|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
20-06-2009, 12:36 PM
|
||||
|
||||
احنا متخدرين جدا... احم قصدي مبسوطين جدا
السلام عليكم ورحمة الله وبركاته
في البداية يا جماعه انا مش عايزكوا تفتكروني متشائم ابدا والله بالعكس طبعا كلنا فرحانين وطايرين بأنتصارنا علي ايطاليا بطلة العالم ومصر كلها فرحانه العصبيين واللي ملهمش في الكوره والفرافير ...... الخ بس ليه دايما فرحتنا بقت في الكوره وبس ليه عمرنا ما نفرح بنصر سياسي بموقف دولي بتغيير في البلد اي حاجه ليه بقت الكوره هي فرحتنا الوحيده كسبنا يبقي كاننا كسبنا حرب عالميه خسرنا يبقي كانها النكسة ومبقتش بالنسبة لينا مجرد كورة قدم لا دي بقت كورتنا الارضيه والله انا مش ضد الفرحة بالكورة بالعكس انا من اكتر الناس اللي بتفرح بالكورة بس كان نفسي الكورة تكون من ضمن افراحي نفسي كنت ابقي فرحان ببلدي والديموقراطيه اللي فيها وعلمها اللي غزا العالم وجيشها اللي مفيش زيه ونظامها وشرفها اللي انا عايز اقوله واعتقد انه بيدور في دماغ ناس تانيه اننا متخدرين بفرحة الكورة احساس جميل انك تحس بانتصارك بس كنا نتمني انه يكون انتصار يفيد الشعب باكتر من مجرد الفرحه والحمد لله علي كل حال سلامو عليكو
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#2
20-06-2009, 01:02 PM
|
||||
|
||||
|
بص يا اخ زومبا
الموضوع وما فيه ان الناس اصلا مش لاقيه حاجة فعلا تفرحها وهتفرح ليه احنا شعب اتكتب عليه الضغط والسكر ثم مالها الكورة ياعنى هو الواحد لقى حاجة تانية تفرحه ومش يفرح دى تعتبر بقيت احسن من تجارة المخدرات والسلاح حاليا وبتكسب اكتر كمان ادعى بس ابنك يطلع لاعيب كورة مش مهم دكتور ولا مهندس ولا حتى ظابط 
__________________
وداعا
|
|
#3
20-06-2009, 01:06 PM
|
||||
|
||||
علشان ببساطة مفيش حاجة تانية فالحين فيها علشان نفرح بيها
يعنى مثلاً لو حاربنا و إنتصرنا مش هنفرح؟؟ أكيد هنفرح لكن هو إحنا عارفين نحارب علشان نفرح و بعدين يا حاج عادل الناس بقت ماشية تكلم نفسها أهى حاجة الواحد يخرج بيها من همومه قول انت عايزنا نفرح على إيه و إحنا نفرح بس هنفرح على إيه؟!! .. على خيبتنا؟؟!! 
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#4
20-06-2009, 01:08 PM
|
||||
|
||||
|
ارجوك بلاش تفكرنا باللى احنا فيه ...خلينا ناسيييين
__________________
كن كالنخيل عن الأحقاد مرتفعاً يرمى بصخر فيلقي أطيب الثمر
|
|
#5
20-06-2009, 01:40 PM
|
||||
|
||||
|
اقتباس:
عشان تكسب يا تلعب كورة ياتشتغل رقاصة اقتباس:
وعارف والله ان الكورة هي الحاجه الوحيدة اللي بتخرج الناس من همومها ( بمعني اوضح بتخدرهم) وانا من ضمن الناس دي علي فكره بس لما ببص للواقع بيبقي نفسي الاقي حاجه حقيقية الواحد يفرح بيها ومش لازم تكون خيبتنا ممكن تكون وكستنا مثلا اقتباس:
لاحول ولا قوة الا بالله والله يا جماعه انا اسف انا مش قصدي اقلب المواجع بس فكرت بواقعية شوية ويارتني ما فكرت حقوكوا عليا بشكر جدا كل الناس اللي ردت و فعلا ياجماعه والله مش قصدي اكون متشائم او فقري بس اهو الواحد اتجنن وفكر 
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#6
20-06-2009, 02:17 PM
|
||||
|
||||
|
اولا احييك على الموضوع الرائع بجد
عارف ليه عشان الشعب المصرى كدة وهيفضل طول عمره كدة بيهتم بالمهم وليس الاهم من المهم شكرا لموضوعك
__________________
 جدول حملة انا ملتزمة فى رمضان
|
|
#7
20-06-2009, 02:38 PM
|
||||
|
||||
|
ههههههههههههههه
