام يا باشا