|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-06-2009, 03:06 PM
|
|||
|
|||
كتبته والنور قطع فقلت اكتبه تاني بقي وامري لله
بسم الله الرحمن الرحيم انا هتكلم بس مش معني الكلام اللي هقوله اني ملاك لأ  انا بس عاوزاكم تبقوا كويسين عشان هترتاحوا وعشان انا نفسي ارتاح زيي زيكم بقي  المهم نخش في الموضوع بقي بس اتمني بقي محدش يدخل يقولي كلمتين يضايقوني بجد مش هقبل اي كلام فيه تعدي من الاخر معلش هي بدايتها كده بس احتياطي المهم انا سمعت تلات اغاني اغنيتين منهم زي بعض تقريبا والتالته غيرهم عكسهم شويه ايه هما بقي التلات اغاني دول هقولكم بس انا هطبق الاغاني دي علي علاقات الناس ببعضها كلها بمعني بنت ببنت ولد بولد او الام بابنها ببنتها او الاب بابنه وبنته او كله في بعضه المهم فهمتوا الاغنيه بتقول ايه بقي انها بتحب حبيبها قوي ومتقدرش تبعد عنه كلام جميل قوي قوي كمان تعالوا نطبقه في حياتنا كده نشوف علاقه الام ببنتها هتلاقوا في امهات بترتبط ببنتها جامد وتلاقوا البنت تقولك انا صاحبتي هي مامتي كويس جميل خالص ليه بقي انتي تقدري ساعتها ياام تربي بنتك كويس قوي وتعلميها الحاجات الصح اللي انتي متعوده عليها فنصيحه يا اي بنت هتتجوز ويبقي عندك عيال صاحبي بنتك كويس قوي واللي عندها بنت صاحبيها من وهي صغيره خدي رايها في ابسط الحاجات هي هتفرح قوي بيكي كصديقه ساعتها مش هتخبي عليكي حاجات خالص هتبقي انتي اسرارها كلها وساعه ما تيجي تتعاملي مع اسرارها عامليها زي كانها اسرار متطلعش فعلا بره ولو انها هتبقي اسرار عبيطه في الاول بس هتكسبي ثقتها وحبها بعد كده كذلك ما بين الولد والاب برضه نفس الكلام نيجي للاصدقاء اعتبري صاحبتك دي اختك بالظبط شوفي انتي بتحبي اختك قد ايه عاملي صاحبتك زي اختك ساعتها مش هتخسري حد فعلا فيها عيب وحش معلش اختك فيها عيب اوحش بس انتي متقدريش تتخلي او تبعدي عن اختك مش صح برضه بس انتوا بتقولوا ايه لأ كرامتي وهل فيه بين الاخوات كرامه معتقدش ؟ انا فاكره الميس بتاعتي قالتلي بصي يا يميميم فيه علاقتين ما يبقاش بينهم كرامه بيتخلوا ساعتها عنها عشان الحياه تمشي علاقه الزوج بزوجته وعلاقه الانسان بصديقه  فكروا بالعقل ربنا ادانا العقل ليه عشان نفكر بيه صح خلصنا من اول اغنيه نيجي نشوف الاغنيتين التانيين كئيبه فعلا المهم بتقول ايه اشوف فيك يوم علي اللي انت عملته فيا لما غدرت بيا واللي بترضاه عليا بكره انا هرضاه عليك يا سلام جميل قوي الكلام ده معني ايه الكلام ده فيه خيانه فيه غدر بالرغم من انهم كانوا حبايب تعالوا نطبقها كده في حياتنا ما بين الام والبنت بذمتكم محدش سمع ان بنت بتضرب امها او ابن بيضرب ابوه اكيد كلنا سمعنا مش كده وبس لأ بيقتله كمان صح ولا غلط ؟ طب اكيد سمعتوا عن الاب اللي قتل زوجته وبنته وابنه يا عيني اكيد سمعتوا عنها ليه وصلنا لكده ليه يا ناس حرام في حد يقتل ضناه عشان فلوس او عشان مش هيقدر يعيشه بنفس المستوي اللي كان عايش فيه يا ساتر ايه الغل ده كله عشان ايه يعني ؟ مش بتشوفوا ناس بتجيلكم بيتكم بتشحت انا عن نفسي بشوف ناس بتيجي تشتغل اي شغلانه ومش كان هدفها او بمعني اصح يبقي مثلا خريج كليه معرفش ايه كوويسه وبيشتغل بواب علي باب مدرسه طب ليه عمل كده ؟ ده محترم والله فعلا ربنا يبارك فيه الشخص ده فعلا شوف فكر ازاي مش راح يقتل ابنه ولا يسرق ولا معرفش ايه شوفوا الفرق ما بين ده واللي قبله فرق رهيب وشاسع فعلا فليه نغدر ببعض بقي كنا بنحب بعض انا يا بابا بحبك ليه هاجي في يوم واقتلك او اضربك بصرف النظر عن انه باباه بلاش باباه خليه صاحبه يا صاحبي بعد ما حبيتك واخلصتلك تيجي تغدر بيا غريبه فعلا الدنيا والناس نيجي والاغنيه التانيه دي تبقي عيبه اديله طيبه يردهالي قسوه ليه يا ناس ده غش ده بالف وش عموما معلش الله يجازيه شوف عمل ايه الله يجازيه معلش اللي يضايقك سامحه او ادعي ربنا يجازيه ويبعد عني بس سامحه معلش فعلا هترتاح بجد قوي ساعتها تجارب ليا انا مثلا بنت عرفتها عن طريق المنتدي عندي علي الميل كان في اختلاف بسيط ما بيننا وانا عن نفسي مزعلتش بالعكس قلتلها قولي رايك بكل صراحه وعمري ما هزعل منك ابدا امبارح اكلمها متردش مره واتنين وتلاته متردش اكلم بنت تانيه اقولها شوفيها مالها تقولي هي زعلانه من يميميم طب ليه زعلانه طب ردي عيب كده عليكي انك تسيبيني لازم تواجهيني مش تطنشيني لكن لا حياه لمن تنادي علي العموم انا بقولها انا برضه مش زعلانه منك ابدا ووالله لو احتاجتني في اي حاجه عيوني ليكي فعلا بس يارب يهديكي ويهديني لو ضايقتك بنات برضه اتعرفت عليها عن طريق المنتدي ده وعندي علي الميل هم في منهم مش كلهم يعني اكلمهم انا اللي افتح المواضيع معاهم انا اللي اتكلم انا لغايه دلوقتي بحترمهم انا بقولهم وانا قاعده علي الميل لأ مش زعلانه منك لما يسالوني انتي زعلانه يا يميميم وكده بس فعلا بيبقي جوايا زعلان لو انتي مش هتقدري تكلميني ليه اصلا قبلتيني علي الميل بتاعك ليه تجرحيني انا اصلا بتجرح بسرعه وناس كتير عارفاني انا مش بشتكي لحد ابدا لأ انا بس بقول مواقف بحيث انكم تحبوا بعض بجد ومتكرروش الكلام ده تاني متخلوش الناس تنفر منكم تصرفاتكم مش قصدي علي المنتدي بس لأ علي الناس كلها تصرفاتكم بتخلي الناس تنفر منكم بجد بتخلي الناس بتبقي عصبيه وتغلط فيكم وتيجوا في الاخر تجيبوا اللوم علي اللي اتعصب طب ليه هو اتغلط في حقه لازم يدافع عن نفسه وبعد كده يبقي يسامح بس لازم نعلمه غلطه حرام بجد عليكم كده كلامي مكرر جايز بس اهو بنحاول نصلح عيب في احبابنا وناسنا واخواتنا انا مش عاوزه ردود انا عاوزه تفكروا في كلامي هتيجي علي كرامتك شويه معلش لو جيت انت المره دي علي كرامتك هو المره اللي جايه فهتلاقوا ان مافيش اي ضغينه ما بينكم مش هتسمعوا عن ان واحده سابت صحبتها او ما شابه حسنه قليله تمنع بلاوي كتيره
 خلاويص خلصت كلامي خلاص انا عارفه افكاري مش مرتبه بس غصب عني بقي يلا السلام عليكم 
__________________
B,M,Y مع السلامه اتمني تبقوا افضل حالا
آخر تعديل بواسطة ymymym ، 28-06-2009 الساعة 02:52 AM |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 06:44 PM.