اها والمصيبه كمان لو سألت عيل صغير عايز تطلع ايه لما تكبر حيقولك زي ابو تريكه حاول تقارن بين الاهتمام بالعلم والبحث العلمي ف مصر وبين الاهتمام بالرياضه ابسط حاجه عندك كام قناه رياضيه وكام قناه علميه بصراحه مفيش مقارنه لا وكمان الرئيس بيكرم فريق الكره بشكل سنوي الا نفسي اشوف علماء بيتكرموا ولو مره ف السنة يعني مثلا بريطانيا منبع كره القدم وكفايه اوي ان فيها اقوي دوري ف العالم الملكه اليزابيث بتكرم بشكل سنوي علماء وادباء ورياضيين اها صحيح احنا ليه منفرحش ياراجل دي الحاجه الوحيده اللي فالحين فيها
__________________
 Not everything that can be counted counts, and not everything that counts can be counted |
|
#8
20-06-2009, 03:07 PM
|
||||
|
||||
|
بص يا دولا انت كلامك صح اه
لكن الشعب المصري خلاص بقا عنده كبت ولو فضل قافل عليه هيموت فهو بيطلع الكبت ده في الكوره اهي حاجه بتفك علينا شويه وبتهون علينا فامينفعش ان احنا نستكتر عليه الفرحه حرام لو كتم اكتر من كده هيموت |
|
#9
20-06-2009, 03:07 PM
|
|||
|
|||
|
على فكرة دي خطة و اتنفذت بالفعل ,مش الايام دي بس دي بقلها سنين ..
انا مش بتكلم على الكورة بس احنا فعلا مشغولين بحاجات كتير تفاهات و الموضوع دا يشبه موقف "في عصور الجاهلية و عصر الدولة الاموية كانوا الحكام الظالمين و الاجانب بيحاولوا يشغلوا الناس باي حاجة ذي انهم يشجعوهم على الشعر و النثر و الهجاء حتى لو فيهم بس اهو كانوا بيشغوهم " و احنا كده  مبروك لمصر...و ربنا يرحمنا |
|
#10
20-06-2009, 03:34 PM
|
||||
|
||||
|
اقتباس:
مع احترامي ليك انا مش مقتنع بكلامك يعني ايه يشغلوهم كأن يعني الشعب راح يلعب كوره وساب البلد وبعدين المتش خلص خلاص والناس فرحت وانتهي الموضوع هو احنا خلاص سبنا كل مشاغلنا ومصالحنا وبقينا نايمين نحلم بالمتش وابو تريكه لا احنا مش شعب تافه اوي كده |
|
#11
20-06-2009, 04:04 PM
|
||||
|
||||
اقتباس:
مهى دى بقى ترجع إن مفيش إهتمام بالحكومة و الحاكم نفسه بالعلم
يبقى عايزين الشعب يفرح بحاجة غير الكورة إزاى؟؟!!! عالم فاضية
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#12
20-06-2009, 04:07 PM
|
||||
|
||||
|
اقتباس:
مشكوره علي المرور الجميل  اقتباس:
احنا بنسفرهم يتفسحوا بتاع 20 او50 سنه وبدون رجعة الحمد لله اقتباس:
انا زعلان علي الحالة اللي وصلنالها ربنا يهدي ويقدم اللي فيه الخير نورت يا عمرو اقتباس:
يلا هي جت علي دي يلا الحمد لله علي كل حال
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#13
20-06-2009, 04:14 PM
|
||||
|
||||
|
اقتباس:
هو مش كلنا تافهين بس لما تلاقي ناس هما الشاغل الاهلي والزمالك والاسماعيلي ويموتوا بعض عشان الاندية دي وتلاقي ناس تانية ديابية وتيمورية وبيشتموا بعض وممكن يوصلوا انهم يكفروا بعض دي تبقي تفاهه ولا مش تفاهه يا عم عمرو اقتباس:
يعني دولة متعاونه متكاملة الاطراف
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#15
20-06-2009, 04:24 PM
|
||||
|
||||
|
هو احنا كنا لاقينا حاجة نفرح فيها غير الكورة
والله انا مش بفهم اى حاجة فى الكورة طشاش يعنى كده بس ممكن تكون الحاجة الوحيدة ال ساعات يعنى بتفرح الناس مرة تصيب ومرة تخيب انما مثلا عمرك اصلا سمعت ان حد واخد قدوته عالم مثلا اصلا مفيش كله يا اما فنان يا ما لاعب كورة دا حتى العلماء ال بيتشهروا بيتبرأو من مصر عملتلهم ايه مصر عشان يفترخوا بيها اما تبقى مصر تهتم بحاجة غير الكورة والفن جايز نغير فرحتنا لكن حاليا الكورة وبس
__________________
الحمد لله على كل شئ |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:31 PM.
